影片
更多
2021-03-26
2189 浏览
自從「閨•家 」登陸深水埗西九龍中心之後，身邊同事彷如多咗一個飯堂，我每次去食都一定會撞到熟人🤣。可想而知佢幾受歡迎，咁又係嘅，始終呢個商場無幾多間正正式式入舖位嘅餐廳。餐廳以無味精茶餐廳自居，但其實佢比我嘅感覺唔太似茶記。雖然我已經食過好幾次，但都仲未食勻哂所有菜式，每次總係會挑戰新嘢😀！咖喱牛腩飯($50)，今日終於食埋閨家嘅咖哩🍛。呢度嘅咖哩汁同飯分開上，所以汁量充足撈哂成碗飯。咖哩口味清淡，椰味🥥較辣味突出，老少咸宜嘅味道。辣度有得揀，我哋叫小辣其實一啲都唔辣，而且感覺辣味係來自紅色嘅辣油。餸料有牛腩同薯仔蘿蔔，🐮牛腩有好多件，而且每件都大大件，亦炆得好淋，唔錯。另外，我仲加咗$6要半隻溏心日本蛋🥚，堅流心。菜肉雲吞菠菜麵($39)，呢度嘅手工麵好有特色🍜，係餐廳嘅自家出品。菠菜麵係三色麵入面比較大路嘅一款，但就唔好預期會食得出菠菜味🌿，估計係搓麵團嘅時候加入相關元素。湯麵一定要襯熱食，呢隻麵如果浸湯浸得耐應該會糊，不過正常進食的話麵條其實好彈牙，兼且條條分明。餸料揀咗菜肉雲吞🥟，用上椰菜做餡幾爽口，但得三隻，略嫌少咗啲。飯餐會送細盅老火湯🔥，星期三款式係海底椰粟子煲豬展，唔好
自從「閨•家 」登陸深水埗西九龍中心之後，身邊同事彷如多咗一個飯堂，我每次去食都一定會撞到熟人🤣。可想而知佢幾受歡迎，咁又係嘅，始終呢個商場無幾多間正正式式入舖位嘅餐廳。
餐廳以無味精茶餐廳自居，但其實佢比我嘅感覺唔太似茶記。雖然我已經食過好幾次，但都仲未食勻哂所有菜式，每次總係會挑戰新嘢😀！
咖喱牛腩飯($50)，今日終於食埋閨家嘅咖哩🍛。呢度嘅咖哩汁同飯分開上，所以汁量充足撈哂成碗飯。咖哩口味清淡，椰味🥥較辣味突出，老少咸宜嘅味道。辣度有得揀，我哋叫小辣其實一啲都唔辣，而且感覺辣味係來自紅色嘅辣油。餸料有牛腩同薯仔蘿蔔，🐮牛腩有好多件，而且每件都大大件，亦炆得好淋，唔錯。另外，我仲加咗$6要半隻溏心日本蛋🥚，堅流心。
菜肉雲吞菠菜麵
$39
14 浏览
0 赞好
0 留言
菜肉雲吞菠菜麵($39)，呢度嘅手工麵好有特色🍜，係餐廳嘅自家出品。菠菜麵係三色麵入面比較大路嘅一款，但就唔好預期會食得出菠菜味🌿，估計係搓麵團嘅時候加入相關元素。湯麵一定要襯熱食，呢隻麵如果浸湯浸得耐應該會糊，不過正常進食的話麵條其實好彈牙，兼且條條分明。餸料揀咗菜肉雲吞🥟，用上椰菜做餡幾爽口，但得三隻，略嫌少咗啲。
飯餐會送細盅老火湯🔥，星期三款式係海底椰粟子煲豬展，唔好睇湯品細細碗，入面好足料㗎。上次飲覺得太甜，今次就啱啱好。
麻辣雞腎
$28
10 浏览
0 赞好
0 留言
招牌豬扒
$18
10 浏览
0 赞好
0 留言
總括嚟講，閨家小店確係唔錯👍，大部份食物都好啱我味蕾😋，而且定價亦好大眾化。餐廳面積細，所以環境有啲迫，餐枱距離亦比較窄，不過場內有一大幅牆畫，主題係配合返深水埗嘅地標特色，細心留意仲會見到手足添，好有心思啊💛。
张贴
