四寶食堂

营业中

休息中

謝斐道幾間茶餐廳，唯獨四寶食堂長期有人龍。排了約5分鐘，可以入座了。兩點半下午茶時間，同時有午餐和常餐供應，選擇可真多。.我點了「喜哥蔥油豬扒煎蛋飯」（誰是喜哥？）嘩，超級好味，豬扒又厚又大又淋，煎蛋有脆邊，白飯乾身（最怕淋飯），蔥油香濃無比，豉油甜甜地不鹹，總之全部都100分。而價錢只需$ 65！還送熱飲。.太太點了午餐「大蝦球彩椒車厘茄羅勒蕃茄意大利粉」（好長的名稱），蝦球爽口冇雪味，除了彩椒、車厘茄，還有不少菇粒，健康又豐富。同樣送熱飲，價錢$ 88。.另外點了一份下午茶「經典粒粒花生醬西多士」，中間有花生醬，用的麵包較厚，更能吸收蛋液，煎得香脆。.質素如此好的茶餐廳，為什麼還去快餐店呢？

茶餐廳算是香港本地飲食文化的產物之一，以選擇多樣方便見稱，其受歡迎程度，可以說是「梗有一間喺左近」。而近年隨著市場需求，業界亦不斷革新求變，添上懷舊地道色彩又或主打某些特色小食，務求能在市場上站穩陣腳。最近筆者就造訪了一間較有風格的新派小店，位於銅鑼灣中心地段，門面以Tiffany Blue為主調，店內柔和亮麗的燈光，襯上簡潔空間感強的設計裝潢，環境氣氛舒適自在；一幅敞大的花花牆更是充滿著少女心，打卡呃Like一流。細閱餐牌，發覺小店供應的菜式種類繁多，除了一般的咖啡、茶餐、三文冶之外，還有很多其他西餐廳才會有的菜式如凱撒沙律、Egg Benedict、Pizza、燒牛扒燴羊膝和自創特式的「磚頭焗飯」，就連甜品如自家製的窩夫也有多款選擇，頗有驚喜。先來一客巴馬臣芝士水牛城雞翼，份量十足，一客4串足有8隻中翼，炸得金黃外脆內Juicy，醃得入味亦帶辣，但跟水牛城雞翼的原有味道和賣相有點距離，還好仍算香口惹味。黑松露雜菌咸蛋醬薄餅，原本對於在茶餐廳吃到的Pizza並不寄予厚望，但想不到端上來時賣相頗對版，像是Thin crust的餅底，薄薄的香脆得有點似餅乾，上面鋪上了雜菌、芝士、黑松露醬

裝潢有別於一般茶餐廳，環境清爽明亮，座位寬敞，還有一大幅花花牆，相當搶眼！蜜汁叉燒滑蛋飯 ($58)光看賣相已看得出滑蛋非常滑溜，誘人食欲！軟綿綿的滑蛋加上大大塊的叉燒，十分美味。喜哥蔥油豬扒煎蛋飯 ($58)豬扒厚身，外層香脆內裡肉質鬆化，一點也不柴口。加上蔥油，散發淡淡蔥花味，香口又惹味！瑞士汁雞脾撈公仔麵配嫩滑炒蛋及牛油丹麥酥 ($52)瑞士汁夠色澤、甜度剛好，公仔麵軟硬適中。麵條盡吸瑞士汁，每口都甜蜜滋味，非常開胃。雞脾入味，但略嫌不夠嫩滑，仍有進步空間。

嚟到銅鑼灣唔知食咩好咁啱就經過呢間新式嘅食堂裝修以藍綠色做主調望落座位亦都闊落就決定入去試吓一嚟就嗌左佢招牌嘅喜哥蔥油豬扒煎蛋飯餐廳仲有提供唔同嘅扒餐朋友想食清淡少少就揀咗香草白酒龍脷魚配羅勒番茄沙沙醬再配埋黑醋雜菜沙律小食就揀咗糯米釀雞翼仲有阿華田雪山同紅豆奶茶上菜速度都幾快先試下佢嘅招牌蔥油豬扒份量好多特別係塊豬扒仲大過我塊面咬落非常厚肉好Juicy夠腍身配埋特製嘅蔥油食落好惹味太陽煎蛋生熟啱啱好做到留心嘅效果加埋白飯所有嘢配合得啱啱好龍脷魚份量亦都好多有兩大塊肉質嫩滑配埋黑醋沙律好開胃糯米釀雞翼有驚喜即叫即炸熱辣辣釀係雞翼入邊嘅糯米辣辣地食落好過癮食完唔夠喉再加左份法式梳乎厘蛋多士配雜果雪糕有三大舊超級厚切口感有啲似食緊奶黃同麵包布甸之間感覺唔油膩配埋雪糕一流整體食物同服務質素都幾高中間唔小心跌咗碗筷侍應好快手就幫我換過個新份量偏多價錢亦都公道以銅鑼灣嚟講真係好難得

中午大雨中覓食，見到這間餐廳用Tiffany blue 裝飾，份外搶眼，一看餐牌，竟然是茶餐廳，而且價錢唔貴。喜哥蔥油豬扒煎蛋飯（$58），店員問我太陽蛋ok嗎，當然好，最喜歡半生熟蛋，豬扒煎得好香口而不燶，好厚身又juicy, 配上蔥油簡直是一絕，太陽蛋的蛋黃好有動感，配上白飯好滿足。香蔥蝦球滑蛋飯（$78），蝦仁大大粒又爽口，炒蛋好嫩滑，而且加了秘製豉油，好味到停不了口。瑞士雞髀（$25），並非太重味、太甜，正合我口味。鮮奶紅豆冰（+$7），紅豆好夠諗、略甜，如果紅豆連同鮮奶一齊飲，甜度剛剛好。熱檸樂煲薑（+$7），果然夠薑，好似媽媽煮的一樣。茶餐廳竟然有如此高水準的食物，下次一定要是他的晚餐，連pizza, 意粉都有。

今日收工晏左，所以同同事在銅鑼灣四寶食堂食埋飯先返家。我們點了一人一個飯加飲品，再加個糯米釀雞翼。喜哥蔥油豬扒煎蛋飯-個蔥油真係好香口仲要唔會太油膩感。豬扒都ok,唔會太淋或太硬。肉質都不錯。太陽蛋正常。香蔥蝦球滑蛋飯-蝦肉大隻爽口彈牙，蛋真係好滑身。糯米釀雞翼-雞翼入面糯米個味道都不錯，雞翼辣辣地更加野味。熱柑桔-味道良好，熱辣辣咁幾好飲。朱古力雪山-朱古力味都夠，仲有餅卷係士多啤梨味都幾funny。

同男朋友喺Apple Store整完電話之後就上網搵下有咩食，見到有間好多人讚一間有花牆嘅茶記，作為港女嘅我，當然要去試下！一入去就即刻覺得四寶食堂有啲似cafe，有雲石枱又有花牆，真係唔係平時一般嘅茶記。四寶嘅食物選擇都幾多，除咗有一般嘅茶餐，仲有好多比較西式嘅選擇，好似燒春雞同扒。小食我哋食咗泰式檳檸雞鎚，呢個大推！雞鎚熱辣辣送上，仲要起曬肉，方便食客，真係好細心。重點係雞鎚有泰式風味，有香茅味，點埋泰式甜酸醬，真係好好味！主菜我叫咗招牌推介嘅喜哥蔥油豬扒煎蛋飯。我好鍾意蔥油配豬扒呢個配搭，呢到嘅蔥油同豬扒絕不欺場，豬扒好大塊，仲有好多蔥油。豬扒兩面都煎得香脆，煎蛋個蛋黃仲係流心，白飯配上豬扒，蛋黃同蔥油，真係冇得彈！男朋友食咗幾啖都讚唔錯！男朋友係食肉獸，叫咗個特選美國厚切西冷配陳年黑醋汁。特別嘅係侍應會問你想幾成熟，真係好細心。我哋要咗七成熟，肉質唔錯而且幾有肉味，絕對唔係一般茶記嘅貨色。另一驚喜係個配菜—炸薯角，厚切熱辣辣，好惹味，我食咗一半有多！飲品方面，我試咗大家推介嘅朱古力雪山，朱古力味濃，配埋啲奶油好滑，唔會好甜，真係值得一試。男朋友就要咗，佢話都好足料，薑同檸檬嘅味