哈豆

营业中

休息中

朋友知道我一家都鐘意去台灣，又好鐘意食台灣菜，就介紹我地去呢間哈豆。雖然工廈區，環境冇地舖餐廳裝修咁靚，但坐得都舒服，而且唔使加一，價錢更親民👍🏻我地三人點左3個餐，再加2個小食，都只係$200 鬆啲，而且每碗麵都有蔬菜同半隻滷蛋，確實抵食👍🏻台灣牛肉湯麵，牛𦟌好入味又夠淋，大人小朋友都啱食，湯香味撲鼻，入口清甜。家傳肉燥乾拌麵，麵質軟硬適中，好有口感，加上肉燥，係台灣嘅感覺呀😍秘製牛肉沙茶乾拌麵 牛肉同牛肉麵一樣係牛𦟌，而且唔係薄薄嘅一片，而係差不多有8mm厚，加上沙茶醬，味道更豐富。仙草豆漿，仙草都幾多，少糖豆漿微甜，健康啲又解渴啲。黑糖鮮奶茶，以豆漿代替奶精，健康啲，但味道一樣咁好味。黑糖薑母茶，夠薑味而不會太甜👍🏻五香滷蛋，同麵配嘅一樣，但加上滷汁，更入味。丸子胡椒豚骨湯，呢個真係超正，一湯三款不同肉丸，每粒都爽口彈牙，仲有好多蔬菜🥬本來仲想食仙草芋圓雪糕，但已經好飽，麵的分量足，飲品又大大杯，性價比高，下次會再梨食😋

之前食過哈豆另一分店，好鍾意佢個芋泥吐司。今次去左觀塘另一分店，成業分店平民化一點，定價都會低少少🖍️一入去就俾牆上嘅壁畫吸引，十二門徒畫上面全部都係熟識嘅台灣電影人物，例如想見你、月老、當男人戀愛時，一路食飯都一路可以傾下台灣電影。🐮台灣牛肉湯麵 $66牛肉麵湯底比一般嘅牛肉麵清少少 ，清得黎有少少藥膳味 ，就咁飲個湯都得。牛肉大大件好厚肉 唔會太多筋麵質比較淋，但都好吸湯底味。🐷排骨肉燥乾拌麵 $62炸排骨另上炸得外皮香酥，排骨啖啖肉夠juicy，椒鹽調味香口。肉燥份量好足夠撈麵， 肉燥唔件太咸同太肥，味道剛剛好🍠甘梅蕃薯條 $28蕃薯條炸得金黃香脆，甘梅粉酸酸甜甜，加埋蕃薯條本身嘅甜味，一齊食好夾，好鍾意呢個台式小食！🧇芋泥窩夫 $28估唔到有芋泥控最鍾意嘅芋泥窩夫，芋泥好足料，入面有粒粒芋泥。窩夫比乾軟熟，但食落同芋泥好夾，兩大件都好飽吐。作為下午茶一流！🧋豆漿紅茶 跟餐可以免費跟餐飲，可以加錢轉其他台式飲品🧋珍珠鮮奶茶 +$12👍食咁多樣野人均都唔駛一百蚊 ，真係好抵食

༺ 哈豆༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎ ➳ 哈豆𖠚ᐝ 炸物拼盤(+$48)𖠚ᐝ 台灣牛肉湯麵($66)𖠚ᐝ 椒鹽排骨芝麻醬乾拌麵($66)𖠚ᐝ 葉月豆漿紅茶(+$0)𖠚ᐝ 百香果綠茶QQ(+$12)⚑ 觀塘成業街19號成業工業大廈2樓29室ʀᴇᴠɪsɪᴛ:7.1/10☽‎⋆.•* ¨¨¨¨¨¨¨¨¨食後感¨¨¨¨¨¨¨¨¨*•.⋆☽ ➳ 台灣牛肉湯麵($66)麵底偏軟幼身，冇咩咬口～ 湯式清甜，唔會好濃味，舒服嘅味道😋牛肉重牛味，而且好淋～ 仲有生菜、滷蛋、蘿蔔做配菜～評分：7.3/10➳ 椒鹽排骨芝麻醬乾拌麵($66)芝麻醬份量好多，仲有滷肉一齊拌勻～ 芝麻醬甜甜地，配上其他鹹食，甜甜鹹鹹不錯🥳麵質一樣，幾掛汁～ 椒鹽排骨都好夠味，肉質都唔柴！評分：7.4/10另外，如果主食選套餐，可以免費享用飲品和以-$10的優惠叫小食！好抵食😚套餐同單點都只係差$4😏➳ 炸物拼盤(+$48)有香腸、鹹酥雞、丸子、蝦卷、番薯條～ 勁豐富，仲有唔同粉增加調味🤤番薯條好甜好好味，蝦卷同牛丸好juicy!! 鹹酥雞肉質嫩滑😆香腸鹹香味好夠～ 評分：7.8/10➳

🍽️哈豆 (觀塘)📍觀塘成業街19號成業工業大廈2樓29室✨佢實在係我其中一間最愛既台式餐廳！忍唔住今日要再去食啦！1. 台灣牛肉湯麵🍜睇開我post既人都會知道我係牛魔皇，呢一碗牛肉麵實在緊緊地扣住我既必！入口即化既牛肉，自家熬製既牛肉湯底，加埋好台灣既牛肉湯麵，真係天下無敵！2. 珍珠豆漿🧋豆漿唔會太甜，加埋口感彈牙，份量又多既珍珠，真係飲完仲想叫多杯。3. 牛肉鮮蕃茄湯麵🍜牛肉配蕃茄湯底真係點都咁好味！ 蕃茄湯底嘅蕃茄味好出，而且飲完一啲都唔口渴。牛肉依然係咁入口即化，一試難忘！佢哋嘅麵有少少似上海麵，呢個配搭真係一絕。4. 桂圓紅棗茶☕️食完嘢飲番杯桂圓紅棗茶，就最好不過。桂圓紅棗味道都唔算太甜，飲完個人好舒服。5. 手作芋泥窩夫🧇食台灣嘢又點少得食有芋泥嘅甜品呢？呢一款自家製既芋泥窩夫，好香芋頭味，食落去唔會太甜，味道啱啱好。個人認為，好值得一試！✨P.S.觀塘嘅工廠大廈真係隱藏住好多好食嘅餐廳，哈豆實在係其中一間實力派既美食餐廳。裏面唔單止裝修風格好有台灣風味，而且好多有關台灣電影嘅Poster，真係好似去咗轉台灣咁💖一定會再黎食！

觀塘一帶嘅工廠大廈出咗名有好多隱世小店😎 今次揀咗嚟呢間 喺網上都有好多好平嘅樓上台灣餐廳 食個lunch😚今日係平日 大約12:45 左右 餐廳都係得我一檯 餐廳位置唔大 有投影機將台灣歌曲MV喺牆播放😮 點餐方法係自己寫落點餐紙 然後出去收銀處先俾錢 店員再送餐過嚟 落完單大概一點幾就開始有其他客人坐低啦🤭逢甲鹹酥雞肉燥飯肉燥飯嘅肉粒幾大 配埋醃青瓜同菜脯 鹹酥雞外皮唔算好脆 味道又唔算好鹹 雞肉又冇乜肉汁 好普通嘅鹹酥雞😩 不過整體味道好有家庭式嘅感覺台灣牛肉湯麵牛肉用上牛展同牛筋嘅部份 都食得出牛肉嘅味道 麵條不粗不幼 都算彈牙 湯底有微微嘅辣 幾惹味👍🏻 值得一讚嘅係湯底唔算好鹹加配小食 蝦仁卷蝦肉餡唔算出眾 平平無奇 覺得下次唔需要特別加配😂凍豆漿紅茶加珍珠幾特別嘅飲品 加咗珍珠感覺好似用豆漿代替奶咁 味道變得有少少似珍珠奶茶 唔算好甜 珍珠質感都唔錯🧋凍豆漿綠茶 走甜豆漿味道唔太突出 主要係飲到綠茶嘅味 但係係好淡嘅綠茶 可能係走甜嘅關係變得比較冇味🙈成餐感覺 係工廠大廈入面嘅家庭式台灣料理 以咁嘅定位來講 價錢有少少偏貴 性價比唔係特別高😮

返工返到好攰，仲要下午茶時間先有機會食飯，所以要食返啲會令自己開心既野食。因為太想去台灣既關係，所以就係要食台灣牛肉面。尼間店會不停播台灣MV/節目，而且WIFI 密碼仲貼到周圍都係。諗起以前去旅行食飯揀食乜時，都要睇埋間餐廳有無WIFI。宜家仲會有WIFI出尼真係好少見，但好方便我睇漫畫囉。食乜野係自己响餐單度寫，適逄下午茶仲有9折，就可以加埋香腸啦。落左單之後飲品好快到，食物大概等左10分鐘。牛肉面有三大舊牛腩，真係好大舊，我只食得落兩舊，下次唔止要叫少面仲要叫少肉。牛肉係有筋既，煮都好稔好好味，配上半隻雞蛋及一條生菜，面係我鐘意食既粗面，牛肉湯我飲左半碗。香腸就係台灣腸，係我去親台灣都必食既烤台灣腸。飲品方面我試左豆漿綠茶，好有台灣風味係淡淡的豆漿，對飲開微甜既我尼講係糖水。除左下午茶時間有9折優惠，仲有得儲印仔，儲滿10個印仔食送飲品一杯。去台灣旅行時我已經好鍾意食牛肉面，好多舖頭仲會有埋牛肉湯面，除左無牛肉會平啲，對當年食素既我有啖肉湯飲下都好正。到底幾時先可以去外地唔洗隔離呀.....

參加左試食活動意外發現隱身工廈嘅台灣菜餐廳💛台灣牛肉湯麵 ($64)鹹酥雞肉燥湯麵 ($60)蜂蜜檸檬椰果 (+$12)檸檬梅子QQ (珍珠+椰果) (+$12)清境和牛薯餅 ($26)等齊成枱食物之後仲要影相影左段時間😙 但都唔影響個湯麵一樣好食😆 牛肉麵味道正常發揮😛 個牛肉幾淋幾易咬都唔差🤤 鹹酥雞熱辣辣香脆好食😋 個湯麵除左肉燥仲有一羹榨菜又幾好食🤣 個和牛薯餅都好好食😳 外面炸得脆入面似係和牛碎同薯蓉嘅概念😍 就算影相耐左少少薯餅灘凍左少少都一樣好食😎台式飲品來講試下d 特別野😆 湯麵跟餐加錢就可以了😙 蜂蜜檸檬椰果就係檸檬味重d🍋不過因為有蜂蜜所以都係甜的😋 檸檬梅子QQ 幾得意🤣 珍珠加椰果幾有咬口😍 因為有梅子味 所以帶點酸甜😳因為樓上餐廳加上隱身工廈嘅關係🙈 人流唔算多 坐得舒服😛 係略嫌冷氣偏涼😬 餐廳有大電視播下歌都幾唔錯😙

見到牆上嘅台灣名勝繪畫 就好想去台灣旅行🥺好想來個快閃 打個邊爐 走翻轉夜市不停食食食🔖 台灣牛肉湯米粉已經係多次到訪 小編比較偏好新竹米粉可以吸收晒牛肉湯汁 但麵質又不會變淋 正呢❤️餸方面則有秘製牛𦟌、菜同一隻滷水蛋牛𦟌肉質彈牙 夠咬口 肉味濃郁 滷蛋亦滷得入味落單流程係喺枱面張落單紙寫低食物/飲品編號再到收銀處先付錢的(´-ω-`) 這點要注意喔!

有兩間分店，分別都座落於觀塘工業大廈中。小店衛生十分好，有效消毒。.🔸台灣牛肉湯麵($60)分數: (8/10)牛肉非常冧，放進口一咬有溶化的感覺。白蘿蔔，紅蘿蔔也煮得非常冧，非常入味，連我平時不喜歡吃紅蘿蔔也覺得好吃。湯底有微微香辣味，味道好，如果湯能做到掛在麵上會更好。.🔸萬巒豬腳肉燥乾拌麵($56)分數: (7.8/10)麵身軟硬適中，配搭肉燥跟菜脯一起吃，味道剛好，滷蛋十分入味很好吃。豬腳肉配搭醬汁，亦很入味，感覺也沒有很油膩。.🔸炸物拼盤 ($42)分數: (7.5/10)(甘梅薯角，鹽酥雞x4，香腸x1，蝦蜷x1，花枝丸x1，豬肉丸x1)份量只適合1-2人食用，炸物很香脆，熱度很好。豬肉丸肉汁非常豐富。甘梅薯角微微辣味，鹽酥雞也好吃。蝦蜷口感特別，內有馬蹄。.🔸珍珠豆漿紅茶(跟餐+$4)🔸珍珠黑糖鮮奶茶(跟餐+16)飲品味道不過不失。豆漿代替奶沖紅茶，味道新穎。.💛小貼心：每枱提供抗菌消毒噴霧清潔雙手，每晚UV紫外燈清毒店面，十分衞生。

原本同媽咪去東廣場食嘢，但唔知係咪因為落雨，周圍都好多人。於是我哋去咗隔離工廈嘅樓上餐廳食台灣麵。比起平時食lunch少人，坐得較輕鬆自在。我哋叫咗兩碗麵，同一個滷水拼盤share食。🥢🥢🔆台灣牛肉湯麵 - 牛肉冇花冇假厚切大大嚿， 煙靭咬口，足料有成三至四舊咁多；牛肉湯冇台灣一般食到嘅咁咸；麵質係我同媽咪鍾意嘅軟硬度，唔會一pat pat。🔆豐盛牛肉鮮蕃茄湯麵 - 加咗蕃茄味嘅牛肉湯，味道濃郁，墨魚味好重嘅花枝丸、貢丸、同大大舊牛展～🔆湯麵嘅蘿蔔好甜好入味，套餐包埋兩杯台式飲品，我叫左凍葉月豆漿紅茶，媽咪就要熱葉月紅茶。豆漿紅茶味道類似豆漿奶茶，飲到濃濃嘅豆漿味，而媽咪個杯就類似黑糖茶味道，套餐包埋都幾抵。🔆台灣滷水拼盤 - 好重滷水味嘅豬腳、豆腐、牛肉、滷蛋、雞翼，全部都好入味，豬腳肥瘦適中，最正個豆腐，淡淡豆腐香同滷水汁。♥️中間大電視播緊濱崎步演唱會，勁歌熱舞，同媽咪舒舒服服邊食邊傾邊睇，唔洗同人迫。呢度擺放左唔同年紀都岩嘅懷舊道具同poster，都幾得意，可以影下相架@@

咁啱嚟到觀塘上堂，係附近搵嘅特色嘢食，於是就上左哈豆食台灣嘢啦。哈豆有兩間分店，呢間係工廈2樓。一入去就見到牆上有好多台灣嘅相，餐廳掛住好多特色的牌同海報，好有古色古香的台灣風味。一整面紅磚場加上海報同精品，更有風味！個肚打晒彭，我地一行二人叫左兩個套餐加一個小食^_^ 點餐係用點餐紙寫的，上面有推薦的小食，我地見到就即點左一個鹹酥雞啦～鹹酥雞啖啖肉，皮薄，而且不會太重味，但口感外在酥脆，肉質夠實，重點推介！套餐叫左台灣牛肉湯麵，牛肉超厚身，啖啖肉，而且十分香牛味。麵彈牙不會太軟身，加埋菜甫的少少辣味，帶出左牛肉麵的香味。另一個套餐係椒鹽排骨肉燥麵，肉燥撈麵不會太鹹，份量適中，加上椒鹽排骨仍不會太重味，味道平衡得剛剛好。飲品方面，跟餐加點左蜂蜜仙草，仙草份量十分豐富。入口有香甜的蜂蜜味，並不會死甜。另一杯係跟餐的熱豆漿綠茶，入口順滑，不會有茶澀味亦不會有嚡口的感覺，十分適合依家冬天凍凍地時暖暖心胃。總結：特色工廈小店，適合三五好友相約吹水簡單食飯，意想不到的工廈出色台灣菜！ 

今日在觀塘開會，lunch時間隨便找了個餐廳進去食，見這問台灣餐廳的comments不錯又抵食，就試試這間。雖說在工廠區但不難找，地點方便。點了一個台灣牛肉湯麵，淨麵$50，套餐(跟一杯飲品)$54，飲品選擇只有綠茶/紅茶/豆漿綠茶/豆漿紅茶。只有四款選擇，選不了加$5點了其他的。麵中規中矩，煙韌不稔身，份量不選多，不大食的女仔食應該剛剛好。牛腩軟稔肉香味道濃郁。簡簡單單的一碗麵和飲品，丞惠$59。算抵食！