潤

营业中

休息中

充滿驚喜的點心，造型取勝，點心都是一口的份量，午餐食啱啱好. 整體很滿意，個人感覺小菜&湯比點心出色，很鮮味. 下次會食套餐可以試多幾款.食中菜原本甜品無咩期待，但都出乎意料好

因為在社交平台睇到有介紹，長老睇完話點心好靚，於是提早一個月預訂，同長老食生日飯，食完先知道係米芝連餐廳。點心味道好，而且非常漂亮精緻上鏡，服務細心，因為知道係生日飯，提議我哋點咗壽包（外皮鬆軟有流沙，非常好味👍🏻），仲送寫咗生日快樂🎂嘅桂花糕同曲奇餅，非常多謝。首先上嘅係鵝肝，入口驚艷，鵝肝幼滑，煙薰味恰到好處。推薦😋👍🏻叉燒是必食，味道略偏甜，肉質偏稔，但因為夠入味，一件接一件。蟹粉生煎包，外皮香脆，餡料好鮮美。龍躉皮，非常惹味😋，連蔥都好好食。推薦👍🏻👍🏻👍🏻娘惹咸水角，造型精緻上鏡，味道就不過不失，餡料味道還算不錯。龍蝦卷，蝦肉彈牙，但要快食，因為放耐一陣會偏硬。和牛酥，造型好靚，好鬆脆，推薦👍🏻👍🏻金魚餃，綠色部分是蒸蛋白，非常嫩滑，餃子味道反而一般。但光睇造型已經好讃，可以一試。總括來說是值得一試，午餐每人$600左右，服務、環境、食物都非常滿意，又靚又好食，長老亦都食得好開心，如果有新菜式都可以再來。

身邊有個奄尖的人，喜歡吃肥肥的义燒，這裡的腩义真合心水，可惜太少喇～～～真貴每款點心有三件，兩個人怎樣吃呢⁉️吃兩個又飽，吃一個後又想再吃～～～親密的可以share，如不太親密怎麼辦⋯⋯和牛酥好脆好好味，樣子趣緻，好似曲奇餅🍪‼️蝦餃，酒店的蝦餃一向都不會失望糯米卷造型有特色，而且不太油，幾好呀‼️外面的都很油膩的。青蘋果🍏是咸水角，外皮好煙韌，好可愛，好味甜品是南瓜🎃煎堆+黑糖奶凍，色香味俱全，但只有一隻小小的～～～另外加送了曲奇餅🍪和桂花糕所有點心除了可口，就是賣精緻，服務也是一流的。不過訂位的時候說在甜品上加上生日快樂，結果沒有啦‼️

上網見衣度點心幾特別，所以訂位試。訂位時會問埋有冇嘢慶祝，見近週年紀念，就話慶祝週年。 歡迎茶係冷泡水仙，幾香。小吃龍井腰果好味。叉燒腸、蝦餃同燒賣達標、和牛酥鬆脆，龍蝦春卷一般、咸水角外形特別味道可以，底下塊蝦片幾脆，鍋巴牛肉球幾特別。椰果石榴甘露必試。送的甜點好味道。