火土燒肉

餐廳裝修佈置好有心思，從門口到入面都擺滿各式各樣露營用具。室外室內空間感充足，坐得舒服。柚子巴馬火腿薯仔沙律 ⁵⁸薯仔蓉口感綿滑，帶微微柚子香。味醂魚乾 ⁴⁸比一般出面食嘅厚身少少，食落更加有咬口、煙韌。明太子雞翼 ⁵⁸雞翼皮薄有油香，包住滿滿明太子同雞肉，好惹味。月見醬燒飯團 ⁴⁸極力推薦！充滿飯焦同醬油香，口感香脆之餘又煙煙韌韌咁，蛋黃汁令口感多一重滑溜蛋香！香蔥蒜末牛舌 ¹⁰⁸建議先輕輕燒熟其中一面，然後放埋蔥蒜再燒到牛舌邊位至焦香。爽口又充滿蔥蒜香。全牛特選拼盛 ⁴⁷⁸有牛肋肉、牛里脊肉、牛舌、牛胸腹、雪花牛小排。整體嚟講質素唔錯，肉嘅厚薄同油花適中，肉味幾濃郁，有咬口得嚟又唔會輆口。

疫情期間大家都唔能夠出外旅遊 留港但又想呼吸一口新鮮空氣 最受歡迎就係去郊外glamping 但好多人又怕燒嘢食麻煩 又要自己準備 食完之後又要清潔執拾 所以火土燒肉就應運而生首先 佢哋裝修十足日式露營風格 好似snow peak 座位就有分露營椅同普通椅 另有帳篷式座位供六人入座 自成一角好似真係去咗露營咁 另外餐具方面亦都心思十足 貫徹返露營風格👍而食物方面種類都算比較多 有前菜 小食 肉類 其中小食類比較特別嘅係月見醬燒飯團 加埋蛋汁 飯團燒燶脆皮 好好食 另外仲有個味醂魚乾 微微哄返熱 再點奇妙醬 佐酒一流肉類方面 印象比較深刻係厚燒豚腩肉同雪花牛小排 兩者都肉汁豐富 值得一試