影片
更多
2016-04-05
2978 浏览
如果我而家先食Iconic H既熱溶芝士hotdog, 會唔會太out? 答案係唔會既！好彩我途經紅磡心血來潮一定要食到，如果唔係就會錯過左呢個甘出水既熱狗。 悉日要排隊排半個鐘先有得食既人氣店，而家終於回覆正常，入到小店可以即刻落單食到即整既熱狗。 第一次黎一定要食呢到最出名既熱溶芝士熱狗！ 落單比左錢，不過店員好好，佢見我唔係好識揀邊款，又知我想食佢地最拿手既熱狗，就叫我再on top加多$10，係熱狗到加埋佢地同樣出名既松露炒蛋，見到佢滿滿既自信同熱誠，我緊係加喇，最緊要好食嘛！ 地獄芝味四重奏 + 黑松露炒蛋 $58哇，一拎上手已經感覺到份量，打開盒仔一睇，我加左$10既炒蛋竟然有甘多，仲要一路搖一路震好滑呀！ 熱溶芝士多到瀉出黎，想食一定要打開盒邊，慢慢推佢出黎咬。係有啲狼狽，但有時食呢啲小食，食到最後要「損」埋手指啲醬，都別有一番風味。 唔似其他鋪頭，第一啖食到既唔係面包，而係啖啖拔絲既芝士。呢個熱溶芝士既拉力真係好強，可以拉到一呎長，而且口感有少少煙韌，味道有少少咸香。 麵包好鬆軟，亦都暖笠笠，最怕熱狗包又凍又乾。鬆軟麵包配
悉日要排隊排半個鐘先有得食既人氣店，而家終於回覆正常，入到小店可以即刻落單食到即整既熱狗。
第一次黎一定要食呢到最出名既熱溶芝士熱狗！
落單比左錢，不過店員好好，佢見我唔係好識揀邊款，又知我想食佢地最拿手既熱狗，就叫我再on top加多$10，係熱狗到加埋佢地同樣出名既松露炒蛋，見到佢滿滿既自信同熱誠，我緊係加喇，最緊要好食嘛！
地獄芝士四重奏
$58
60 浏览
0 赞好
0 留言
地獄芝士四重奏
$58
94 浏览
0 赞好
0 留言
地獄芝士四重奏
$58
75 浏览
0 赞好
0 留言
地獄芝味四重奏 + 黑松露炒蛋 $58
哇，一拎上手已經感覺到份量，打開盒仔一睇，我加左$10既炒蛋竟然有甘多，仲要一路搖一路震好滑呀！ 熱溶芝士多到瀉出黎，想食一定要打開盒邊，慢慢推佢出黎咬。係有啲狼狽，但有時食呢啲小食，食到最後要「損」埋手指啲醬，都別有一番風味。
唔似其他鋪頭，第一啖食到既唔係面包，而係啖啖拔絲既芝士。呢個熱溶芝士既拉力真係好強，可以拉到一呎長，而且口感有少少煙韌，味道有少少咸香。
麵包好鬆軟，亦都暖笠笠，最怕熱狗包又凍又乾。鬆軟麵包配上脆皮多汁芝士熱狗腸加千島醬，再有三大芝士，分別係熱溶芝士（相信係Mozarella)、藍芝士醬及辣芝士。
整個熱狗都好豐富，味道有層次，濕潤但唔會邊食邊滴。個辣芝士好出色，有得揀辣度，我揀左微辣，果種辣味岩岩好，少少刺激得黎又令到成個熱狗無甘膩。
最正既係個松露炒蛋，好濃松露味，而且真係好滑，就算由拎到個包，到食到最後一啖時，中間隔左差唔多20分鐘，但個蛋都依然滑溜，無被餘溫影響口感。
由於店內位置有限，所以規定左要人均消費$50先可以於店內食。我地一行二人，係店鋪對面搵到啲石級可以坐，就好似呢到其他食店員工坐係到休息一樣，其實都唔錯，對住天空同空曠既舊街道，別有一番風味，可以推介比大家。
张贴
