Pizza Piazza

营业中

休息中

這間餐廳位於荔枝角，鄰近著名景點D2 PLACE，主打薄餅及意大利菜，店內環境寬敞舒適，裝修以簡約的木為主，掛上多幅油畫，感覺休閒舒適，適合約會或多人聚會。假日的午市時段同樣設有午餐，分為薄餅及主菜兩個系列，超過二十款選擇。餐湯是日為香蒜忌廉湯，幼滑的忌廉湯加入蒜蓉粒及香草，香氣更有層次。意大利煙肉條配MANCINI超粗意粉 - $78這裡的意粉特別用上意大利MANCINI的扁意粉，煙煙韌韌富彈性，吸附湯汁力強，掛滿酸酸甜甜的蕃茄醬，更有一條條厚切的煙肉條，肥瘦兼備，有著濃厚的鹹鮮味。堅水牛城雞翼 +$28香炸的雞翼略帶脆口，咬開雪白的雞肉嫩滑多汁，淋上惹味香辣的水牛城醬汁，更有少許沙律解膩。自家造意大利芝士蛋糕 +$28淋上滿溢的Mascarpone芝士，質感輕盈幼滑，撒滿的朱古力粉有助中和甜味，而底部的手指餅浸過咖啡酒，帶有咖啡香氣，不會死甜。凍檸檬茶清爽的紅茶配厚切的檸檬，慢慢滲透出清新的果香，糖水更另上。

朋友仔話帶我去工廈食好野，一於疊返心水等朋友拍板。朋友帶我黎到荔枝角的Pizza Piazza，七點幾黎到已經差不多坐滿人，好彩朋友有預約，否則等位都不知道要等幾耐。我叫左終極漢堡配薯條🍟，飲青檸荔枝梳打。朋友叫左西班牙黑毛豬扒，飲意大利仁餅朱古力奶昔，仲叫左堅水牛城雞翼，甜品香蕉拖蛋糕及意大利芝士蛋糕🍰。一落完order，店員就送上香草麵包，沾上意大利醋及橄欖油，味道一流。西班牙黑毛豬扒夠驚喜，食落很juicy，外脆內軟，豬扒上的黑胡椒正正帶出黑毛豬扒的鮮味，把食物昇華到另一層次，極力推薦！終極漢堡配薯條賣相吸引之餘，味道仲不過不失，還可以自由任加袐製醬汁，真係鍾意點食就點食，隨你個人喜好任意配搭。堅水牛城雞翼，正正子，最愛食雞翼的我真心覺得這個堅水牛城雞翼好好味，微辣惹味，熱辣辣，皮脆內軟juicy，食到停唔到口。青檸荔枝梳打Fresh，食咁多熱氣野，飲返杯青檸荔枝梳打，認真解渴，不錯不錯。意大利仁餅朱古力奶昔，濃濃朱古力味及奶香，朋友很喜歡。叫埋甜品香蕉拖蛋糕及意大利芝士蛋糕🍰，晚餐真滿足。

臨時臨急飯聚搵嘢食，Openrice見佢地食評幾好，經0R 定位又有75折， 山長水遠一班食友姑且都來荔枝角的Pizza Piazza試一試。小店格局， 裝修簡潔光猛 ，坐得尚算舒服， 難怪七點半已經坐滿曬客人， 有啲期待佢哋嘅食物添。睇完餐牌‚ 價錢不平， 還是叫套餐抵食。Set dinner ($378/2人份）包1前菜、2 餐湯、 2個主菜及2熱飲。蕃茄湯 ~ 蕃茄湯用新鮮蕃茄攪拌而成， 粗微粒口感， 蕃茄湯精清而不酸， 配脆口餐包 VERY GOOD。 佢地個餐包係外脆內實爭的, 麥香重, 喜歡食鬆軟包的未必LIKE, 個人就很喜歡。前菜： 堅水牛城雞翼我平時食開嘅水牛城車雞翼係用水漾辣醬汁， 今次竟然係乾身嘅水牛車雞翼，  多了個”堅”字變成了乾身水牛城雞翼‚雞翼皮塗上香辣粉炸，雞翼肉雖然有點乾身， 也不至於鞋口， 雞翼入口香辣， 好惹味， 若然雞翼能夠做得 juicy些會好好食。至尊pizza呢間小店睇名Pizza Piazza都知道主打pizza， 咁我哋當然都要叫一個試下啦， Pizza 全部即叫即焗， 上枱熱辣辣香噴噴， 至尊 pizza材料及醬汁比較簡單， 材料主打

荔枝角都有唔少食肆、茶餐廳，有平有貴。今次呢間價錢偏貴，但我自己就覺得係幾高質之作。雖然夜晚7點幾入去個陣無咩人，間店又幾暗，一度以為佢無開鋪haha。當晚我地怕太飽所以散叫食物，店家都有附送餐包，微溫且外層頗脆。「堅水牛城雞翼」雞翼惹味香辣，辣到我瘋狂飲水。雞翼鮮嫩入味，愈食愈上癮。怕辣嘅朋友仔可以點白色沙律醬，有助減輕辣度。「雙層芝士煙肉牛肉薄餅」Pizza嘅餡料食落好似老麥漢堡包口味，原來變成Pizza都幾夾噃。批底偏薄但依然做到外脆內軟，醬料酸甜過癮，肉碎粒嘅牛味亦好濃郁。

昔日同事鐘意食意國菜，當然要搵地頭fd介紹下，佢聲稱呢間餐廳性比價高又吾洗同人迫。我見幾近舊公司，又離荔枝角港鐵站吾遠，於是決定黎食。呢度裝潢簡約，光線柔和，好岩傾密計。餐包似入意式 pane，吾係茶記軟身果種，係外脆內軟。個包熱辣辣，落少少橄欖油同黑醋，好正，開胃哂。南瓜忌廉湯飲得出係南瓜做主角，忌廉只係增加幼滑度，所以飲完吾會好滯。湯入面仲有幾粒麵包粒增加口感。Pizza我地揀左Prosciutto di Parma (巴馬風乾火腿)舖滿風乾火腿、水牛芝士同火箭菜既pizza真係好吸引。個餅底好正宗，薄薄微脆的。烤燒豬肋骨份量驚人。燒到表面呈焦糖色，薯條炸到熱辣辣，好吸引。啖啖肉，吾鞋吾un，女仔都岩食。雞翼有成6隻咁多，隻隻都好肥。雖然幾辣，應有譚仔中辣，但有d雞肉汁同芝士汁中和下，食落無咁辣。呢度野食環境都很不錯，而且無限時，食飽可以吹陣水，地頭fd真係無介紹錯!