百芳池上便當 (希慎廣場)

营业中

休息中

希慎廣場食店如雲，不時轉轉新口味，這晚走過，見到熱辣辣的炸雞脾，忍不住停下來。主打香口食物、台式飲品，皆是夜市熱門。例如炸雞牌、滷肉、牛肉麵、香腿、珍珠奶茶、果茶等。香酥炸雞腿便當 $63炸雞腿的確出色，非常有夜市的味道，相信是新鮮高溫快炸而成，雞皮酥香極脆，同時能保持𥚃面肉汁，水準之上。但鹽分有點高，幸好配上很多素菜，粟米粒、粉絲、黃芽白、亦有鹹菜，白飯上有汁，整體感覺豐富。台灣夜市香腸 +$25皮脆熱辣辣，有脂肪含量，帶甜好吃。百芳牛肉麵 $66牛肉湯頭帶點辣，湯清味厚，淨喝有些鹹甜交織，回甘在口都幾好味。牛筋腩肉，來自不同部位，有脂肪的入味鬆軟，有些卻帶咬口，入味有肉汁。還配了半隻烚蛋、紅蘿蔔、白蘿蔔、青菜及榨菜，口感豐富多元。粗身麵條，滑而有靱力。 玫瑰鐵觀音茶拿鐵 +$19相比港式奶茶，有點水汪汪的感覺，台式飲法不同，味道涼涼地有點甜，始終是鐵觀音茶，玫瑰香就太現，都幾好飲。野莓果茶 +$15顏色深，味酸甜，就是野莓果汁的味道，好飲。

這個禮拜真的不太敢出街，所以趁去銅鑼灣約朋友見面，順道在希慎廣場食一頓早dinner😋——————————🔹台灣牛肉麵 $66每次食台灣菜，一定會叫台灣牛肉麵食😋這個牛肉麵真的很大碗，肉和麵一樣很多👍🏼當中有牛腩和牛𦟌，煮得好入味和軟腍；麵是我喜歡的質地，可以索湯汁的精華，濃郁美味😍🔸香酥炸雞腿便當 $63這裏的便當都有不少款式，今次朋友就叫了最貴的香酥炸雞腿便當🍗賣相非常吸引，有隻大大炸雞腿、粉絲、粟米、半隻滷蛋和菜，超豐富😍😍這隻香酥炸雞腿，味道一啲都唔馬虎，炸到外層很酥脆，但不算很油膩👍🏼粉絲和粟米都簡單炒過，不是簡單煮熟就算，所以每啖飯都很豐富，不會只有肉跟飯🥳好食！🔹台灣夜市香腸 $25一直以來都不是很喜歡食台灣香腸，因為太肥太膩，但食完這個就改觀了🥰因為這裏的台灣夜市香腸外皮烤得很脆，味道很甜，裏面的肥肉食起來不會很油很膩👍🏼食完想再食~~🔸芝士奶蓋金萱青茶二重奏 這裏的飲料都不算太貴，金萱青茶二重奏，茶味很香，搭配厚重的芝士奶蓋，味道剛好😚🔹黑糖珍珠仙草鮮奶朋友是黑糖珍奶控，所以他叫了黑糖珍珠仙草鮮奶，味道偏甜，奶味被黑糖搶去了，但滑滑的仙草和煙韌的珍珠，令人超有飽足感🤪

希慎開咗咁耐其實都無咩去過，今晚約埋朋友過去搵位食飯傾嘢，食肆選擇不少但人都多，結果在11樓的一角找到呢間百芳池代，剛好對出有枱可以慢慢傾慢慢食。呢間係食台灣菜，有飯（便當）、有麵又有台式小食和飲品，價錢都好大眾化，不錯呀！我們叫左個「台式滷雞扒便當」（$63）和「台灣牛肉麵」（$66），再加左「台灣夜市香腸」（$25）。雞扒便當有一大塊滷水雞扒，非常入味，另外有半隻蛋、粉絲、粟米、椰菜等配料，整體味道ok牛肉麵賣相都吸引，有牛𦟌和牛腩都好腍，而且份量都幾多，加埋其他配料，我覺得比便當更出色！香腸嘅表皮甜甜地又有咬口，味道幾好，好有台灣夜市嘅風味。另外我哋都有加錢轉台式飲品，朋友要芝士奶蓋茉莉綠茶，我就要仙草奶茶加芋圓珍珠，奶茶味剛剛好，仙草既滑加埋芋圓和珍珠的彈牙口感，正！

好想好想去台灣! 百芳真係俾到我台灣既感覺!台灣牛肉麵 $66濃濃既牛肉湯加上熱辣辣既雜菜同滷蛋，仲有大大舊又林又有筋既牛腩 ☺️ 麵條係粗麵有咬口，索左少少湯食到流晒口水。台灣夜市香腸 $25熱辣辣，同埋係脆皮嫁！甜甜地既台灣腸真係好好既小食😌 $25份量都好多！芝士奶蓋茉莉綠茶 $20 湯麵跟餐 減左$5叫左走甜少冰，茶味香，奶蓋唔漏。台灣焢肉便當 $59肥豬肉好正☺️ 呢個價有兩大塊真係超抵，肥瘦超分明所以啲瘦肉有少少乾，但飯底多汁同埋有台灣粉絲又令個balance ok。黑糖布丁鮮奶 $23啲黑糖花係白雪雪既奶上面浮下浮下好靚。

是日在疫情期間，到food court食個便飯，出入都有量體溫，以及分隔座位，都算安心。既然想簡單就買個便當好了，殊不知一D都唔簡單，便當幾有台灣風味，係food court算係高質出品了。如果打算去food court食個便餐，不失為一個好選擇。當中驚喜既位，雖然唔係奶茶專賣店，我點既黑糖珍珠鮮奶係出奇咁好飲！！真係值得試下。台灣牛肉麵 紅燒湯麵呷一啖湯，都幾香濃，牛肉味好香，牛肉分量都多，係食之前快快趣分D俾朋友，而蘿蔔都好入味。台灣夜市香腸太想念台灣夜市，點左咗分腸仔分享，就係台灣既味道，哈哈 XD滷肉飯便當滷肉飯用料都豐富，鋪滿飯上面。我試咗少少，滷肉飯都幾惹味，最後朋友係成個飯食曬呢~黑糖珍珠鮮奶就係佢！真係好飲！攪勻之後飲，黑糖既味道係好出，不過唔會甜得緊要，我覺得係啱啱好，真係贏到出面既專賣店呢芋圓奶茶黃色果杯，好難影到入面，朋友話好多芋泥，到飲完奶茶，仲有好多芋泥，佢係撕開包裝紙來食XD