驚安燒肉商店

营业中

休息中

朋友話收工想食燒肉，於是就搵左呢間試下，地點方便，內在環境睇落都唔錯。 叫左一份和牛九宮格盛合同埋柚子漬雞肉山，簡單黎講就係牛同埋雞，咁當然唔少得食燒肉必備嘅啤酒。🍺啤酒用冰過嘅杯係重點。 和牛九宮格盛合分別有鹿兒島A4和牛西冷、和牛牛舌M9、和牛內裙肉M9、牛匠岩手A4右三角磚50g、和牛角切、熊本A5和牛封門柳、宮崎A4和牛上蓋、牛匠岩手A5和牛貝肉，同埋有一格重複左嘅鹿兒島A4和牛西冷（唔知係咪印錯，我已經唔記得應該係乜野）。 🥩介紹完之後就長話短說，牛肉有牛味，油脂感都唔錯，應重則重，應輕則輕。配合埋三款醬料就有更多變化。雖然大部分時間我都係落少少鹽同黑椒就食，好似鮮味啲。 🐓個柚子漬雞肉山比我想像中重柚子味，燒熟之後都好香好清新。

和牛九宮格盛合$ 588睇到圖一見到啲紋咁靚就知好好食啦見到都想食多幾次！油脂好豐富，又分布得好平均一啖食落口好juicy，又有肉味🤤🤤九宮格燒牛盛合$ 288呢個無影到相因為目光俾和牛吸引咗其實呢款都好食〜都有花紋，肉質軟腍都有肉香〜都推薦！厚切牛舌芯（八切）$ 128有無人同我一樣燒肉必食牛舌？佢地嘅牛舌係偏軟腍好易咬唔會咬到你牙餃軟，唔會腥亦無筋👍🏻紫菜月見飯$ 28明太子月見飯 $38食和牛點可以無飯？仲要佢地個飯都幾好食～撈勻後每粒飯都有蛋汁🤩🤩篤開蛋黃嗰下真好治癒🤣不過略嫌啲飯黏咗少少🤏🏻最後順帶一提係環境幾好地下唔會好油，環境闊落，場內油煙味都唔大，抽風系統幾好～～職員態度都好友善～～抵讚👍🏻👍🏻👍🏻

話說現在冇得飛，又太掛住係日本食燒肉嘅感覺，搵到呢間好有日本裝修嘅餐廳，我哋決定中午去試試而且中午仲有7折，我哋一早訂咗位所以去到即刻入座，餐廳用QR code 落單，非常方便！我哋點咗和牛九宮格盛合：鹿兒島A4和牛西冷、牛匠岩手A5和牛友三角磚（冬日限定版）、宮崎A4和牛上蓋、鹿兒島A4和牛腩、A4和牛粒、牛匠岩手A5和橫隔肌、和牛肋條、牛匠岩手A5和牛貝肉、M9和牛牛舌～一次過可以試好多不同部位嘅和牛，唯一一個缺點就係九宮格上沒有寫明是那一款肉，如果食咗嗰款好好味但都唔知係乜嘢😬，不過我哋問咗店員係因為有時都會轉換九宮格嘅和牛所以就沒有紙仔提示！不過可以一次過試唔同款嘅和牛都幾好！另外我哋再叫阿波尾雞芯（呢個真心好好食所以有加單）厚切牛舌芯（覺得九宮格嗰個好好味所以再加單反而家冇咁好食😬）紫菜月見飯（正！配肉一流）自信漬雞腎（好爽）柚子漬雞肉山（半份）（味道一般但抵食）Sapporo生啤（買一送一）整體食物質素不錯👍🏻服務態度也很好👍🏻有機會一定再來！

驚安燒肉商店尖沙咀驚安燒肉商店高質雪花和牛入口即溶🧁食物質素：😍😍😍😍📸打卡指數：😍😍😍🧹衛生指數：😍😍😍😍💁🏻‍♂️店員表現：😍😍😍😍💵性價之比：😍😍😍地址: 尖沙咀中國保險大廈3C舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹今次去咗尖沙咀呢間驚安燒肉商店，佢哋午市做緊7折抵食好多🤩🤩所以揀lunch time 時間去食，去到唔算好多人。啲枱好大張坐得好舒服，裝修仲好有日本風格。D staff大部分都係好後生，個個都好nice 服務態度好好👍🏼本來對燒肉無乜太大期望，但今次呢間真係有驚喜，食得好好好滿足🧡🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹和牛九宮格盛合 Rating: 8/10。🤩🤩雪花遍佈得好平均。好有牛味。完全做到入口即溶🥲。啖啖肉真係好正。食完都幾飽😂厚切牛舌芯 Rating:8/10。厚切100分。個人覺得牛舌要厚切食落先有口感。又係入口即化既概念。如果份量再多d就正日式味噌黑豚五花 Rating:8/10。見係推介所以叫咗。有驚喜！。薄薄既五花肉醃得好入味。甜甜地，個汁好正😂。邪惡嘅代表🤣紫菜月見飯 Rating: 8/10。🙂🙂🙂我叫咗2碗啊救命。個蛋係日本蛋 蛋黃好濃郁。

少數好味又抵食嘅🌕燒肉店。食物做得超用心而且訂位嘅時候店員好細心，上網已經見過好多人推介所以自己都提早訂位，我訂嘅時間係中段嘅時間，不過早咗半個鐘到果然門口都仲有好多Walk in等位。店員都好好同我哋講，通常半個鐘前就會last order前一張枱我哋都唔使喺門口等耐，啱好前面台客都差唔多食晒。和牛九宮格，之前食過佢本身普通嘅九宮格已經覺得好高質有幾款都係a4，今次呢個仲要全部都係和牛折咗之後先四百幾每人都係$200就食到。夏天食冷麵一流不得不提刺生做得勁好，沒有腥味😝，而且薄薄地非常容易入口如果真係要食性價比和牛，呢度真係不得了。

早排爆左一輪瘡，好返就食個燒肉賀一賀佢九宮格嘅排場相當熟口熟面，今次豪少少就食個和牛餐！一向食飯都有選擇困難症，呢款九宮格就啱哂我啦～我去嘅時候有$288 同埋$588兩款擇，因為未食過另一款，就難以將兩個餐作出比較，九宮格上菜時店員未有解釋應該邊款開始食，🔥🔥我就胡亂燒燒就好🔥🔥和牛牛肉非常嫩滑完全無筋膜，油脂分怖平均，有幾種就重油香，另外有幾款肉味比較重因為無要求店員介紹個九宮格邊款打邊款，基本上除左牛舌我真係分唔出食緊邊個位⋯不過食食吓嘅時候諗起去日本食和牛會蘸蛋液，就突然間覺得如果有就好啦～牛油蒜蓉金菇& 淮山份量頗多，金菇個蒜蓉超級多，我驚變口臭仔就自減左一半蒜蓉，淮山係巨大厚切版，其實燒淮山真係好好食，呢樣嘢好食之餘重對身體好，我每次見到都必點！而燒活鱔串就較遜色，鱔有點泥味，而且調味單調，除非真係好想食，否則一律建議不點～

提早了一星期訂位終於訂到星期六的位置，已成為我必食的燒肉餐廳，環境及抽氣都很乾淨，而且座位很寬敞，用餐後也不會有油煙味，而且牛肉的質素很高，店員介紹剛剛換了餐牌，還在修理改善中，出了多款和牛的新item，所以今次也主力想試。先點了和牛九宮格，款式多樣性。主要是用手機點餐，亦有詳盡介紹內容包括A5和牛貝肉、A5和牛封門柳、A4和牛腩、A4和牛西冷、A4和牛上蓋、A4和牛頸脊、A4和牛友三角、A4和牛肋條、M9和牛內裙肉。另外還有雞肉山，非常好味。還有超激安大份的產品，A4和牛和尚頭壽喜燒，價錢優惠，而且有專人在面前立即炙燒，有淡淡的黑松露味，加上餐廳介紹特別的燒肉汁和和牛的油脂，激安激安。另一款必點的就是厚切牛舌，juice,厚,香及油。

Book咗間房幾個人食飯，見佢出咗新產品仲有勁多唔同部位嘅「和牛」新推出，而且餐廳服務好好，提早已經執好晒房俾我哋，加上食物質素又好，已經成為我哋必去食燒肉嘅地方好過食嗰啲集團連鎖店排到靚靚影相有超多唔同部位，叫咗熊本A5和牛，牛匠岩手A5和牛，鹿兒島A5和牛，宮崎A5和牛，仲有M9和牛，同埋佢哋新出嘅和牛九宮格。新既「和牛九宮格盛合」有：A5和牛貝肉、A5和牛封門柳、A4和牛腩、A4和牛西冷、A4和牛上蓋、A4和牛頸脊、A4和牛友三角、A4和牛肋條、M9和牛內裙肉。超抵食兩個人食啲份再加少少食物，飲品每人都係兩三百蚊買單，而且午餐仲有七折。新推出嘅item好唔錯，而且見佢哋出咗沙律同埋烏冬，不過真係太飽今次主力食和牛。黃！好食！抵食！服務好！食燒肉仲要諗？