影片
更多
2017-03-17
1438 浏览
今日同朋友係西環諗緊食咩好，行過見到呢間北方餃子源，好耐之前係筲箕灣東大街食過，印象中都幾好食，就決定試下西環呢間係咪同筲箕灣果間一樣咁好食。餐牌有好多唔同既水餃、煎餃、飯麵同小食揀。我地就叫左四川擔擔麵，五香牛展飯同蒜蓉白肉。四川擔擔麵既麵底係上海幼麵，麵質彈牙；至於湯底就非常濃味，重辣味而冇咩花生味。由於湯底味道偏鹹，食完會覺得好口渴。個人比較鐘意花生味比較重既擔擔麵湯底，所以覺得一般。五香牛展飯都幾大碗，每片牛展既厚度都好平均，肉質口感鬆軟，筋位有嚼勁，唔會太過軔，而且醃得好入味；另外自家制既醬料亦非常香口，帶點微辣。鮮肉韮菜餃既餃子皮厚薄適中，而且好有嚼勁。入面既豬肉韮菜餡料好足，豬肉同韮菜既比例啱啱好。豬肉既肉質嫩滑，入味得黎唔會太鹹，一咬落去充滿住肉汁；加上啖啖韮菜碎，韮菜味濃又唔會好重青味，果然黎到餃子源最好食既始終都係餃子。最失望既係蒜蓉白肉。蒜蓉白肉既醬料係同五香牛展飯係完全一樣味道既，唯一既分別只係加多一堆蒜蓉落去。腩肉片既份量好多，但係食落又嚡又乾，而且肉片切得好厚，食落又好軔。另外醬汁同蒜蓉既份量就好少，完全唔夠用黎撈腩肉，食到最後只係得返好多完全冇汁既腩肉，完
餐牌有好多唔同既水餃、煎餃、飯麵同小食揀。我地就叫左四川擔擔麵，五香牛展飯同蒜蓉白肉。
四川擔擔麵既麵底係上海幼麵，麵質彈牙；至於湯底就非常濃味，重辣味而冇咩花生味。由於湯底味道偏鹹，食完會覺得好口渴。個人比較鐘意花生味比較重既擔擔麵湯底，所以覺得一般。
五香牛展飯都幾大碗，每片牛展既厚度都好平均，肉質口感鬆軟，筋位有嚼勁，唔會太過軔，而且醃得好入味；另外自家制既醬料亦非常香口，帶點微辣。
鮮肉韮菜餃既餃子皮厚薄適中，而且好有嚼勁。入面既豬肉韮菜餡料好足，豬肉同韮菜既比例啱啱好。豬肉既肉質嫩滑，入味得黎唔會太鹹，一咬落去充滿住肉汁；加上啖啖韮菜碎，韮菜味濃又唔會好重青味，果然黎到餃子源最好食既始終都係餃子。
最失望既係蒜蓉白肉。蒜蓉白肉既醬料係同五香牛展飯係完全一樣味道既，唯一既分別只係加多一堆蒜蓉落去。腩肉片既份量好多，但係食落又嚡又乾，而且肉片切得好厚，食落又好軔。另外醬汁同蒜蓉既份量就好少，完全唔夠用黎撈腩肉，食到最後只係得返好多完全冇汁既腩肉，完全冇味。仲要一碟蒜蓉白肉既價錢仲要同一碗四川擔擔麵相若，一啲都唔抵食，下次真係唔會再叫。總括黎講下次黎到餃子源都係食返餃子最穩陣啦。
张贴
