牛気 (雅蘭中心)

营业中

休息中

今天到了雅蘭中心的牛気，看到有和牛海鮮火鍋，決定試一試！我哋選擇了豬骨及番茄湯底，開始手機入單啦！想不到有三文魚及鮑魚任食，確實是我所愛之選。試了鮑魚及黃金蝦丸，好味喎！黃金蝦丸內的是咸蛋黃，surprise. 至於醬汁，都好多選擇呀，有鼓油，麻醬等！熟食方面，有入味的豬手，葡撻等，最後又order 了一客楊枝甘露，好似酸了一點，整體來說，和牛及三文魚是必然之選，九百多元2人任食和牛，三文魚及鮑魚，其實都係值得推介。

難得有得放早個幾鐘，當然想早啲食飯早啲番屋企休息啦！上網見到呢間日式火鍋都有好多笑臉，一於就嚟試吓先！不過好彩我放早咋，因為坐低後去拎嘢食，已經見到好多人排緊隊喇！早到早享受一向鐘情於甜豉油湯底嘅我哋，決定會一會呢但甜豉油加棉花糖組合！先落牛脂肪粉，融咗啲油之後就加入洋蔥炒香！未食就已經聞到好香牛味同洋蔥香喇之後加埋棉花糖落去炒，炒到融之後就加湯，等滾起就食得！呢個簡直係視覺同味覺嘅享受呀等湯底ready個時，食住三文魚剌身先！剌身色澤唔錯，而且切得厚身又肥美，食落好有魚油香，正！之後仲拎咗個沙律嘆吓先！自助沙律bar都有幾多選擇，最鐘意係個小蕃薯！細細個又甜又有少少粉，最好係凍凍地，唔會食完太濟！難得去覓食，揀咗和牛級，肥瘦適中，份量幾大碟！和牛淥一淥就食得！雖然唔係入口即融噤誇張，但就好嫩口，牛味好夠！屋企人食到停唔到口，足足食咗三大碟呀除咗牛之外，仲有豚肉同雞肉任食！豚肉切得薄，唔駛等太耐就食等！雞肉係淥幾耐都保持到噤滑身成為今餐嘅黑馬！翻本之選嘅海鮮拼盤！好多種類下！食完仲可以指定種類refill!帶子肉質結實唔鬆散，生蠔又新鮮，淥完又唔會縮太多今次淨係我自己都食咗兩大盤，抵呀