新泉發潮州飯店 (已結業)

潮濕又冇咩胃口既天氣最想打冷，要搵好食既打冷鋪話難唔難、話易唔易，食過太子同西環名店都好一般。 我既底線係滷水野要入味，最後陰差陽錯記錯自己食過就揀左新泉發。以為係大排檔既格局，黎到見到有如光猛既細茶餐廳，有少少嚇左一跳，掙扎左一陣之後決定照入去。美味滷水拼盤 ($95)墨魚、生腸、鵝腸、豬耳等滷得爽脆入味，生腸直頭脆到索索聲，鵝腸亦去左肥膏，有誠意之作。老實講當中部分係我人生第一次食，但連大腸都好易入口，墊底既韮菜沾滿陳年滷水，瞬間清碟。馳名汕頭蠔餅 ($65)煎蠔餅清楚食到鴨蛋、蔥既香氣同蠔仔既幼嫩，比酥脆既炸蠔餅更勝一籌。  可惜係預先整好，夠熱但底部油左少少。吊片蠔仔粥 ($36) 細先飲到鮮甜既粥底，及後每啖都食到新鮮肥美滑溜既蠔仔，好滿足。由於撈極都只有滿滿既蠔仔不見吊片，特意問店小二係咪上錯左，伯伯話吊片會切粒、另一款方魚會磨粉，我只好信了，總之叫邊款都當返係肉碎蠔仔粥啦。鳳爪花生 ($75)起碼有十隻完整炆至軟腍既鳳爪，調味介乎醬油同滷水之間，配啤酒岩岩好。後生老板娘同幾位伯伯都招呼周到，環境乾淨企理，以細圓台為主，唔洗等位亦唔洗搭台。雖然落單後所有菜式都會係廿秒內上菜

今日要出雅蘭取團購來的東西, 當然要在開飯做足開飯功課, 雖然雅蘭有很多食肆但沒有一間特別出色和吸引. 所以便找到附近的打冷檔, 大約七時十五分. 店內只有一枱客人, 在網上已做了功課, 很快便能跟待應點出菜式. 餐牌簡單一目了然, 奇怪地枱上什麼沒有, 例如牙籤其他的調味料, 而這個餐牌待應很快便收回....怕我們太肚餓食了它嗎???咸菜做得頗出色, 不會太咸但卻比較淋, 門鱔只有五小舊, 真是物價通脹得很利害. 味道還可以但如果不愛好吃凍魚的話會覺得有陣腥味~鵝片不會太肥實在抵讚, 肉質不會很韌, 至於配料方面有花生和豆腐但不夠多, 豆腐不入味...越期待就越失望, 先講胡椒, 胡椒很貴嗎???完全不覺是在飲胡椒豬肚湯......一般酒樓好很多很多...豬肚有少許苦的~沒有腐乳味, 整碟菜油得怕怕~~~~勝在通菜新鮮爽口我想這個粥是這間打冷檔的鎮店之寶!!!!!!!!!!粒粒米飯可見...確是有吊片存在....蠔仔亦很新鮮肥美...最滿足都是這個蠔仔粥了~本以為這間打冷檔不是很多人吃, 但我們食了一半後望一望..嘩..原來已坐無虛席...但我想除非我好想食蠔仔粥..否則都不會再來了