Golem Craft Beer (已結業)

嗰日去開石門探朋友，之後落街一齊食飯，就見到有一間酒吧，睇咗餐牌見到啲嘢食都幾吸引，同埋啤酒都好多款，咁我同朋友都幾鍾意飲啤酒嘅，所以就入咗去食啦！咁一坐落去梗係叫咗啤酒先啦，朋友就叫咗杯Machine man，我就叫左會香港做嘅啤酒，味道都幾易入口幾好飲嘅！咁之後我哋就叫咗兩個小食同兩個主菜，好明顯啦我哋兩條友係眼闊肚窄啦！好快小食就送到上嚟啦，我哋叫咗芝士煙肉薯條同埋炸魷魚圈，薯條係比較粗身嘅，咁上面淋咗芝士醬同煙肉碎咁，而且有兩種醬俾我點嘅，一種就係芝士醬啦，另一種係蕃茄醬，點醬食超正！之後就到炸魷魚圈啦，一上枱就覺得極吸引，出面炸粉唔會太厚，點埋個沙律醬真係超級正！之後個啤酒雞都到咗，隻雞都幾大隻熱辣辣咁，咁佢有把大鉸剪呢俾我哋方便剪開嘅，食落去皮好脆，超正！而且肉都好鮮嫩，同埋食到淡淡嘅啤酒味！之後就輪到個脆皮豬手啦，咁都係用把大鉸剪剪開啦，咁一向豬手配啤酒係絕配嚟嘅，脆皮豬手果然係好脆皮，而且啲豬手肉都好好食配賣啖啤酒，嗰下感覺真係好味到不得了！而且間酒吧環境都唔錯，一路飲啤酒一路食嘢一路傾計，真係好適合三五知己聚一聚腳！

與同事星期六放工後啤兩啤, 近近地就去左京瑞廣場的pub,餐廳有落地大玻璃, 雖然只係望對面工廈的外牆, 但環境舒適, 坐位寬敞, 最緊要啤啤時坐得舒服。叫左小小食物。Fish and Chips當然要叫, chips 無論幾時都係我的comfort food~炸魚即叫即炸, 粉漿調得香濃, 入口鬆化又香脆 而且又唔會唔會太厚身,熱辣辣上檯, 十分鮮美粗身薯條外脆內軟, 不會感到油膩, 炸得剛剛好, 食落好滿足~~啤酒雞啤酒雞即叫即烤焗, 需時比較耐,但係得出以啤酒醃製雞肉的甘甜層次,一切開時香氣十足, 帶有一點淡淡的啤酒香氣而且雞身入面亦加入其他醃料, 洋蔥、蒜、黑椒等,切開時皮脆肉嫩, 而D雞肉仍然非常juicy,比中式炸子雞更顯層次同深度。叫的果杯啤酒叫Chunk Sir, 飲落去甜甜的,有櫻桃和可可的味道, 再喝多兩口更嚐到以橡木片釀製的風味, 讓人驚豔。

佢病左幾日，一好番就釀著要飲酒慶祝下。反正去完沙田行街無特別野做，就過黎石門搵野食，見有間酒吧，環境不錯，試試吧。這裏主打手工生啤，店員逐一介紹，仲用小啤酒杯比我地試下味，最後點了 “Chunk sir” 和 “Festbier”食物就點了炸魚薯條，魷魚圈和啤酒烤雞。望住佢渴望已久的眼神，明白到佢哩排病既時侯的失落。啤酒先上，Festbier (右圖) 入囗有股啤酒花味，麥味重。Chunk Sir (左圖) 就有啲特別，入口非常之creamy，有奶油味及朱古力味。個人就比較喜歡Festbier 之後再來小食，來的時候已是一陣香噴噴魷魚味只係用薄薄漿粉炸的魷魚圏，口感煙韌彈牙，不會感到很油膩佐啤酒小食一流炸魚薯條亦很有水準，魚身較薄但很嫩滑，入口即化主菜是啤酒雞，香草味濃，皮烤得香脆，底部應該是薯蓉，非常滑溜看見他滿足的樣子，今餐應該食得好合他心意。