金記冰室 (已結業)

是日中午落大雨，我同2位同事本身諗住係公司附近餐廳食算但無位，一路行到金記冰室睇睇有無位（竟然有！），就入左去lu～平時唔落雨都好多人黎呢度食嘢，係灣仔做嘢咁耐都未食過😂餐廳風格有點懷舊，卡位附近放左啲懷舊玩具，除左檯面嗰啲menu之外仲有一個用乒乓球拍做嘅餐牌，幾得意👍🏻據聞呢度出名嘅係咖喱牛腩農夫包🍛，我地叫左3個，價錢$89，嘢飲要加$8，等左大概5分鐘就到lu，服務都幾快。用黎裝農夫包嘅碟都幾大，3隻碟都已經差唔多霸晒張枱😂份量都幾足，同事當中有男士都食得飽。個農夫包入面有焗左嘅咖喱牛腩、飯同埋少少芝士，香味十足，咖喱汁有細碟另外上。都幾好食，係個包我覺得稍微乾左啲。下次會試試其他餸😋

住南區既我，出親銅鑼灣都經過天樂里，突然呢幾個月見到間特別光既食肆，一定係新開無耐。入到去~嘩！好多舊式既佈置，我好中意咁有特色既裝潢就連餐牌都特別過人，係用乒乓球拍製的，係確確實實既球拍，即刻想打返場波打開餐牌仲會見到以前既飲品，例如：黑牛，牛肉汁等等我見到「和尚跳海」覺得好新奇，而且我從未飲過，朋友說幾好味架，所以就一試！上台時係咁的，朋友說先將兩者攪勻就會變左淡淡既奶黃色，之後就看自己喜歡而加入鹽/糖先飲我揀左加糖，放糖既器皿都好舊式呀加左糖既滾水蛋，我覺得似腐竹蛋糖水既味，好特別，唔錯唔錯另一位朋友都有叫到，但佢就落鹽，所以我都飲左幾啖，我覺得落鹽更好飲，飲落有蛋香，與晚飯更夾！！呢個咖喱牛腩農夫包一個字「正」，2個字形容「必食」上台時，外表已經好吸引。香濃咖喱汁，是日式甜味，帶有微辣，應該大部分人都食到，其實除左牛腩，仲有其他主菜選擇：雞，魚...一上台我建議大家先食農夫包個「蓋」，新鮮上台又熱又脆，包內仲塗左牛油，好香，沾上咖喱汁口一咬，香脆既聲音，正呀！牛腩炆到好林，而且好入味，食到底時，原來包底仲有飯，真係夠晒2個人食👍👍

金記。懷舊快樂玩樂的地標冰室上個星期同幾個朋友去銅鑼灣行街行過天樂里俾我發現咗原來金記開咗分店，而且呢一間分店仲好又玩味好正呀個裝修！好彩個時間係六點鐘多少少好多人未收工好快就等到位，一到來的感覺，懷舊。玩。你睇下呢度啲裝修真係好特別架！有飛行棋啦。又有一啲好懷舊嘅鐵盤同埋波波池嘅波波，鴨仔等等！好可愛！環境裝潢殺曬的吸引！先泥左個福面常餐。我哋揀咗先牛肉福面常餐。相親有多士火腿奄列同埋鮮牛肉福面，點解我講咁多次都係鮮牛肉呢因為佢哋真係用一啲新鮮牛肉大大件仲餸呀。而且配上人人都識嘅福字面。正！睇睇各位記得記得叫侍應幫你攞包粉出嚟啊！有陣時唔記得，個湯就會失色不少。在你當然晒我響西環基本上去親都一定會叫嘅咖喱牛腩農夫包喇！農夫包外脆，裏邊嘅牛腩內軟。咖喱味香濃配合另上的沙嗲醬點包更加正！分量keep住大個而且味道keep 住有水準！牛腩香淋入味！必吃必吃。朋友仲叫咗個瑞士汁炒河粉，比乾炒牛河少點油，牛肉夠多，河粉色澤夠均勻。惹味。如果可以再配埋朝食辣椒醬會更正！呢一間金寄俾西環嗰間坐得舒服啲，附近好多唔同國籍嘅旅客都會來品嚐！

幾個月前經朋友帶我去過冰室食嘢後, 相隔一些時間也會到訪不同冰室. 上星期便去了位於灣仔的金記冰室食飯.這裡掛了很多兒時玩具, 令人充滿回憶.其中最特別是用舊式的浴盆和碟作為牆上裝飾.餐牌的設計也與別不同, 外型是兵兵球拍.來到冰室,飲品我點了黑牛.朱古力雪糕幾香濃, 配上可樂在夏天飲, 真是透心涼.點了咖喱牛腩農夫包.上枱已聞到好香的咖喱味.趁農夫包還脆身, 就要即時食. 咖喱辣度適中, 農夫包點着咖喱一齊食, 特別惹味.牛腩幾大件,而且夠腍身, 不會覺得硬身, 惹味可口.也點了這裡馳名的鮮牛肉福麵.福麵的味粉包是另上, 客人可以因應自己的喜愛而落. 我地當然全包落晒.牛肉是新鮮牛肉, 所以牛肉味特別鮮味, 而且夠嫩滑.最後, 怎可不點冰室的燒雞脾拼沙律.雞脾熱辣辣,外皮帶點脆, 雞肉夠嫩滑, 非常美味. 雞脾較熱氣, 可以食沙律中和一下.間中來冰室食飯也是不錯的選擇.