影片
更多
2018-11-12
446 浏览
又喺一次舊同學午聚，約埋簡單食餐晏，由小弟發辦。其實，我都幾怕晌中環搵地方食晏，因為周圍都喺人，小弟公司有包伙食，所以，平日喺無呢啲煩惱。但既然同學開到聲，就由小弟早少少蛇出去攞位，今日就一齊食吓越南菜，之前到訪過「品越」（旺角店），知道質素去到邊，故此，嚟到中環店，都有信心令同學食得滿意。唔喺講笑，平日午市真喺好多人，一枱起身，又有一枱客入座，基本喺座無虛席。所以，就算嚟食晏，等位都唔使得好耐，除非你一棚人啫。雖然餐廳喺賣越南菜，但裝修簡約摩登，靠窗一邊嘅梳化卡位，喺最心水嘅好位。食午餐都喺講求快，所以，主打就喺午餐餐牌啦，午市一共有13款選擇，定價都喺$68-$94，包普通熱飲1杯，亦可以加錢轉其他特飲。整份餐牌印刷精美，更喺圖文並茂有個參考。此外，仲有一個小食餐牌，主食以外，睇睇有無嘢啱。其實，亦可以嗌散點餐牌嘅嘢，不過，由於要額外嚟做，所以，講到明要等多陣。餐具、紙巾及調味料已放晒晌餐枱上，自由取用，除魚露，仲有是拉差隻辣椒醬，可惜，小弟唔多喜歡辣醬，無福消受，哈哈！魷魚藕苗沙律 $88曾經年幾前晌旺角店試過，覺得頗特別，所以，專登介紹俾同學試。藕苗即喺未長到大嘅蓮藕，配以甘筍
唔喺講笑，平日午市真喺好多人，一枱起身，又有一枱客入座，基本喺座無虛席。所以，就算嚟食晏，等位都唔使得好耐，除非你一棚人啫。雖然餐廳喺賣越南菜，但裝修簡約摩登，靠窗一邊嘅梳化卡位，喺最心水嘅好位。
食午餐都喺講求快，所以，主打就喺午餐餐牌啦，午市一共有13款選擇，定價都喺$68-$94，包普通熱飲1杯，亦可以加錢轉其他特飲。整份餐牌印刷精美，更喺圖文並茂有個參考。
此外，仲有一個小食餐牌，主食以外，睇睇有無嘢啱。其實，亦可以嗌散點餐牌嘅嘢，不過，由於要額外嚟做，所以，講到明要等多陣。
餐具、紙巾及調味料已放晒晌餐枱上，自由取用，除魚露，仲有是拉差隻辣椒醬，可惜，小弟唔多喜歡辣醬，無福消受，哈哈！
魷魚藕苗沙律 $88曾經年幾前晌旺角店試過，覺得頗特別，所以，專登介紹俾同學試。藕苗即喺未長到大嘅蓮藕，配以甘筍絲、青瓜絲，淋上酸酸辣辣嘅醬汁，所以，食起嚟好醒神，而啲藕苗口感爽脆，喺種幾特色嘅食材；啲魷魚就柔韌鮮甜，唔會好似擦紙膠咁咬極都咬唔開。
魷魚藕苗沙律
$88
11 浏览
1 赞好
0 留言
米紙卷喺越南嘅特色小食，食親越南嘢，好多時都會試吓。一份米紙卷裁成6大件，米紙薄透，口感煙韌清爽，內裡塞滿虎蝦肉、米粉、青瓜、生菜，包得夠紮實，唔會散開嚟，沾少少魚露提一提味，口感清爽，食味不俗，燒大虎亦夠彈牙。
燒大虎蝦米紙卷
$72
22 浏览
1 赞好
0 留言
品越皇牌湯河 $78因為餸料包括有生牛肉、牛展、牛腩、雞絲，又夠晒大堆頭，放上唔少金不換，所以，頗有「火車頭」嘅影子，仲伴有青檸及辣椒碎，不妨拌入湯中，味道會起出變化。不過，講到個湯底，濃而不濁，非常有牛骨香，而且，河粉嘅份量十分足，前前後後都分都4碗仔，最正喺滑溜有米香嘛；至於啲餸料，老友就話好得，尤其啲生牛肉及牛腩，極有肉香，食得出喺靚貨，牛腩更喺牛坑腩嗰位，帶少少油脂香，我亦覺得啲牛展炆得軟腍，而雞絲頗嫩滑。
品越皇牌湯河
$78
35 浏览
1 赞好
0 留言
馬拉盞海鮮炒金邊粉 $88咁多款午餐中，最想試喺佢，一來用上馬拉盞，夠惹味，二來炒金邊粉，湯嘅食得多，炒嘅比較少，況且，炒粉一向易做難精。金邊粉比河粉更幼身，帶點韌性，炒出嚟嘅效果唔錯，唔會黐埋一嚿嚿，食到尾又唔喺好油，加上馬拉盞嘅鹹香，再唧少少青檸汁，令味道唔單一；海鮮就只有鮮蝦、魷魚及迷你帶子粒，款式唔多，但勝在仍具質素，好似啲鮮蝦咁，去晒殼，一咬就喺爽彈嘅蝦肉。
秋涼啦，有幾款特色熱飲好合時節，包括紅棗桂圓荼、蜂蜜玫瑰柚子茶及杞子龍眼蜜，最「筍」喺加$8就以轉飲。
蜂蜜玫瑰柚子茶 +$8上次同表哥去「品越」佢就喺揀咗呢款熱飲，讚杯嘢幾好，所以，小弟亦想試試。本來柚子茶真喺無咩特別，秋冬天我哋都會買返屋企沖，不過，加入蜂蜜元素，自然感覺更滋潤，而且，加上食用玫瑰，晌味道上，多添一份玫瑰幽香，令香氣更上一層樓。
杞子龍眼蜜 +$8晌網上查一查，就知龍眼肉有幾好，杞子又明目，秋冬飲就夠晒滋養。龍眼睇得出唔喺平時飲啲乜冰物冰嗰啲罐頭龍眼肉，而喺由桂圓乾泡浸出嚟，所以，略帶深沉，味道自然而清甜富蜜香。友人更話，入口順喉潤澤，果然無揀錯。
午飯時間只得一個鐘，同學間聚舊確喺有啲唔夠喉，不過，一齊食到餐好嘅，又的確喺一件喜悅嘅事，反正，將來仍大把機會聚一聚。
张贴
