南小館 (已結業)

今次又再同屋企人去南小館食晚飯，8點入到去都好少食客，坐低後隨即睇餐牌，今次照舊叫咗一碟四喜烤麩、一個花雕白雞、雞絲粉皮、上海炸豬排、鮮肉小籠包(5件)兩份，另外叫咗黑松露素鴨、4條風沙小黃魚、特式松子魚、上海粗炒及黑松露炒飯。上菜時間快，職員亦不停地幫我哋加蕎麥茶，食物水準味道依舊不過不失，不過雞絲粉皮嘅雞絲就比之前少咗，烤麩略鹹，炸豬排今次炸得靚過之前，又香又好食，仲有家人喜歡食風沙小黃魚，而我就覺得特式松子魚，啲汁甜甜哋，食落啲魚肉好滑，比較好味啲，至於黑松露炒飯睇落一般，但入口又唔錯喎，反而粗炒就真係一般。大約食到九點，以為就快收工，因為職員態度明顯鬆懈，完全無再理會食客，只掛住推埋企近門口位講笑，無再幫食客加茶，我哋亦食到9點半就埋單。總結：食物、價錢、環境都算不錯。

屋企人一向都好鍾意食上海菜，所以今次揀咗去康怡廣場間南小館食晚飯，可能係閒日嘅關係，夜晚七點半去到，都唔使等位，一坐低就有好清香嘅蕎麥茶飲，而我哋就叫咗四喜烤麩、花雕白雞、雞絲粉皮、馬蘭豆乾、上海炸豬排、鮮肉小籠包(5件)、黑松露小露包(5件)、大白菜肉絲炒年糕及青島金裝(296ml)3支，上菜食間都算快，有時以為啲職員企係度傾偈，點知每當我哋食完一碟嘢，佢哋都會好快哋幫我哋攞走個吉碟或吉竹籠，仲有佢哋會不停幫我哋加蕎麥茶，完全唔使我哋叫。總括：整體嘅服務態度都算唔錯，令人感覺坐得舒服，食物水準亦算不過不失，價錢合理，亦無銅鑼灣希慎咁多人，屋企人都話會再去食。

兩個人在太古煩找上海菜， 就在康怡廣場 M樓出現了南小館。 還記得去年是另一間上海菜館， 今年已經轉了， 可能租金價格又升呢! 現今市道。 不過， 對於食客 , 只要味美， 自然就嚟幫襯啦! 嘅然我們想吃上海菜， 就試試無妨。點了的鮮肉小籠包 $48， 四喜烤麩 $48， 燻魚 $78。食鮮肉小籠包時千萬要小心呀! 伙計將小籠包放上時， 急不及待地馬上放進嘴， 嘩嘩嘩， 我中伏呢! 真的熱燙非常， 舌尖幾乎也長泡泡喇! 果然新鮮出爐，每個小籠包內充滿湯汁。四喜烤麩是菜館推介， 也是小弟極力推介， 當中主要有烤麩啦! 配以冬筍絲; 毛豆; 小香菇。 烤麩口感鬆軟， 外表沒有多餘汁醬， 食進嘴裡立即感覺甜甜醬汁溢出， 味道﹑口感同樣出色。