新泉發潮州飯店 (已結業)

潮湿又冇咩胃口既天气最想打冷，要揾好食既打冷铺话难唔难、话易唔易，食过太子同西环名店都好一般。 我既底线系卤水野要入味，最后阴差阳错记错自己食过就拣左新泉发。以为系大排档既格局，黎到见到有如光猛既细茶餐厅，有少少吓左一跳，挣扎左一阵之后决定照入去。美味卤水拼盘 ($95)墨鱼、生肠、鹅肠、猪耳等卤得爽脆入味，生肠直头脆到索索声，鹅肠亦去左肥膏，有诚意之作。老实讲当中部分系我人生第一次食，但连大肠都好易入口，垫底既韮菜沾满陈年卤水，瞬间清碟。驰名汕头蚝饼 ($65)煎蚝饼清楚食到鸭蛋、葱既香气同蚝仔既幼嫩，比酥脆既炸蚝饼更胜一筹。  可惜系预先整好，够热但底部油左少少。吊片蚝仔粥 ($36) 细先饮到鲜甜既粥底，及后每啖都食到新鲜肥美滑溜既蚝仔，好满足。由于捞极都只有满满既蚝仔不见吊片，特意问店小二系咪上错左，伯伯话吊片会切粒、另一款方鱼会磨粉，我只好信了，总之叫边款都当返系肉碎蚝仔粥啦。凤爪花生 ($75)起码有十只完整炆至软腍既凤爪，调味介乎酱油同卤水之间，配啤酒岩岩好。后生老板娘同几位伯伯都招呼周到，环境干净企理，以细圆台为主，唔洗等位亦唔洗搭台。虽然落单后所有菜式都会系廿秒内上菜