天龍咖喱

营业中

休息中

之前去過元朗天龍咖喱，覺得佢不論係咖喱，定係其他食物都好好味。所以今次同朋友再去幫襯。今次我哋叫咗⭐️咖喱牛腩牛筋飯。咖喱好香滑，牛腩腍得來係爽口，好入味。香濃嘅咖喱汁餸飯一流。⭐️香煎魚柳飯。魚柳外面有蛋一齊煎，所以煎得好香，魚肉好滑。⭐️天龍雞皮卷。外面係脆脆嘅雞皮，入面包住雞肉，雞肉好滑。配上甜辣醬，好好味！極力推介呢款小食。⭐️順德炸鮮奶（兩件）。鮮奶好滑，甜度適中。外脆內軟。⭐️夠薑大話可樂。第一次飲呢杯飲品，好好飲。加咗薑味同話梅，好開胃解渴。餐廳職員服務態度好好，好有禮貌。去元朗如果想食一間好味嘅小店。我覺得呢間係好好嘅選擇。

元朗有好多好味的地道小店。天龍咖喱🍛係我鍾意嘅其中一間元朗地道小店。主要原因係因為食物好味，經濟實惠。今次我哋叫咗咖喱牛腩牛筋飯$62牛腩好嫩。咖喱唔會太辣，好啱香港人嘅口味。如果想再辣啲嘅可以加辣。惹爆蔥油雞扒茄子煎太陽蛋飯$53，蔥油好惹味，雞肉都好嫩滑。酥油薄餅$32，薄餅點咖喱汁一流👍香酥雞$38，有少少似台式嘅鹽酥雞，好香口，點泰式甜辣醬，好味👍柚子梳打$25凍蜂蜜柚子茶$25呢間小店嘅店員都好有禮貌，服務態度好好👍下次都會再嚟幫襯。

日式港式咖喱成日食 但估唔到有間隱世巴基斯坦咖喱隱藏係元朗聽講仲要跟香港人口味調整過 絕對係一個有驚喜嘅小角落❣️天龍雞皮卷 $42唔知仲以為好似雞皮餃子嗰啲咁普通 但見到個個都大推就好奇想試吓雞皮炸到好似腐皮卷咁一咬即碎 入邊包住嫩滑雞肉 點埋泰式酸辣醬 酸味味勁好食❣️咖喱吉列魚柳飯 $56呢個真心誇張咗 塊魚柳同我前臂一樣長即炸勁酥入面魚肉嫩到差啲夾唔起 淋上打入洋蔥蓉嘅咖喱汁 份量十足非常惹味❣️咖喱牛腩牛筋飯 $62一份有齊牛筋牛腩仲要炆得勁腍身入味 牛筋入口即溶恍似花膠滑捋捋 🐮味香濃微辣咖哩更開胃🥢+$23 酥油薄餅將白飯改成酥餅估唔到冇做錯決定 千層酥般嘅酥油餅一層又一層泡浸係咖喱入面 吸收醬汁精華 濃而不膩❣️鹹檸碧 $13(跟餐價)除咗茶啡汽水估唔到仲有特色飲品🥤微鹹檸檬同清甜嘅七喜嘅配撘 十分解濟❣️柚子梳打 $13(跟餐價)同樣係由七喜混合而成 甘甜爽口嘅柚子香增添整體清新口感