面對面

营业中

休息中

今晚要同牛魔王作對，叫咗個牛魔王飯$78，有牛展、牛腩、蘿蔔、牛丸、牛肚，全部都炆得好入味好嫩好淋，特別蘿蔔真喺好出色，自己之前都煮過，真喺點煮都煮唔到咁嘅質感。另外叫咗個鹽酥雞藥膳湯麵$50，鹽酥雞酥咸外酥內嫩，配以藥膳湯底的台灣面，啖啖香濃的藥膳香味，食落好舒服。老闆話藥膳湯加了多種食材例如水果來中和藥膳的澀味，飲落啱啱好，估唔到喺咁講究，唔怪得同其他藥膳湯底有啲唔同。感覺上飲落唔熱氣，加上台灣麵的麵條口感有彈性，不會太硬或太淋。推介！同埋見到隔離檯叫咗個肉鬆小茄子，餸飯好似唔錯，$32叫埋個小食，估唔到最驚喜喺喱碟小茄子，必須要叫！酸酸甜甜超開胃，餸酒餸飲都一流，真喺超推薦，食唔停口。+$10跟餐熱飲洛神花茶，酸酸甜甜，消滯開胃。最後個朵洛神花仲可以食埋添，唔喺淨喺得糖漿。餐廳最近新開的，老闆都好熱情，有時同男朋友喺附近酒店住一晚，附近啲餐廳都食過哂，估唔到喱間平平地又有驚喜。

餐廳：面對面地點：灣仔巴路士街菜式：台灣菜餐牌：湯麵類，煲類，飯類，撈麵類，小食，下午茶湯麵，飲品鮮蝦雲吞麵 $46鮮蝦雲吞麵有一客四隻雲吞，雲吞皮好薄又滑，真係見到有大大隻鮮蝦同肉餡，味道少少鹹，好味道。麵係白色幼身台灣麵，比上海麵更有口感，質素唔錯，唔會太淋或者一patpat，配有菜心兩條，肉碎，鹹菜同蔥花。而且湯底居然係藥膳湯，清得黎帶好香藥材味，餸麵一流。秘製花枝丸麵 $46秘製花枝丸一客五粒，同麵分開上，炸得皮金黃色，而入面好濃花枝丸味，口感都唔錯，唔會太油，墊有生菜一片，灑上少少胡椒粉。麵同鮮蝦雲吞麵既麵一樣。台灣肉鬆小茄子 $32台灣肉鬆小茄子大大碟，整得熱辣辣既外脆內滑茄子條，加上香口肉鬆，蔥花加甜辣醬汁，味道特別，好惹味，而有多重口感，正。凍菜蜜 跟餐加$4凍菜蜜味道清淡。凍冬瓜茶 跟餐加$4凍冬瓜茶就好清甜，兩杯都叫左少甜。今餐食物質素唔錯，我最鍾意係雲吞麵，而價錢超抵！座位都唔差，乾乾淨淨。