Casa Luca (已結業)

🔷招牌雜扒飯 💰64扒大份又入味，肉質都算鮮嫩，而且上菜果陣仲係熱辣辣，食落好滿足。🔷和牛漢堡拼薯條 💰68包皮十分抵讚，外表金黃色引起人食慾之外，咬落去仲脆卜卜咁。而入面用料都好紮實，可以見到佢哋真係好豐滿，而且件和牛十分惹味tim呀！🔷脆炸雞沙律 💰64炸雞又係大件到不得鳥，遮蓋左係d沙律上面，一啖肉一啖菜，食上去都好似冇咁上火。🔷焦糖拿鐵唔會話太甜，但仍可以品嚐到淡淡焦糖味。🔷洋甘菊花茶普通花茶但係唔會有苦味，而且聞落去好香濃，啱曬養生人士同埋m到既女仔。

其實係九龍灣返工的寶寶都知道，德福好多人， emax就係另一個好地方，一個好多野食地方。食肆林立，今日就同同事試一間西餐。 我地一行3人，分別叫了3款不到的食物，每一個set都有飲品，先排隊買票，再等餐自取。 第一份是和牛漢堡($68)和牛漢堡只是$68，但絕對不輸其他西餐廳，包有烘過，香口又脆，蓄茄芝士等配料都很足料，配有薯條，主角和牛排，厚厚一塊，而且有濃濃牛味。薯條都不少，食漢堡必是配薯條，而且是最愛的粗薯條。 第二份是卡邦尼意粉($59)卡邦尼意粉汁好足夠，絕對不會不夠而覺得意粉很乾，而且都幾大份，如果同事大食一點都會覺得夠食。配有卡邦尼常用配料，煙肉等等，其實是一個好好的午餐，岩曬happy Friday 第三份是半隻燒春雞($78)除左主角燒春雞，仲有大量沙律菜，十分開胃，而且配有薯條。燒春雞肉厚，但火喉控制得好好，好香，肉仍然滑。雖然是半隻，但其實份量一點都不少，食完都好好飽。 最後要提提環境，其實踵然是自助形式，但其實餐廳好闊落，坐得好舒服，嘆個好好的午餐，下午再返公司博殺。

因為公司請睇戲所以放工過咗嚟E-Max，同同事諗住係開場之前食咗嘢先，如果唔係睇完戲出嚟食就會太夜！一上2樓就見到呢間鋪，見到價錢唔貴就試吓啦，咁我哋三個人每人都叫咗份，分別係店員阿姐推薦嘅和牛漢堡、黑松露雜菌意粉同埋招牌雜扒飯！咁三份食物都好快出餐嘅，咁我點嘅就係和牛漢堡，佢配超級多即炸嘅粗薯條，啱晒我心意，最鍾意粗薯條外脆內軟，點小小番茄醬真係超級好味，而和牛漢堡，個包又有煎過，所以好香口，塊牛肉又夠厚而且味道唔錯！咁我亦都試咗少少黑松露雜菌意粉，個意粉勁香黑松露味，而且食落都好香，個白汁都好濃好好味！而個雜扒飯真係超誇張，嗰條腸仔真係超級大，比起平時司華力腸仲大條，而且味道都唔錯，係食肉獸嘅首選分量超多！

今日lunch 想食burger, 所以去咗E-max 睇下，一去到呢間餐廳，就比佢d潛艇堡吸引住賣相望落好高質，沙津又夠fresh再睇下佢個menu, 原來除咗潛艇堡，仲有意粉同飯。一心想食漢堡，所以最後都係揀漢堡漢堡有3個選擇：和牛、魚柳、脆雞堡中意食牛既我，當然即刻揀和牛漢堡漢堡set跟粗薯條同一杯飲品，我揀咗熱咖啡～和牛漢堡用料十足，塊和牛夠厚身、juicy，好怕食一d煎到乾哂既牛肉，無哂肉汁，浪費咗舊牛肉。Casa Luca 呢塊和牛煎得相當好，香口得黎又keep到juicy既口感,啖啖肉，正！ 除咗呢塊和牛之外，當然唔少得漢堡既配菜，入面夾住生菜、一片厚蕃茄同埋一大片芝士，令成個burger juicy得黎，又帶fresh既口感～好食啊！食漢堡又點少得薯條，Casa Luca用既係粗薯條，炸得香脆，又夠熱辣辣，再配埋茄汁，食到停唔到口，hahaa朋友點咗呢個黑松露蘑菇雞扒意粉，佢話雞扒唔乾，醬汁夠濃，mix埋意粉好好味