孖寶車仔麵

营业中

休息中

次次黎葵廣都係掃街食小食，今次去坐低食翻碗麵。孖寶車仔麵好似自我印象以黎以經係葵廣到，絕對係學生回憶。宜家雖然貴左，但係都仍然抵食，$50有三餸加一杯飲品，而且配料同麵類都有好多款選擇。  1️⃣三餸麵（$50）（豆漿+$3） 麵底揀左手打麵，偏粗身，配料揀左冬菇、金菇同埋咖喱魷魚，再配秘制汁。咖喱魷魚分開左上，口感爽滑，個汁好濃好好味！另外檯面有菜脯、辣菜脯、辣椒油可以自己加。辣菜脯加左之後湯底即刻昇華左🤩佢唔會太鹹👍  2️⃣金牌魚肉翅麵（$44） 碗仔翅絕對係香港地道代表！有冬菇、木耳等等配料，魚肉份量都多，加埋胡椒粉、醋食就啱曬☺️  3️⃣滷水豆腐（$15） 豆腐索左滷水汁甜甜地，唔會好鹹。  4️⃣ 滷水蛋（$6/隻） 滷得入味😋  

每次經過，依間車仔麵都有唔少人光顧，😨所以今次肚餓，就揀左依間葵芳人氣好高既車仔麵店食野。😚我地揀左兩個三餸套餐分別係米粉配五香豬頸肉，咖哩魷魚，滷水豆腐，秘制汁加腩汁加熱華田另一個係米線配雞腎，冬菇，牛肚，秘制汁加豆漿，再另加一份生菜墨魚條湯。豬頸肉，滷水豆腐，雞腎，冬菇依幾樣野都好有驚喜😳，因為真係好入味😍，豬頸肉夠淋，但又有咬口，應該浸左好耐😌；滷水豆腐大大舊👍🏻；雞腎雖然比較淋左，但勝在夠入味😆；原粒冬菇好好味👍🏻👍🏻👍🏻，唔會太淋，吸哂湯汁。飲料方面熱華田就比較淡，唔夠濃味🤔，豆漿就正正常常。生菜墨魚條湯，個墨魚條真係有陣墨魚香🤭

一排無食車仔麵今日陪女友去到葵涌行葵涌廣場食順便食下這裏嘅名物孖寶車仔麵此店除了有車仔麵，還有好多街頭小食，例如：魚肉燒賣，魚肉條，碗仔翅，最特別係主食除左麵同飯好，仲可以揀腸粉每枱也有兩款菜圃，可以任加，一款辣，一款唔辣，同樣好好味我哋來的時候剛好下午茶，原本$45一個車仔麵包三餸，下午茶只需$39，而我多了兩餸+$2沙嗲汁-我揀左蘿蔔，豬紅，牛腩，牛肚同咖喱魷魚沙嗲汁好值得加，好野味，令整碗麵層次提升牛腩唔怕韌，而且重牛味；牛肚好淋；蘿蔔好好味，好入味，多汁無渣，清甜；咖喱魷魚爽口得嚟唔韌；豬紅亦好入味，很滑仲送熱飲，而我揀了換樽裝豆漿，豆味濃，而且幾大枝下，飲完消辣又解渴而女友叫碗墨魚條碗仔翅，碗仔翅好耐無食，湯底濃郁鮮味，味道好好，再加上墨魚條不是平時魚肉條係碗仔翅果隻，墨魚味好重