三：三

营业中

休息中

長洲近年開咗好多cafe小店，好啱行到攰入去食吓嘢飲吓嘢hea吓～～ 三：三位置比較入，唔近大街，而係近民居，所以環境比較寧靜舒適▪️啡蝶仙子 (炸紅豆煎堆、雲呢拿雪糕、特濃咖啡)🍨☕️煎堆應該係新鮮炸起，好脆好香口，入面嘅紅豆綿密。配埋雲呢拿雪糕、特濃咖啡食，好特別▪️平安包特飲 - 紫芋抹茶包 (紫薯芋泥、芋圓、燕麥奶、抹茶拿鐵)🍠🥛🍵紫芋味道天然，唔太甜。抹茶拿鐵好濃抹茶味，倒埋落紫薯芋泥燕麥奶度，都好夾。小芋圓有咬口，增加口感▪️中央開花三十目(葡萄柚,荔枝,草莓沙冰、鮮忌廉、荔枝肉及西柚肉)🍹面頭有幾粒大大粒嘅荔枝肉，好足料。沙冰嘅葡萄柚味、荔枝味比較出，冇乜草莓味，感覺唔加草莓都得。整體酸酸甜甜，好fresh，啱晒夏天三：三📍長洲北社五里4A號地舖

放假入長洲行下，當然要嚟試吓朋友大讚的三：三cafe 。環境以白色為主，簡約舒服。先叫了個啡蝶仙子，賣相很靚，將咖啡倒入雪糕攪勻一齊食，特濃咖啡香混合香草雪糕的滑、咖啡的熱混住雪糕的冷，入口香滑，溫度適中，精神即為之一振。一口一口食住，心情也豁然開朗。個煎堆更令我喜出望外，外皮香脆，內有長洲紅豆，甜度適中，我一向不太好煎炸嘢的也一試難忘。另點了杯擁抱星塵，外表美美的如紅色的星塵，飲落酸酸甜甜，尤其喜歡內裏透明的3Q珍珠，勁彈牙口感很好。食物就叫了合盛紫芋吐司，一口咬落去除了有爆滿的珍珠，還有暖暖的紫芋，很香很好味，甜度難得地很適中，內還有肉鬆，口感層次很豐富，每口也要慢慢咀嚼及享受。除了食物及環境，店長又美又細心，搞到我係長洲玩完已急不及待返轉頭試埋其他飲品，外貎及味道都係超讚！有空一定要再返來試埋其他食物。