前門飯莊 (已結業)

該店外觀不俗。內部座位亦相當雅致，亦有舒適卡座提供。門外巨型餐牌顯示該店大部份出品及價錢。是晚品嘗的出品如下:燻蛋確有特色，蛋黄半熟或可稱流心蛋。入口鬆軟但有嚼頭，煙燻味道濃沃，調味亦佳。小籠包製作認真，包皮輭硬度恰到好處，入口包湯溢出，肉味清新可口。鍋貼温度尚可，煎焦程度適中，調味亦佳，但擺砌雜亂未夠用心，賣相因而扣分。蟹肉份量適中，粟米稔熟不靱，湯羹稀濃度調較得宜，屬合格水平。酸辣湯用料充足，酸辣度及濃度合適，入口頓覺頗具風味，屬醒胃之選。擔擔麵屬上乘之作。微辣且混入適量花生醬，材料充足，肉碎、花生醬及花生碎頗香口，麵亦彈牙清爽。菜肉雲吞咬落肉味及菜味滲出，配料亦算用心，調味亦佳。以是晚品嘗的出品看來，該店屬平均水平以上，可惜幾乎全部侍應都目無表情，對答欠熱誠及禮貌，笑容更完全欠奉。

若非小組成員搞活動，都甚少入到嚟青衣，我哋先飯聚，再打波。每次入到嚟都有朋友負責晒所有事，安心食，安心玩，而揀前門飯莊作為飯聚地點，朋友話貪佢有個房仔，可以自成一角，又無消費要求。餐廳環境幾雅致，燈光柔和，牆上掛有好多中式提字。而我哋所處嘅「廂房」，其實喺半開放式，無實心嘅牆，亦無門，只喺有啲間柱，又晌角落位，騷擾性比坐大堂低好多。前門飯莊主要賣上海菜，亦有少少京菜同川菜，由冷盤前菜、熱葷大菜、點心粉麵、甜點糖水，款式超過70、80，選擇多多，部份菜式有圖有相作參考，而且，睇落價錢亦唔算貴。除茶錢收每位$7、加一之外，都無其他雜費。冷盤前菜多達23款，好多知名嘅滬式冷盤都有，如四喜烤夫、蔥油海蜇、雞絲粉皮……，而京式嘅北京水晶肉，川式嘅四川口水雞，均有供應。醬香凍茄子 $45凍茄子口感腍腍滑滑，冰涼清爽，所謂「醬香」，有點鹹鹹辣辣嘅味道，又滲出絲絲蒜香，食落都幾醒胃。香糟醉雞 $70醉雞晌滬式冷盤中一向都喺好受歡迎，而依道香糟醉雞亦喺冷盤嘅廚師推介之一。一客醉雞份量不少，酒糟香氣撲鼻，外皮好爽，雞肉頗滑，果然有水準。京蔥醬汁牛肉 $53牛肉喺用上牛展，滷煮後，配上京蔥及醬汁，都算一道簡