岳川串揚

营业中

休息中

估唔到星期日都會有lunch set, 去開銅鑼灣就去左呢間小店！和風照燒雞扒湯烏冬 $78 （另加$15串揚雞翼）呢個lunch set 有小食、飲品同麵豉湯！雞扒燒得好香好脆，份量十足，配上彈牙清湯烏冬，味道岩岩好！串揚雞翼食落有淡淡柚子嘅味道，幾入味，好想食多幾串日式燒汁牛肉烏冬 $88（另加$20串揚海蝦）牛肉好多汁，唔會太肥，仲配上洋蔥汁，同清湯烏冬幾夾！呢款揀左串揚海蝦，海蝦好新鮮彈牙，食落香脆可口，都係必食之選！

會展站開左決定weekend去睇下,見這間日本居酒屋weekend的午市套餐幾抵食，所以book左試試。叫了一個日式牛肉烏冬($88)，午餐包前菜，麵豉湯，同飲品，好抵食！牛肉好新鮮，軟身不韌，牛汁好濃，配埋爽口洋蔥，好食！烏冬份量好足，麵質煙韌，麵身係較硬身的，很有口感！另外叫了和風照燒雞扒湯烏冬($78)，雞扒份量好多，而且雞肉鮮嫩多汁，燒得好入味！另加了$15配香脆雞翼同$20配海蝦，雞翼新鮮炸起好脆又多肉，海蝦配上獨家秘製的沙律醬好惹味！跟餐仲有汽水同綠茶揀，灣仔區黎講weekend lunch好抵食!

串揚4串set ：包左紫蘇雞胸串，香菇串，洋蔥串，海蝦，飯團，麵豉湯，飲品和漬物。上碟熱辣辣，外皮香脆，粉漿唔會太厚。海蝦新鮮，肉質爽口，連蝦尾都炸到脆卜卜。紫蘇雞胸肉串肉質幾嫩，點甜醬汁好夾。洋蔥清甜爽口香菇切得好靚，好香菇味。飯團餡料係鹽漬海帶，白飯軟熟，粒粒分明，師傅握飯團嘅技巧恰到好處，又唔會太鬆散又唔會壓得太實。和風照燒雞扒湯烏冬雞扒外皮燒得好香脆，配上特製嘅照燒汁好香濃，雞扒肉肥瘦適中；烏冬熱辣辣，面質爽口彈牙又煙煙韌韌，湯底好清。

呢日咁啱撞正姜濤誕，周圍都好多人🤣行遠少少搵到間日式小店，就一於試下啦～🍢串揚4串set ($80)串揚同一般串燒唔同，係沾上炸漿再經油炸的串串～食落口感香脆，油膩感較少🍢當中洋蔥串好特別！入面係一整舊切開嘅洋蔥🙌🏻跟set仲有兩個大飯團，真係好飽肚！🍜和風照燒雞扒湯烏冬 ($78)雞扒烏冬簡簡單單又好味！份量都正常，聞落好香🤤另外個餐仲有醃黃蘿蔔同中華沙律作為伴菜🙌🏻燒汁味道不算太濃，所以食落唔會鹹～

今日嚟灣仔食午餐，見到有間日式串掦店午餐都幾吸引，裝修陳設似居酒屋又似酒吧，以黑色同金色帶出型格主調🍢安格斯牛串掦五款套餐：呢個套餐有五款串掦（包括安格斯牛🐮，大蝦🍤，紫蘇雞胸肉串🐔，日本洋蔥🧅，半熟流心蛋🥚），飯團🍙，麵豉湯和漬物。串掦每款都係熱辣辣，外皮香脆，粉漿厚薄恰到好處，就算係肉類都唔會好油膩。🐮安格斯牛牛味香濃，肥瘦適中，咬落去肉質嫩滑，肉汁juicy帶油香。🍤大蝦鮮味，外皮香脆，內裏肉質爽口彈牙。🐔紫蘇雞胸肉串雞胸肉肉質結實但唔會太老，夾帶少少紫蘇香。🧅日本洋蔥爽口清甜，配以特製嘅醬汁非常夾。🥚半熟流心蛋流心效果一流，蛋香味濃，廚師建議配上七味粉和鹽，為蛋味提香，非常夾👍🏻🍙飯團餡料係鹽漬海帶，飯團上碟暖笠笠🥰，飯軟熟有咬口；鹽漬海帶味道簡單提味，飯先係主角，配埋啲蘿蔔食帶出甜味；最後食埋個車厘茄，酸酸甜甜，味道清新和風照燒雞扒湯烏冬🍜雞扒燒得好香脆，配上特製嘅照燒汁好惹味，雞扒肉肥瘦適中，廚師細心咁切開細細件方便食用；烏冬熱辣辣，面質爽口彈牙整體來講，食物質素不錯，王牌串掦有日式風味；服務態度貼心，廚師會講解每一款串掦建議食法