埠 (已結業)

見到這家埠有很多好評所以就去試下。但是原來大部份好評也是午餐，所以就出事了。晚餐基本沒有定食，看到這家店的燒烤出名就奔著燒烤而來。試了他們的多春魚($28)、墨魚腸($46)、花魚($64)、牛舌($78)、蔥蒜牛肉(98)、螢光尤魚($58)、帶子雞翼($112)、關東煮等($158)只能說性價比太低了。28的多春魚只有一條魚苗一樣小的小魚、墨魚腸只有三粒，三粒加埋比一條芝士腸還要細。牛舌味道還可以不過78只有外面日本餐館3份2的大小實在沒有什麼口感。帶子雞翼基本只吃到雞翼，個關東煮158但是質量只比丸龜(即譚仔個大股東)好些但是收費158........吃完後有種濃濃的劏客感，而且上菜極慢，我的墨魚腸和多春魚吃完了差不多20分鐘還未上下一個，我同侍應該如果未上可全部取消就即刻同我講2分鐘可以上齊.....本來客人枱面上個爐係用來KEEP住燒烤個温度，但係我摸下只能用至温來形容......此店不會回頭劏客太狠了。

有人話想去太安樓掃下街，我就話想去soho east，咁一人一餐，fine🙌🏻Soho East最後揀左呢間響正西灣河碼頭嘅居酒屋——埠。呢餐係真正貼住海岸線嘅餐廳，仲有露台位，可以見到渡輪靠岸上落客。比起同朋友談心，我更鍾意響度望住個海靜靜地食野。餐牌入面嘅價錢全部都唔算好貴， 每一樣嘢都想試下，串燒上枱嘅時候有熱石爐保溫， 唔會熱到食物乾曬但係又唔會凍左，食物質素得到保持。串燒首推係白鱔，味鮮肉夠實淨，再來係墨魚腸，食出墨魚肉好鮮味兼冇味精嘅味。另外再推就係牛舌，佢有一定厚度，咬落去好多汁好鮮味，牛肉味非常之濃烈。另外一個推薦嘅小食係芝士年糕， 呢個應該係我喺香港食過最有水準嘅芝士年糕，表面係香脆，個心充滿芝士而且好柔軟。另外一個值得推薦嘅配酒前菜就係酒盜芝士， 酒盜其實係用唔同魚嘅肝臟，醃漬完之後出嚟嘅一個醬，配埋佢嘅芝士味道有啲鹹，但係飲一啖啤酒就剛剛好。本身酒盜嘅意思就係食咗呢樣嘢會令你飲多咗好多酒，所以呢個小食絕對無改錯名。👍🏻

東蘇豪有很多很有情調的餐廳，而我最喜歡的是主打日式串燒的埠。於西灣河碼頭的埠，坐擁無敵海景，環境一流。餐廳座位不多，但座位非常闊落。仲有一列室外Bar枱，對住180度嘅無敵海景嘆高質串燒，一定別有一番滋味！Sapporo  Draft  Beer $58一路欣賞美景，一路嘆冰凍啤酒，人生一大享受。熱石能保持食物的溫度，但又不會把食材過度烹煮，而熱石的熱力又不會令食客感到悶熱，發明嘅人真係好有智慧！墨魚腸 $25/串很有驚喜的一串！賣相雖然麻麻，但味道卻一流！墨汁甜中帶一點咸，墨魚腸爽口彈牙，惹味非常！京都絹豆腐 $34/串醬汁香濃，豆腐也能燒至外脆內軟！不過有啲位燒過火咗少少，要扣少少分。御飯盛 $32/set有來自日本的珍珠米，軟硬適中帶微甜。麵豉湯又香又濃郁。味噌蒜頭漬又香又甜又爽口，一啲都唔嗆喉，正！日本豚五花 $34/串肥瘦相間的豚肉入口油香滿瀉，肥而不膩，好食到冇朋友。雞翼 $38/串雞皮燒至香脆，雞肉仍保持滑嫩。豚大腸 $28/串醬汁濃郁，大腸燒得香口，超級惹味。牛舌 $48/串厚身的牛舌調味適中，內裡保留了大量的肉汁，輕輕一咬，牛舌獨有的味道湧出，真心推介！大葱豚面頰 $

今晚去開觀塘同朋友行工廈~行完諗緊有咩地方醫肚果陣朋友介紹有個地方岩晒好食, 岩我男友, 同埋抵食三原則~佢就帶左我去搭船去西灣河食平時都好少行到去碼頭果邊一落船就見到~果然好就我地腳由於我地都算早到, 有近海邊既四人位坐, 望夜晚既海境食~先叫一碟松露枝豆食住等其它燒烤就最岩喇~松露味香,食落豆味又會出番黎唔會得是但一隻味, 唔錯~之後就開始正餐燒肉喇~呢度既爐主要係比你KEEP住熱既, 底係熱石, 師傅燒完連爐拎上黎, 唔洗自己燒~調味方便師傅都好講究, 因為我地落單一次過落左雞豬牛乜都有, 侍應上菜果陣同我地解釋話會上一D肉味冇咁濃既雞肉先~如果有人叫酒叫得多既佢地都會相應咁調得濃味少少燒雞翼用香脆嫩滑四字形容非常貼切, 鹽燒燒得好正~中間果串係燒豆腐~ 出面比較少見豆味香, 汁燒得好好食, 唔怪得之同肉差唔多價串雞係雞腿肉串~除左少少汁燒令佢非常香口夠味之餘, 上面果一小塊雞皮簡單係每粒雞既靈魂有油香, 燒得微焦又脆, 而且雞皮既皮下脂肪比佢地處理過絕對冇一般雞皮咁油咁邪惡完全係抵食encore首選呀有串燒, 男人就肯定叫支啤啦揀左手工啤 尾瀨之雪~佢話麥味好香唔苦, 唔平得黎