Orange Elephant Thai Restaurant (啟德道)

营业中

休息中

尼d天氣整到個人好攰好攰，真係懶得去煮飯，甘一定要出去食泰國菜抖抖先黎到九龍城泰國菜實在太多選擇，最後揀左Orange Elephant前菜叫左生蝦刺身，柚子蝦沙津生蝦刺身：擺盤十分精緻，加分，加分，生蝦刺身肉質爽口，加上泰式酸辣汁，蒜片同苦瓜一齊食，層次感好足，味道討好柚子蝦沙津：蝦肉彈牙,沙津汁調得剛剛好，酸酸甜甜，十分開胃泰式明爐烏頭魚🐟：魚肉質結實甘香，加上泰式香料一齊煮，酸酸甜甜一d魚腥味都冇食泰國菜又點少得生菜包，肉碎仲可以比你揀（雞，牛，豬），最後揀左豬肉碎，肉碎少肥多瘦，微辣，香口好味咖哩海鮮脆包盅：入面嘅海鮮料多，咖哩香濃，撕開麵包沾咖哩一齊食，非常惹味好好味吖，我要再黎食食食

九龍城泰菜雲集，今次就試下呢一間主打新式泰菜嘅「橙象」飛天炒通菜 （$1）餐廳每日都有唔同嘅$1菜式，咁岩星期四係「飛天炒通菜」😍唔好以為$1就係細細碟，份量完全足夠兩個食🤩煮法完全唔會馬虎，夠晒入味，辣得過癮👍🏻咖哩海鮮脆包盅（$142）一上枱滿滿嘅咖哩相當吸引🥰餐廳都貼心俾埋較剪，食起上黎更加方便，可以保持到儀態😂雖然係百幾蚊，但海鮮種類都唔少😌辣椒膏炒蜆 （$86）用傳統嘅泰式辣膏炒，味道一定唔會輸😂蜆嘅份量都合理，唔會俾人覺得殼多過肉冬陰功湯（小/$86）容易入口，唔會辣到口水鼻涕都流晒出嚟😂同傳統嘅冬陰公湯有d唔同，偏重奶味，相對冇咁酸同辣，唔食得辣但又想過下癮不坊試下😉芒果冰特飲（$36）椰汁冰（$28）兩杯飲品都大大杯，抵飲！👍🏻

返返下工突然好想食泰國野，好啦，放工一於搭車落去九龍城搵食先行下行下，見到有間裝修比較新潮嘅orange elephant, 雖然門口都多人排隊，唔緊要，我有的是時間睇下個menu, 嘩嘩嘩，原來星期一至日都有$1優惠，星期一係泰式明爐烏頭魚，唔嗌真係對自己唔住烏頭到喇，都幾大條，肉質鮮甜，無泥味而且配料超多，仲有我最愛嘅冬菇，湯汁酸酸甜甜，超開胃喔跟住到蛋網海鮮金邊粉，切開時辣辣，薄薄嘅蛋網，濃濃嘅茄汁味，我地2個女人仔食到停唔到口喔咖哩海鮮脆包盅黎喇，份量超大，應該3個人share剛好，咖哩入面有魚柳同青口，汁較杰身，配埋脆脆麵包，真係very good今晚真係泰驚喜鳥

講起食泰國野，好多人都會諗起九龍城，因為果度真係有好多間同埋好地道的。今次呢間都係係九龍城，但間舖就近比較多車房果邊，同出名果幾間唔近，但就方便泊車的朋友，因為泊門口都仲得食泰菜當然會叫個串燒做頭盤，例牌地豬牛雞各一串，串燒燒得幾香，同各大泰國野一樣出色。跟手黎個冬陰功，呢度無咩花巧野，唔會有個爐仔一直燒住個湯。個味都幾易入口，辣度唔算高，酸味夠，特別係湯入面個蕃茄好味由於同行朋友怕太辣，所以無叫飛天通菜，轉為食馬拉盞通菜。份量相當之好，一碟足夠四個人食。味道唔算太喊，適合喜愛濃味的朋友。呢個焗飯一放上枱已經非常吸睛了，其椰香味亦十分勁，正宗香氣四溢。個飯多到成個蓋樣，而且內涵也十分足料（有蝦米🦐，花生🥜等配料），絕不馬虎。比較遲黎的係生蝦刺身，呢度好得意地係用杯上的，一排的擺飾好似酒吧gum睇返杯野的料，又同平常的無分別，但個人覺得食得無gum方便，味道依舊十分吸引。最後到是日主菜，呢個麵包盅真係要有4個人或以上先好試，份量超大，味道勁吸引，滿滿的椰香咖哩味，仲有淡淡的蛋味tim 。個包都整到好脆，剪出黎沾汁食一流。咖哩入面都足料，有青口，魷魚，硯，蝦等等最後最後，佢地不時都有唔同優

早排同朋友係大角咀食過Orange Elephant, 味道唔錯, 而且每日仲有一蚊優惠, 每日不同款, 今日相約舊同事食飯, 想去九龍城食泰國菜, 即時諗起九龍城都有間Orange Elephant, 去到門口仲見有一蚊優惠, 今日係星期一, 有我最愛既蝦餅!!! 同行者冇異意就入去開餐啦!平日放工時段, 餐廳未有太多人, 可以直入唔洗等位!【蝦餅】HK$1超抵食! 一蚊優惠, 份量冇縮水, 水準冇下降, 即叫即炸, 蝦餅鬆脆不油膩, 鮮甜彈牙, 點少少泰式辣醬, 鮮味更加突出。【泰式海南雞 (半隻)】HK$112海南雞已被拆骨, 雞皮色澤金黃, 冇雞油連帶, 肉質鮮嫩冇雪味, 很juicy~ 伴有海南雞醬汁, mix埋兩款汁一齊食, 少少辣, 惹味~【咖哩海鮮脆包盅】HK$142包盅有手掌般大個, 裝了滿滿既黃咖哩, 帶少少杰, 咖哩甜甜地, 海鮮包括有兩隻蝦仁、青口、魷魚同埋魚塊~魚塊表面炸過, 炸皮完全索左咖哩, 令整件魚塊充滿咖哩濕潤, 入味又食到魚塊既滑。魷魚同蝦仁好爽, 不過就食唔到鮮味~最後食埋個包盅夠哂飽, 麵包外皮只係薄薄既脆, 內裡鬆軟, 但沾到太多咖哩既部份,

到九龍城吃飯始終離不開泰菜，聽聞有餐廳正在推廣$1 優惠！當然不會錯過。餐廳面積寬敞，環境舒適。首先看看今天有甚麼優惠菜式，星期一是$1 泰式明爐烏頭，正合我意，湯底微酸，魚肉嫩滑，簡直是平、靚、正。友人點的飛天通菜份量也不少，雖然餐牌上附有🌶，但味道不算辣。這個咖哩海鮮脆包盅也頗吸精的，以農夫包盛載，裡面有青口、蝦等海鮮，可用剪刀剪開一小塊麵包，沾上咖哩同吃。吃泰菜少不了點杯芒果沙冰解渴，大滿足！

難得今日放假，又唔駛照顧bb，所以做個考順女，同媽媽食餐飯。我地都好耐無食過泰國野。一諗到要食泰國野的話，一定要黎九龍城。喺openrice比我搵到間好抵食既泰國菜。Orange elephant 既門面裝修雖然簡簡單單，但都有泰國既風味，入到餐廳，牆身既顏色主要以橙色為主，而且亦都有好多大象擺設，座位亦都好闊落。比較特別既係，佢每一日都有一個$1蚊菜食。例如星期一 $1 明爐烏頭星期二 $1 泰式香茅炸豬扒星期三 $1 酸辣去骨鳳爪沙津星期四 $1 飛天通菜星期五 $1 泰式炸蝦餅星期六 $1 各式細枝裝啤酒星期日 $1 黃咖哩雞咁岩今日星期二，星期二既$1蚊菜式係泰式香茂炸豬扒，所以我地都叫左一份試下。雖然$1蚊，但絕對唔會因爲咁而馬虎同變得細份。豬扒好香香茅同泰國香料味，而且飲質軟腍👍🏾👍🏾👍🏾另外，我地叫左一個泰式拼盤$139，包括2件蝦餅、2件春卷、2件2件魚餅，同2件荷葉包雞。除左荷菜包雞之外，其他既其實係有四件，因為佢每一件都一開2，所以份量十足👍🏾👍🏾👍🏾 魚餅好香口，蝦餅好爽口，荷葉包雞既雞都好嫰滑，食既時候好香荷葉味，春卷炸到趣卜卜，而且一d都唔油膩，但食完呢碟野就

轉眼間就又到左星期五，放工後就當然要happy吓！約左朋友去九龍城見面吹水食泰菜，係網上搵左一陣就見到呢間我地未食過既泰國菜，於是今晚就食呢間喇！門口仲有個推廣優惠宣傳，每日都有唔同特別特價，今日係特價炸蝦餅，超正喔！！！！坐低後就叫左咸檸7同龍眼冰飲先，順吓氣，濕濕個口龍眼冰唔係好甜又大杯，都唔錯！咸檸7就無咩特別，同平時飲既差唔多~識食就梗要食今日既$ 1特價泰式炸蝦餅，有成6件都唔少，炸得香口，啖啖都充滿蝦肉香，點上酸酸甜甜的醬汁食就倍感好食到核爆！另外仲叫左個咖哩海鮮脆包盅，主要都係見隔離枱叫左好似幾好食，於是又跟隊叫左，咖哩汁好多，好香有少少辣，海鮮都唔少，有蝦有蜆有青口，煮得入味亦鮮甜，拉開麵包點咖哩汁食就更是正，唔怪得有咁多枱都叫黎食，好彩我都無執輸叫左黎食

好不容易又到星期三，做野做得咁辛苦就梗係要食吓好野平衡返個人先得！是夜同左蜜友PP去左九龍城食野，去得九龍城就梗係又食泰菜~~我地去到餐廳時已經成9點，睇吓餐牌，原來每日都有特價既$ 1菜式，過9點仲有7折，真係太開心~~星期一既特價既$ 1菜式就係泰式明爐烏頭魚，咁平梗要叫喇！原以為好細條，點知原來都好大條吓，仲係用火爐上，keep住熱度，味道帶點微酸，都唔太多骨，幾好！酷愛咖啡既我，是夜就叫左個咖哩海鮮脆包盅，都幾大份，個麵包盅好焗得脆口，咖哩汁微微辣中帶畸微甜，還有雞花在醬汁中，好好味！盅入面有青口、大蝦、 魷魚、蜆等，都頗豐足，質感亦好爽口鮮甜隨後仲叫左呢碟蒜蓉炒椰菜苗，爽口之餘亦食得出好嫩，亦唔會太咸，淨食都覺得好食飲埋呢杯龍眼冰就當然成個人都爽晒~有好多甜甜龍眼肉，又冰凍，很潤喉~~~ 

提到食泰國菜，好自然就會想到九龍城 。單是一條街 ，以眼見有幾間泰國菜餐廳。 這次再來光顧泰國菜餐館orange elephant， 點了一個咖哩海鮮脆包盅、海鮮金邊粉、以及泰式明爐烏頭魚， 這個是超級推介給大家只需加1元就可食到， 原條烏頭魚浸在香辣帶微酸的湯底裏，肉質鮮甜。 而那個咖哩海鮮菜脆盅確是我的最愛，海鮮有青口、大蝦、魷魚，把脆包撕開沾咖哩一起食，非常惹味甘香。而網包海鮮金邊粉， 以金黃的蛋黃包著炒香的金邊粉， 爽滑而帶微微的酸辣味道 。至於食泰國菜又點可少得了椰青，椰青水確實鮮甜可口。至於男友點了個芒果冰， 芒果味濃郁而又香甜。  對於這餐晚餐非常之滿意，會是一而再，再而三幫襯的餐廳。

最近去完泰國好掛住佢地d 食物，於是約埋朋友一齊回味一番…..一講起食一定係首選，大家特登搵咗一間新開無耐，而且仲推緊$1每日優惠既餐廳去試試！！每次黎食泰國野一定會叫既前菜，勝在每款都有得試，人數唔多都可以試到多款，小食是以炸為主，值得一提炸物脆口不油膩。蝦餅：爽口彈牙質感，炸粉好薄，入口香脆，富鮮蝦味道，再配泰式辣醬，相當滋味。春卷：脆卜卜的外層包著紅蘿蔔粉絲及蔬菜，食落去唔會覺濟。香葉包雞：外皮香脆, 雞肉嫩滑。魚餅：最重泰式香料味，入口富檸檬草香，好香口。麵包脆盅盛載著甜甜既黃咖喱海鮮，唔太辣，海鮮包括青口、鮮蝦、斑腩魚肉、魷魚等，以外脆內軟麵包配合香濃黃咖喱食分外地夾，即使浸在咖喱汁中仍未全變淋，係味道較重既咖喱汁同食之下，仍然吃到很明顯既牛油味，而且還有一絲絲蛋白混在裡面, 味道香而不辣。最後以泰式明爐烏頭魚作結，以鐵盤裝著椰菜墊底既大大條烏頭魚，表面同周邊放滿蔥，芹，南薑，菇類，免治豬肉椰菜，鍋內還有酸梅。開火後傳來陣陣既青檸及香草味道，魚肚內還放了香茅，令香味更濃。魚身表面已界花，切口整齊， 清楚見到雪白肉厚既魚肉，肉質非常嫩滑，味道相當鮮甜甘香，吃時可以連同魚湯一同享

今次來到裝修新派的泰國菜館 - Orange Elephant。因為 Promotion = 每日1款 $1菜。所以平日也很繁忙。當晚點了3個菜。都是完全沒半分辣呢!非常適合香港人囗味。星期一 有$1泰式明爐烏頭魚。基本上每檯必叫。泰式明爐烏頭魚$148當天的烏頭魚比較小條。但$1也沒有什麼好投訴吧!烏頭魚肉鮮味。湯底小酸味，有些椰菜、肉未/粒等。燒了大半小時，暖住食至正。泰皇咖喱炒肉蟹$278超級多醬汁的咖喱炒肉蟹。咖喱醬內有蛋、洋蔥、青椒等。屬於甜的黃咖哩。內有1隻肉蟹。份量是2-3人份吧!蟹蓋也有肓，蟹肉鮮味多汁。最後來個咖哩海鮮脆包盅$138海鮮有青口、魚肉、蝦及魷魚等。推介脆包盅，不單外脆，內有抹上牛油，混合咖喱醬汁一齊食，好正呀!我食了包蓋已經飽了。母親大人点著咖喱醬汁，就食了大部分!椰青$36食濃味泰菜一定要飲埋椰青下火。椰青鮮甜多汁，椰肉滑嫩，成為我的甜品。

最近為了將來的生活事煩惱加上最近老婆仔有點病所以很少出外用餐今天約了一個銀行經紀在九龍城傾談晚餐也決定在九龍城吃吧九龍城有很多泰國餐廳是一向已知的不過今天望入餐廳內才發覺不少泰國餐廳也坐滿人原來這麼多捧場客害得我和老婆仔也想試試看到這間餐廳外醬看起來較新潮想必也更符合現代人口味所以就選這間用餐另一個吸引之處是門外掛著一元美食的牌原來可以根據日期點選當天的特價小食今天的是酸辣去骨鳳爪所以就先點了另外還選了78元的炭燒豬頸肉138元的咖哩海鮮脆包盅以及78元的蛋網海鮮金邊粉飲品方面我選了32元的芒果冰特飲由於老婆仔還未百分百康復所以我要求她點24元的熱青檸蜜先來的是酸辣去骨鳳爪第一口感覺是微酸微辣挺開胃的不過再吃下去就發覺很辣沒想到竟是如此辣我和老婆仔都不停在灌水而去骨鳳爪其實還是有軟骨的所以仍然要慢慢咬所以整體感覺一般不過對於熱愛辣味的人一定很喜歡之後是炭燒豬頸肉由於我們口仍然辣得噴火所以起初不太嚐到豬頸肉的味道不過慢慢就感覺到很香炭燒味而且豬頸肉口感剛好再加上冬蔭公醬汁實在很美味果然泰式豬頸肉是絕不會錯的選擇蛋網海鮮金邊粉送來時我們還很猶疑是什麼用刀切開後才知道是用蛋包著的金邊粉味道很

象的泰文CHANG，讀音叫<橙～＞。當時在泰國之旅，參拜曼谷四面佛後，計劃向大象神出發（聽講這是財富之神！）。誰知迷路了，唯有詢問途人。又不懂象神的泰文，只好說聲＜橙～＞，途人就指著＜橙～＞的方向了。學一兩句當地語言，旅行時很有用。今天就應友人之約，來到九龍城晚膳。來得九龍城，就預左食泰國菜。這泰國餐廳叫橙色大象，識泰文，就會明白為何叫Orange Elephant！CHANG＞橙＞Orange！估計這是泰國人開設的餐廳。而餐廳每日特價才是最吸引朋友呢！1蚊1款食物天天不同款式今天就是炸蝦餅！一般泰國餐廳炸蝦餅小食，都要五六十蚊一份。現在只需1蚊！真係1蚊！好超值！中菜集團經常推出一蚊雞，一蚊咩，一蚊物吸引消費者。現在泰菜都有了！吾等老饕有口福了！難怪朋友選擇這家。 泰式炸蝦餅　 只需一蚊，3件蝦餅對半開，共六件。　熱辣辣上枱，是正常蝦餅的爽口質感，配甜酸醬。甜酸醬少少似燒鵝果款醬呢！間中來一口伴碟酸瓜酸蘿蔔過一過口。 咖哩海鮮脆包盅 今晚不想要白飯，但又要有少少澱粉質落肚，一於點這個，食埋個包包盅，2人份量剛剛好。脆包盅很快來到了！中間有咖哩及海鮮：青口，蝦，魷魚，魚柳。麵包