滿滿丼 (已結業)

旺角有好多嘢食,但又有好多嘢唔好食...難得見到間餐廳幾企理又闊落,啲嘢食又唔貴嘅,就一於去試下啦!😋我真係好鍾意食鰻魚,呢個原條鰻魚丼嘅鰻魚煎得稍香,又有油香味~飯底係軟熟嘅日本米,口感唔錯🍱而佢嘅丼飯全部都可以揀一個配菜,我就揀咗中華沙律🌱見佢好推介,於是試下呢個和牛肩胛丼🐮牛肉唔會韌或者羶,上檯時仲略帶粉紅,生熟程度剛好~配菜揀咗黑松茸鮮菌🍄🍄,味道好香,如果再多啲更好🙈炸魷魚新鮮炸起,所以上檯仲好熱辣辣,而且份量好足🦑母親大人喜歡食蝦,所以揀咗呢個海老凍蝦,凍蝦爽口鮮味🦐🦐跟套餐仲會有飲品一罐~呢度環境好乾淨,而且座位間唔會話好逼~以咁方便嘅地點📍,而且食物質素唔錯😋,呢個價錢真係好抵食!下次一個人唔知食咩好,應該都會encore呢間~

估唔到而家仲有啲咁平咁抵食嘅日本嘢食，就算買好多小食都係好平，食得開心又捨得我哋嗌咗兩個飯一個係和牛丼，你可以自己配小食，我揀咗蜆肉青瓜；除咗一個凍嘅小食側邊仲有紫菜漬物雞蛋絲，所以全個飯顏色豐富🤤 加埋隻溫泉蛋，絕對係不敗之選！！和牛好有牛味，脂肪分布適中，如果唔夠味你仲可以加側邊既調味粉😗另一個原條鰻魚丼，今次配左中華沙律🥗 鰻魚好厚身，食完好滿足😄 味道都幾好！兩個飯我都轉左套餐，一個要黑蒜濃湯煮蜆 + 淳茶舍 - 泠萃綠茶，濃湯熱辣辣，飲落好舒服另一個要炸魷魚+樂天 - 芒果汁，炸魷魚都有好多條，炸得又脆又香整體嚟講呢到價錢大眾化，最重要係好味😄😄😄😄

係旺角唔知食咩好就會入通菜街睇下😂，點知比我尋寶搵到間 糧尾恩物 丼飯，原本最平$36有牛肉丼，而家仲推岀左個(細)牛肉丼只售$19❗️😱抵到爆‼️✨不設加一-✨各款丼可自選涼伴菜(蜆肉青瓜/泡菜/中華沙律/黑松茸鮮菌).💕 鰻魚牛肉丼 $62 (跟餐+$16)蜆肉青瓜唐揚炸魷魚(另+$4)淳茶舍泠萃綠茶(另+$3)👅好味指數：7/10下午餐食 份量剛好，伴菜簡左蜆肉青瓜，蜆肉香香辣辣，鰻魚有半條，唔會好肥有焦脆口感☺️牛肉醃得超入味又軟腍🤤炸魷魚炸得香口又彈牙。- 💕 日本岩手和牛肩胛丼 $76 (跟餐+$16)中華沙律炸芝士年糕淳茶舍紅袍鳥龍茶(另+$3)👅好味指數：7.2/10見到個名好勁咁就叫左😂和牛有2大塊，煎得好靚☺️肉質唔韌 軟嫩適中，油脂感豐富。飯用上珍珠米，煮得夠煙韌，配埋和牛同燒肉汁 正😚。炸芝士年糕炸到脹卜卜，跟餐叫真係好抵，唔洗放題都有得食🤣-環境：7/10服務：7/10整體味道：7/10回頭率：7/10

滿滿丼🍱和牛肩胛丼 ($76)丼飯本身配咗紫菜、海帶、蛋絲同紫薑絲，另外仲可以四揀一伴菜，包括辣蜆肉青瓜、泡菜、中華沙律同埋黑松茸鮮菌🍄 我哋揀咗蜆肉青瓜🥒真係估佢唔到佢係用日本岩手和牛肩胛油脂分布好靚，食落滑嫩同肥得黎，又唔會太油膩🤤 用黎撈飯一流，如果配多少少汁就perfect 🫶🏻辣蜆肉青瓜唔算好重味，只有微微辣，用黎做開胃菜都可以🌶另外加16蚊就可以轉做餐，餐會多一款飲品同小食，小食嘅選擇好多有成11款，我哋揀咗🌟唐揚炸魷魚(+$4)🦑 酥脆得黎又香口惹味，值得一試👍🏻 飲品揀咗樂天鮮蘆薈汁，罐裝飲品正常發揮✅鰻魚雞肉丼($62)62蚊竟然有鰻鰻魚同雞肉，鰻魚軟淋得黎夠入味，而且唔會好似出面啲鰻魚汁咁死咸味🧂烤雞肉唔算好滑嫩，味道咸咸地咁，另外揀咗黑松茸鮮菌做配菜，好多菇菇，都係配同樣嘅配菜，個紫薑味道幾出色，咁嘅價錢算唔錯🤑另外都轉咗套餐，再加四蚊小食轉🌟棒棒炸雞翼， 可以揀黑松茸/中華辣醬，我哋黑松茸醬😋有三件炸雞棒棒，味道有少少辣，配埋黑松茸醬易入口得黎，又惹味💯 飲品就揀咗忌廉溝鮮奶，另外都有可樂/茶/麵鼓湯揀🥤Extra comment 🖍•其實我哋已經試咗最貴個兩個

經過見到新餐廳，價錢經濟實惠，一於試試~和牛肩胛丼 （$76）一望肩胛肉中間呈微紅，一入口肉質軟嫩，油花適中，牛肉味濃郁。日本岩手和牛果然唔同！至於鰻魚牛肉丼（$62）既牛肉都香甜好吃，各有特色~ 但如果只能選一款，一定係和牛優勝，值得去試！仲要只係貴十幾蚊咋！涼拌菜選左 - 黑松茸鮮菌菇菌味好滋味；蜆肉青瓜爽脆，微辣增胃口~我中意呢度既丼飯有黃色既蛋絲，粉紅既子薑，綠色既昆布同蔥花，真係好色彩繽紛既日式便當！好睇又好食~所有丼飯+16就可轉餐，有小食同飲品，幾抵！棒棒炸雞翼一望金黃色既外皮，一咬發出咯咯聲，非常香口酥脆！跟餐三隻根本食到唔夠喉，我另外再追加左一客，就知道有幾正！個黑松茸醬汁味道微酸，可能係有沙律醬，要黎點雞翼食又係另一番風味。黑蒜濃湯煮蜆一上枱就聞到好香好香！飲埋連湯，蒜味特濃，正呀！樂天蘆薈汁真係有粒粒蘆薈，甜甜地幾好飲~總結： 全部都又平又抵食，好滿足！