一點心 (通菜街)

营业中

休息中

今次係第二次嚟呢度，星期六下晝嚟到都唔算等左好耐，落完單入到座位好快就有嘢食，雖然呢度唔係傳統飲茶有一壺茶俾你慢慢品嚐，無得簡自己鐘意飲既茶，但佢都會keep 住fill。呢到勝在就腳同食物唔錯☺️呢個既牆係畫上去，超靚，黎到可以好好欣賞一下。古法炸蛋散佢呢個係炸好咗之後，直接淋蜜糖上去，所以會比較甜，蛋散脆口鬆化都幾特別， 唔油膩，但如果佢鍾意食甜嘅就未必會鐘意。飲茶最愛四寶滑雞扎炸過既腐皮包住滑雞件，冬菇，厚切火腿，魚肚。 每一舊都吸晒大家既精華，食一舊都超滿足，夠晒飽。

除咗添好運，一點心都係另一間米芝蓮點心，個人覺得整體水準可以話係添好運之上，難怪附近啲街坊都會排隊去食。最欣賞係個腸粉，雖然稱唔上薄，但真係好滑👍🏻豬骨菜乾粥入面有一舊豬骨，淡淡嘅菜乾味，而且唔太鹹。鮮蝦菜苗餃，有菜有肉，口感比肉餃清新😌燒賣同雞扎都正正常常，不過不失啦。最後悔係叫咗哩個魚湯鮮竹卷，無論個湯定係舊卷，充滿曬芫茜同西芹嘅「香氣」，唔食芫茜同西芹嘅人係好難接受🤮🤮🤮整體比添好運好食，但輸在冇一樣好似添好運個叉燒包咁嘅招牌點心🙈

想起“飲茶”或“一盅兩件”這詞，總會聯想到很多很多一籠籠的點心，就連外地遊客來港都會想來一嚐的特色美食…以往只有在酒樓及中午前，才可以能夠吃到的，現在晚上都可以在小店舖品嘗了。在太子區附近都是一間一間的酒吧之中，品酒前就當然要先醫肚…來個品茶先吧！！店舖座位不多，在門口等候時，就可以先看點心紙，先行討論點選想吃的點心，種類不算多，都是一般酒樓常見的點心。在門外等候時點心選擇不多？沒關係，入座後枱上還有一張，之前選的不夠，可以再選再加單。蝦餃定必是最受歡迎之一，皮不厚也不太薄，剛剛好，需沒有原隻大蝦，但與肉的份量比例就剛剛好。蟹皇蒸燒賣，少量蟹籽放面只作點綴的感覺，但內在的豬肉與蝦肉的配合就剛好，沒有粉粉的感覺。而鮮竹牛肉球，就有些油膩，進口感覺滑溜溜的。香煎蘿蔔糕，沒想像之中好吃，蘿蔔味及臘味不夠，感覺硬硬的，始終都是媽媽做的好吃…哈！超級推介~四寶滑雞扎，份量超足，雞件猶如雞扒般大件，當然沒有一隻手掌咁大，但至少不是一口雞，內裡原隻大東菇及厚切火腿條都比我感覺大件，比較一般酒樓都來得有誠意沒有欺場…奶皇包就比較失色了點，但同樣大件，一籠只有兩件，中間的涵料也不算少，奶皇味就比較淡。最

𠵱家點心店越開越多，好似7仔咁，今次來到呢間試下先，店內起碼有20個坐位左右，店舖細細。叫咗5款點心：四寶滑雞扎-饀料足、雞夠滑、冬菇夠厚肉、炸肚味道唔錯。蔥花蝦米腸-腸粉皮夠薄、爽口、蔥及蝦米好味。薄皮鮮蝦餃-皮薄味道一般，沒有驚喜。豐料糯米鷄-糯米濕左D，沒有荷葉香味，餡料蛋王太小，都唔知有無4分之一，有點失望。古法炸蛋散-炸得夠鬆，入口即散，但沒有蛋香，面上淋上糖漿，花生碎、椰絲碎、白芝麻、片糖碎，味道小許咸咸、甜甜及香味，好味吖，都幾特別，可惜差一點，蛋散蛋香不夠。