百芳池上便當 (希慎廣場)

营业中

休息中

今日嚟到銅鑼灣，想隨便食吓，就去咗food court搵食，行咗幾轉覺得呢間台灣嘢對我嚟講算係吸引，所以就決定試試佢叫咗個百方豬扒便當$63，跟餐仲有一杯阿薩姆紅茶。豬扒都幾軟熟唔會過腍過硬，醃料味道都幾好，不會過鹹，我覺得都係一個好食嘅豬扒嚟嘅，便當旁邊仲有菜、雞蛋、粟米同埋菜脯，撈埋個飯入面都好食，真係正正常常一個台灣鐵路便當嘅感覺，我覺得冇人哋講得咁差嘅，我覺得喺銅鑼灣呢個價錢仲跟埋杯嘢飲算係咁啦

一路都有買開百芳池上外賣一向都係以密封式去啤實飲品都明白密封式嘅飲品係要收膠袋錢佢都冇得揀唔要膠袋但係今日發現只係一張紙冚住在喺上面整個蓋請問如果轉左咁樣嘅方式咁憑咩收我一蚊呢？

池上我以前成日食仲覺得好好味估唔到都要送個差評俾佢星期日我一心一意去希慎Food Court 食池上心諗都好耐冇食都叫萬分期待叫左炸雞脾便當同茉香綠茶茉香綠茶到先苦到癲左 直頭好似去飲茶沖到勁苦個種茶味我已叫全甜Chok 左好多下都係繼續都咁苦隔左好耐下炸雞脾便當到了第一啖係好好味的但切到咁上下覺得入面有d紅再食就發現成隻都紅 x 粉紅近骨位有血我都唔敢食啦上次去另一間餐廳食炸脾又係唔熟雞肉唔熟會有菌架大佬我叫男朋友幫我拎返去換池上個阿姐hea佢話熟架喇之後我就用勁多時間開隻脾好生呀大佬點食呀我食唔到囉今次到我拎出去俾個阿姐個阿姐話d醃料會令到隻脾粉紅色我忍唔住Usagi式回應: 「吓？！」我話我食過好多次都唔會咁樣佢見我咁大反應就話：「你個飯食完唔會換俾你架喇！」我話：「邊度食完呀，大半隻脾都唔敢食！」佢話：「俾過份鹽酥雞你啦！」明明隻雞脾生既我都要拗幾次先肯換俾我仲要係佢想俾乜就俾乜我咁阿姐態度惡劣下次都唔知仲敢唔敢食之後杯綠茶飲到最尾發現原來d糖漿攪左都唔勻最尾先夠甜平時有8分今次得0分據我男朋友所講池上大部份分店d店員態度都幾差吓明明野食幾ok都趕客麻煩管理層檢討下!!!否則

叫咗個三杯雞便當，好豐富有另上嘅三杯雞，仲有粟米同粉絲。三杯雞相當香，聞到花椒八角味，送飯一流，而且啲雞份量充足！$68嘅套餐仲送嘢飲一杯，我哋揀咗阿薩姆紅茶，唔錯。呢間係抵食之選！

百芳池上便當，係我心目中嘅台灣美食之選！首先，我哋叫咗佢嘅三杯雞便當，雞肉份量多，口感好，最緊要係勁香，每一啖都帶嚟滿足感。令人驚喜嘅配菜，例如粉絲、鹹菜，同飯食係絕配！加上百芳池上便當嘅價錢親民，無論係口感定價格，都令人心滿意足。如果你想嘗道地台灣風味嘅美食，千祈唔好錯過百芳池上便當啊！

百芳池上便當地址：香港銅鑼灣軒尼詩道500號希慎廣場11樓1101號鋪電話： 21091338百芳滷雞扒便當 、阿姆薩紅茶 $65.0香腸滷肉飯便當、茉香綠茶 $$60這店滷雞扒好大塊好好食、有好多粟米粒、蛋好好味、好抵食送台式飲品，有好多菜、有好多飯，好飽肚，阿姆薩紅茶好好欽，香腸好好食、滷肉好好味、蛋好好味、有好多飯，好飽肚，好抵送台式飲品茉香綠茶好好飲，這店價錢好抵，我第一次惠顧覺得好好食，食物有多選擇，我最欣賞店舖買餐送台式飲品，好值得推介店誧，值得一試

咗碗紅燒湯麵系列-豐盛三品牛肉麵$75（牛丸、牛腱、牛腩）食食吓先發現佢比留咗牛腱我😭牛丸彈牙好味，牛腩入味夠腍，麵條口感和湯底正常台灣牛肉湯麵味道，但就唔算超濃郁個種。碳培烏龍奶茶（熱）加配價$14飲到烏龍味，叫咗少糖唔錯。整體來講味道都唔錯，只是貴咗啲和比留嘢我😢

銅鑼灣附近返工想食台灣野諗到希慎food court外賣自取可以揀定幾時拎真係好方便👍🏻。份量真係好多女仔一個食會超滿足d菜脯有少少辣但好好食！有埋滷蛋，粉絲食真係好正呀豬扒大大份而且又剪開左食都方便d。仲要包茶飲加少少錢仲可以飲埋珍珠奶茶/芋圓飲品👍🏻

🍱 I tried the Taiwanese Marinated Chicken Thigh Bento (百芳滷雞扒便當) from Bai Fung Bento. Priced at $65, this satisfying meal includes a generous portion of chicken thigh, vegetables, half braised egg, glass noodles, and rice. It's a complete meal that will leave you feeling satisfied and energized for the rest of the day.🍵 And here's the best part - it comes with a drink of your choice (Assan Tea, Jasmine Tea, or Roasted Oolong Tea) at no additional charge! I went for the Assan Tea, which was a tad

☞ 銅鑼灣 百芳池上便當 ☜ ———————————————配菜豐富嘅台式便當🤩———————————————◊ 香酥炸雞腿便當配仙草茉香綠茶 ◊個飯嘅配菜有好多有炒雜菜、肉碎炒粟米、粉絲同菜脯，仲有半隻滷蛋。雞髀炸得香脆，而且炸皮好薄，肉質都唔會老。加錢轉咗仙草綠茶，茶味幾香，但唔會濃到苦澀🥰美味程度: ㊣㊣㊣㊣/5———————————————📍:百芳池上便當銅鑼灣軒尼詩道500號希慎廣場11樓1101號舖#為食豬在銅鑼灣 #銅鑼灣美食#foodblog #台灣菜 #炸雞髀 #台式便當 #香港美食 #香港餐廳

基本上每次響銅鑼灣趕時間食個午飯嘅時候，稍為研究咗一陣，結果都係決定嗌外賣最安全最穩陣，反正有地方可以坐低食就唔使出去同人迫，今次都唔例外，因為有唔同嘅朋友一齊工作，其中都係有人想食百芳池上便當，所以好快又再食多一次，亦都係因為咁所以試吓啲唔同嘅嘢食。所以今次試吓個鹽酥雞飯，同埋調多一個皮蛋豆腐嚟試吓。鹽酥雞飯啲鹽酥雞佢有分開一個紙袋嚟裝嘅，不過好可惜始終嚟到嘅時候都係唔係好脆，味道還算可以。皮蛋豆腐味道亦都唔錯，皮蛋冇切開做比較難分享啲，同埋感覺會變得細份咗。

銅鑼灣午飯時間又好趕嘅情況下，所以結果都係叫外賣會最方便，因為唔使等位。諗吓靠近地鐵站附近嘅地方叫嘢食，因為覺得會比較快啲，跟住有朋友諗起可以試吓呢間百芳池上便當。外賣送來嘅時間比想像中多咗啲，但係還可以接受嘅，嚟到都仲係亂嘅。朋友叫咗個百芳滷雞扒便當，分量方面係足夠嘅，雞扒味道亦都好夠味，下邊仲有少少粉絲，不過重點係啲汁唔係好夠，所以食落個飯會有啲比較乾嘅感覺。我就叫咗個台灣半筋半肉牛肉麵，跟台灣粗麵，面底幾夠煙韌咬口，份量亦都足夠反為肉嘅份量比我想像中少，有啲唔夠喉，湯底味道都可以。仲有叫咗兩杯珍珠奶茶同埋布丁奶茶，珍珠奶茶味道係平均水準，布丁奶茶嘅布丁份量比較少，同埋口感始終唔夠台灣本地嗰啲咁滑。下次都係叫返珍珠奶茶穩陣啲。

明明我個餐已經出左 個呀姐係都要做埋我前面啲order先 最後我等左半個鐘先等到佢拎個餐比我 出餐慢唔緊要 出左都唔比人個個堆哂係度 我問都問唔到 最後大叫：其實我個餐出左架喇不如你拎一拎比我啦

提前叫了外賣，到了取餐時間去拿，還是到了之後才做，而且都出餐了，店員好像眼盲一樣，搞這搞那，等了5分鐘才出餐，麻煩下次眼睛亮一點已經不是第一次了，好幾次都這樣，不夠人就請多點人啦

皮蛋豆腐 (Preserved Egg Tofu):The smooth and velvety tofu paired impeccably with the richness of the preserved egg. The preserved egg, also known as century egg, had a unique savory taste that melded harmoniously with the delicate tofu. The dish was garnished with scallions and a drizzle of soy sauce, adding a burst of umami to the overall experience. Each bite was a delightful blend of textures and flavors, leaving me longing for more.台灣牛肉麵 (Taiwanese Beef Noodles):The broth, simmered to perfection