正宗上海生煎皇 (已結業)

江若琳係臉書上載生煎皇最新推出既墨汁生煎包。我點咗個墨汁生煎包 $25四川擔擔麵 $39凍豆漿            $10總數$74四川擔擔麵好重麻醬味。好多碎花生。入口唔辣。重四川風味。米線好彈牙。混入肉碎好正。江小姐介紹要用筷指指串生煎包。用湯匙乘好包中雞湯。再將生煎包放入口。過程不會射出湯汁。個賣相好正。杯凍豆漿冰凍清新。值得推介。

好想食上海野，屋企樓下只有呢間，開左咁耐其實都未食過呢間。我叫左套餐，A同B各揀一個，送飲品以為份量中規中矩，冇諗過個麵睇落正常份量，原來都幾大碗下，我食唔到一半已經覺得飽，仲有個小食我都未食呀。雞絲粉皮有啲失望呀！平時食開嘅都用花生醬加麻醬，但呢度只用麻醬，加上雞絲太粗太大塊，有啲求其嘅感覺，味道亦麻麻地啦。總括黎講都ok嘅，兩個人食就會好啲，對我黎講，一個人食太飽。之後我都會再黎食嘅！

好日都唔去深水埗嘅我，今日陪男朋友仔去黃金同街舖睇工具，行到腳都攰哂，肚都餓哂，唯有去搵食喇! 誤打誤撞之下，居然俾我地搵到一間野食幾好味嘅餐廳，入去見到好多雜誌訪問過，先知呢間野幾出名下!坐低望下啲餐牌，啲價錢都幾nice下!即刻mark野食，叫完野再望下周圍先知呢度出名生煎包，枱枱都叫，我下次再都要叫一碟黎試下