Couch CLUB

营业中

休息中

​幾年前朋友帶過我黎Lounge Hakuba 就已經好鐘意依度個vibe坐得好舒服 menu玩味十足 🤓今次再黎就唔飲酒 chill住渡過左個中午☀️叫couch club 又真係好多couch比大家坐 🥔有舒適既室內同開揚既室外 好多美日reto pop裝飾 😌 Pet friendly 整體環境都好舒服✿ B.Y.O.B.自選便當 $136 ✿自選便當非常之全面同營養均衡 1款主食+2款蔬菜+2款肉食先選主食 有飯麵沙律 我地就揀左日本珍珠米🍚 非常軟糯蔬菜方面揀左香草南瓜同山葵山藥漬 南瓜煮得好入味好綿🎃山藥漬清新微辣可以當前菜食~肉食方便揀左手打雞肉餅配牛油香蒜日式菇汁同味噌比目魚+$8第一次食用雞肉造既肉餅 非常香口比目魚肉質好嫩滑✿ 唐揚炸雞楓糖漿班戟 $129 ✿近幾年炸雞班戟都幾hit 厚厚既雞扒配鬆軟pancake🧇肉質軟嫩juicy 楓糖漿甜甜地好夾 (個樽勁cute!🐻) 上面仲有egg benedict 蛋汁流落黎令整體濕潤帶蛋香🍳✿ Baileys Latte $50 ✿沖到好似cocktail咁靚🍸有時都幾怕Baileys個陣苦甜味依杯latte就完成冇苦澀

銅鑼灣旺中帶靜恬靜Cafe，微微日光照射充滿寫意氛圍。Cafe以美式復古為主題，提供特色西日料理。非常適合悠閑享受下午時光。☕️Cafe亦設有戶外座位，可與心愛寵物一同度過。🐕- 唐揚炸雞楓糖漿班戟 HK$129 🥞班戟迷必試!!炸得香脆多汁炸雞扒，與香甜鬆軟班戟完美組合。雙重口感非常有趣!!加上流心班尼迪蛋及可愛熊仔楓糖漿，柔順香氣一試愛上!!- 明太子意粉 HK$118 🍝超美意粉!!奶香忌廉加入明太子、櫻花蝦及三文魚籽，鮮味醬汁包住意粉鮮香十足!!- 鯛魚燒芭菲 HK$78 🍨超豐富芭菲!!奶香抹茶雪糕、彈牙抹茶凍、香甜紅豆及口感脆米非常多料，可愛吉士餡鯛魚燒熱辣辣超新鮮!!- 薑黃拿鐵 HK$50 🫚驚喜之選!!微微薑黃溫順辣味加入暖暖牛奶，順喉又暖身，非常特別!!

🎯熊妹上次去咗銅鑼灣Tower 535 食飯，見到3樓有呢間Pet friendly Cafe 🐾《Couch Club》，梗係拉埋近期寵物網紅𡃁妹帶埋佢啲毛孩🐶一齊過去chill返個下午啦！📌門口有塊木製屏風掛住一塊寫住「營業中」的木牌🏷，成個日本風味好出哂黎🎎。📌一入到門口左手邊就係大大部咖啡機，已經聞到濃濃嘅咖啡味，真係急不及待叫番杯咖啡醒神吓！📌門口仲有一張木凳仔，相信係好多狗仔打卡位的地方 📸。📌餐廳都幾大，樓底超高，光線充足💡，感覺好開陽。分開左兩邊，一邊係好休閒嘅沙發位🛋，另一邊佈局成露天雅座（但其實都仲係室內😂），可以帶狗狗入嚟一齊進餐。都有好幾台客有幾隻毛孩同大狗仔，成件事好似狗仔聚會咁，非常熱鬧。📌露天雅座仲有一個好舒適嘅corner梳化位，成個裝修格局好美式系🎰，仲有啲美式燈箱同埋滑板🏂，呢種風格好少見。📌食物款式以輕食為主題，係日美式fusion菜，當中日式明太子蛋卷、日式班戟、日式意粉、美式芝士通心粉等等都係招牌菜，另外，仲有一個日式自選便當🍱，自己配搭菜式同主食，又幾特別喎！📌飲品方面，當然有咖啡機沖調嘅拉花咖啡，另外仲有幾款日式甜品🍮，輕食得來都幾多菜式選

之前見到佢地既炸雞班戟覺得好特別實在太吸引眼球🍗🥞就book mark咗搵日要去試呢一間✅呢日出開去銅鑼灣就去試吓先😁～🍗唐揚炸雞楓糖漿班戟🥞 / $128佢地既打卡招牌菜必點～跟咗個好可愛的楓糖熊仔樽🍯🧸鹹與甜嘅味道配搭得好好，香脆嘅炸雞配鬆軟嘅班戟，加上最上層嘅流心蛋！營造出好特別嘅口感，每一啖都充滿了層次感與驚喜😋難以令人抗拒的美味組合，必試👍🏻🍔無花果牛肉漢堡配shakeshake薯條🍟/ $168本身跟左四川麻辣風味嘅辣粉點薯條食～ 漢堡超級足料勁厚身！🐮牛肉非常之juicy~飲品方面點左：🍹白桃芒果冰茶/ $45🫖熱柚子薑茶 / $55環境非常舒適，有極高嘅樓底，同埋呢度係Pets friendly㗎~ 🐱🐶