Steak Bar (已結業)

🇭🇰 銅鑼灣-Steak Bar成日去銅鑼灣都覺得登龍街有好多嘢食😍最近就俾我見到SteakBar做緊優惠～～有個幾抵食既2人餐都係$499，仲要有得送埋牛舌😆所以就去咗同朋友仔試吓🤘🏻hehe我最鍾意捐窿捐罅搵優惠🤗⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗🔳環境：環境不算好大，但每台位置空間都好充足，職員服務都好有禮貌，會主動介紹做緊咩優惠👍🏻👅二人套餐(⭐8/10) $499🔹吉列炸牛扒(⭐7/10) 外皮本身已經脆卜卜，再放上石板到燒，令到成個炸牛扒更加鬆脆，自己控制生熟程度，唔使燒好耐就食得，肉質不錯，咬落唔會話好韌☺️同埋份量都算幾大碟～🔹香煎比目魚柳(⭐9/10) 一雙碟見到咁大塊比目魚，真係心心眼🫶🏻肉質勁滑嫩～～而且佢煎得外脆內軟既感覺(睇相都見到佢煎到金黃色)😻同埋食得出好新鮮，唔會話有腥嘅味道👍🏻🔹日式章魚小丸子(⭐7/10) 有四大粒嘅章魚小丸子，食落唔會話好粉，同埋外皮都好脆👍🏻🔹黑松露薯條(⭐8/10) 薯條炸得超脆同埋熱辣辣，再加上黑松露粉，味道上又昇華咗，本身小編唔鍾意食黑松露味 成日覺得會有臭味～～但呢個我又ok

🍽吉列炸牛扒定食(💰188)💁🏻‍♀️吉列牛定食送到黎會有個爐俾我地自己烤，生熟程度自己控制～定食都幾豐富，有飲品(汽水)、沙律、豆腐小食、飯、吉列牛扒。不得不提大大碗白飯上嘅飯素，份量超多呀！多到好似🧑🏻‍🍳倒瀉太多飯素咁😆好好食！💁🏻‍♀️講返主角吉列牛扒都幾大塊，而且厚身～吉列邊係麵包糠脆脆，夠曬脆口！牛肉又夠香，唔錯唔錯😍石燒會配上一舊牛油，牛肉燒得更香！自己燒完嘅牛肉生熟啱曬自己心意，冇overcook又冇too raw～牛食落都嫩口㗎！💁🏻‍♀️不過覺得原價188都係偏貴🙈

吉列牛近期真係非常之流行，成日都可以見到佢地既蹤影🤤🤤🤤！但大家有無諗過吉列牛都可以燒呢？Steak Bar 今次就做俾你睇！今次試既係Steak bar 既吉列牛定食，佢最特別既地方係有一個爐大家可以放吉列牛上去燒既🔥🔥！一定要讚既係佢呢個set 真係好多野食，首先有已經加上左飯素既白飯（呢個位好細心！🤣🤣🤣），沙律，仲有麻醬豆腐！吉列牛方面，個牛真係唔錯🤣🤣🤣！脂肪係比較小果類，但牛味好重，燒完之後完全無稔到，為脆脆地既吉列牛加多左一重香烤既口感落去！真係非常特別🤤🤤🤤！

和🐷先生去完日本神户食🐮，大家都好掛住🐮既味道，於是上網搵翻一間出色既食牛餐廳。最後我地揀左 steak bar, openrice 訂位大概1830到，即時入坐。環境舒服，店員亦主動提供餐排上既介紹。一心想試下佢地吉列牛，所以我嗌左個套餐，跟沙津同飯。每一邊既牛要燒大概30分鐘左右。肉質好滑，有口感，整體賣相都好靚，店員有禮貌同耐心介紹 牛可以自己煎耐d都得，是乎個人喜好，而我就鐘意生d，所以每邊都系煎20至30秒左右、最後，🐷小姐和🐷先生極力推介依間餐廳比大家

星期六晚落雨濕濕唔知去邊度食，銅鑼灣鋪頭雖然多，但係質素參差，又驚中伏.......見六點幾仲未有人就決定試吓呢間。蝦子餅一向都好鍾意食牛扒，餐牌上嘅食物豐儉由人，我哋決定點中價餐。店員服務態度好好，點餐嘅時候同我地確認一次。叫咗一份吉列牛同埋頂級鍵件牛扒，後者要咗五成熟。味道唔錯，五成熟煮得啱啱好，吉列牛都唔錯。個人覺得調味已經足夠，唔需要再沾鹽。食到七點見到餐廳已經坐滿，感覺唔錯相信下次會再嚟。

登龍街地鋪除了拉麵就係拉麵，今次見到有新既x喜茶即將開幕，又見到呢間steak bar, 終於有d多元化了！趁新開未有咁多人 梗係試左先吉列牛之前係隔離既食肆商廈都試過，第一印象當然係強烈既罪惡感！不過好食既東西係要付出(quota)既，所以今次三人行 都決定要再試吉列牛； 另外一份簿牛肉，同限量既牛板鍵定食吉列牛：睇相已經夠，唔洗講。邪惡之處在於煎牛既時候，佢既炸粉會「 充分」吸收左石板上既牛油，唔香至奇啦！三個餐中最貴既限量牛板鍵：雖然唔知係咩位置，但當佢係牛扒咁都煎得非常靚！我叫既5成熟真係非常嫩同juicy，逆紋切開，中間有條筋，不過一d都唔軔，帶點油脂反而令到個牛口感更好👍🏽簿牛肉：5塊簿簿既牛肉一放上去石板就好快熟，不過即使忙住食其他野唔理佢，全熟既味道都好香好嫩，我覺得係眾多定食中最抵食的。雖然d牛都高質，但menu既選擇除左牛就係牛（好似帶個羊？），小食方面都係非常「正路」既選擇，drink list亦都因為未有酒牌所以飲得唔夠爽⋯希望之後可豐富番個餐牌，吸引我幫襯第二次