餃掂手工餃子雲吞專門店

今日放工好想食餃子，特別係煎餃，因為超級香口，所以最想食外面餃子店既手工煎餃。今日中環食了一餐餃子，粟米豬肉餃，每款都可以揀要煎餃還是湯，粟米餃選擇了煎餃，每一隻都超大隻，煎到好香佢有一隻自家辣椒醬，將餃子既香口提升了一個層次。裡面好多粟米，好足料好有口感，而且價錢吾貴，都真係食得過。即叫即煎，每隻個皮都好脆。叫了另一走元貝豬肉餃，配松茸湯。這款比較清淡，個湯完全冇油冇味精，好舒服，飲曬都不會口乾，更突出餃既味道添。元貝本身都有味道，湯餃就好食得出，每隻都好大隻。麵食方面，四川涼麵，配麻醬超級香。仲可以揀辣度，夏天超級適合，配埋青瓜絲及花生，開胃。另一雲吞麵，好鐘意小雲吞，一口食得完，加上叫左小辣，湯麵好正，小雲吞過癮兩個飲品，雪梨水及檸檬薏米水，最近好流行檸檬薏米水，好開胃又去濕既感覺，成支都係$28 比杯貴8蚊，但大隻得黎又可以拎走。

睇番啲記錄，剛好4年前幫襯過「餃掂手工餃子雲吞專門店」太子店，自始之後都未有再光顧過，原來，晌中環都有開分店，真喺無特別去留意都唔知咁近我。雖然是晚老婆上堂無飯開，但從不孤單一個，約咗行山友兼老死發哥簡單食一餐聚一聚，收工行過嚟都唔使10分鐘。比起曾幫襯過嘅太子店，呢間分店都好蚊型，室內座位唔多，目測大概廿個左右，裝修簡約，一邊牆上有啲餃子彩繪，另一邊有始人嘅肺腑之言，長文一篇，唔知有幾多人會睇晒。雖然堂座唔多，但外賣生意就幾火吓，見到餐廳不停哋出外賣。 餐具、紙巾、特色調味料已放晒晌枱上，可惜，唔見有晌太子店擺出嚟嘅酸泡菜，有少少印象，醃得好正吓。 研究吓有咩餃子好食，翻一翻餐牌，頭版有店家嘅介紹，不經不覺，原來已開到有5間店鋪。 仲有，上面提過嘅泡菜「新鮮酸蘿蔔」，堂食唔見有免費供應，但就可以原樽買走，真喺識做生意。另外，仲有啲招牌自家製醬料作零售。 睇店名都知，店家主打嘅都喺餃子，尤其以松茸入饌，餃子嘅款式非常之多，有灼嘅，有煎嘅，亦有唔同份量，增加點菜嘅彈性。除餃子，仲有麵食、涼菜及飲品，圖文並茂，印刷精美。  黃金原味皮蛋 $28皮蛋當然食唔少啦，不過，唔喺「黑掹掹」，而喺一

記得以前常和男友到灣仔的餃掂吃晚餐，一吃就$200多埋單，又想吃煎的又想吃湯的又想吃麵又想吃小食，真的是很誇張。不過灣仔店都不是太方便我，除非是餃子引起便會的起心肝去，我是剛剛才發現原來開了一家分店在中環啦！*龍鳳松茸雙煎餃 $86/6隻最喜歡的還是這龍鳳松茸雙煎餃，是豬肉底，一半是配黑松露，另一半是配白松露。記得一定要點煎的才香口呀！一咬就是juicy，皮也煎得脆脆看不油呀，松露的味道不會太搶，互相配得很好。*野生松茸素餃 $48/7隻素餃也是我很愛的，因為是素的關係所以就沒有狀元湯底。我喜歡素菜配搭一起的爽口感覺，而且餃子皮不會太厚和太乾，建議配菜脯辣椒醬一起吃，真的是會吃不停。*回味手拍青瓜 $25小吃點了回味手拍青瓜，青瓜清涼爽口，蒜蓉味重，而且還有一點點微辣，很過癮。*四川涼麵 $30同行說吃很少的朋友吃著吃著又說不夠飽，她在涼麵和粉皮之間選了涼麵，涼麵也不錯呀，有點脆口的花生碎，跟很香濃麻醬拌著吃，有點台灣涼麵的感覺。*狀元湯 $20後來我太想念那湯所以又點了，就是魚味看湯最合我意。**

餃掂黎到中環，當然又要幫親一下，餃子，麵食都一樣好食。餃子方面今次要食餐勁既，叫了份粟米豬肉餃，湯餃，湯底好好味，清而鮮甜，配豬肉餃好味道，而餃子每隻都足料，陷料足，而皮薄，薄得來，一咬開都是滿滿栗米和鮮肉。 今晚吾想食飯，正好來一碗餃子。元貝豬肉餃，叫了煎餃。煎餃又是另一番風味，外皮脆，而內裡香口，一咬開元貝的咸香味正好與香口的外皮相配合。四川涼麵，配上芝麻醬。有一種清涼的感覺。加上花生粒及青瓜絲，好爽好清涼的感覺。叫了涼麵，當然都要來一個湯麵，湯麵是雲吞湯麵，有12隻小雲吞，一口雲吞，一放入口就可以吞。麵雖浸湯，但仍保持佢既彈牙口感，麵質不錯。小食方面，叫了雲耳及蜜餞雞翼。蜜餞雞翼，充滿絲絲蜜糖甜味，以上都係咸食，叫個甜雞翼可以話好驚喜。雲耳，小雲耳惹味，一方面覺得好辣，越食越開胃。飲品，蜂蜜檸檬薏米水及雪梨水。雖然叫凍，最值得讚既係佢係吾會加凍，咁就可以完全保持飲品的原汁原味。飲品吾會太甜，有清熱既感覺