山東小城 (埃華街)

营业中

休息中

呢間山東菜位於太子西洋菜南街，環境簡潔舒適，菜單獨特豐富。炸豬扒擔擔麵：豬扒外脆內嫩，搭配香濃的擔擔醬，令人一試成主顧。墨魚荸薺餃：餃子皮薄透，餡料鮮美，增添了海鮮鮮甜口感。京蒽羊肉餡餅：以金黃酥脆外皮包裹住多汁羊肉餡，非常美味。豆沙窩餅：外層香酥，內餡甜而不膩，完美作為飯後甜點。自家製豆漿：口感滑順，微甜味濃。龍眼冬瓜茶： 清甜可口，既消暑又能解膩，是夏季的理想飲品。第一次食山東菜體驗很好，價錢亦非常相宜，是值得推介的店舖

我哋好鐘意搵小店食，上次喺大角咀呢邊搵食就留意到呢間餐廳 嘅招牌，黃底紅字非常搶眼，所以我哋今日就沖咗去大角咀食佢🤪墨魚荸薺餃 $58呢款餃係全港首創，黑蚊蚊嘅外表，睇落真係好有特色🤣 食落墨魚滑好爽口，再加埋馬蹄，嘩，食到索索聲，爽度滿分黑糖黑醋排骨擔擔麵 $54擔擔麵嘅湯底好濃郁，見到有花生碎，食落果然係花生味極濃，麵質偏硬身少少，而且麵條幾掛湯，好惹味，個排骨就正正常常，偏甜啲啲京蔥羊肉餡餅 $30即叫即製，雖然製作需時20分鐘，但係呢個等待係絕對值得嘅，食落去超爆汁，羊肉味夠哂重，外皮又煎到脆脆地，好有風味！炸豬扒 $50份量麵算幾多，炸到好酥脆，調味唔會好咸，肉質正常發揮，唔會好粗糙😙

店面細細嘅街坊小店，估唔到食物種類特別之餘，質素亦稍有驚喜，尤其係佢地嘅墨魚荸薺餃😋餃子皮薄而且裡面嘅餡料足料結實，墨魚味鮮濃，加埋爽口嘅荸薺 (馬蹄) 真係絕配👍🏻 再點埋佢地自家製嘅蒜蓉醬，味道又有另一層次，好滋味，推介😋另一樣令我留下深刻印象嘅係麻辣魚皮，魚皮非常爽脆❣️其麻辣味道嘅後勁，同佢地自家製嘅麻辣菜甫一樣，相當凌厲而且維持好耐😆麻辣嗜好者必試🤭涼拌白菜心嘅醋汁調較得恰到好處，係一碟開胃而且富有纖維嘅前菜☺️見餐牌上有其他食肆比較少有嘅砂鍋酸菜汆白肉，所以叫來試試。足料之餘白肉都幾腍，附上嘅薯粉索晒湯汁嘅味道😋 食完暖晒😆店員服務有禮親切，而且好多熟客，感覺係一間著重質素而且重人情味嘅小店，值得支持☺️

每次嚟大角咀都會食呢間小店因為好鍾意佢嘅餃子❤️今次嚟到就試埋佢其他嘅菜式都好有東北風味好高質😛 特別餡餅好有特色其他地方食唔到😋餃子一如既往地高質每樣都好推薦🏮⭐️ 鮮肉白菜餃 🥬⭐️ 墨魚荸薺餃 🦑兩款餃子嘅皮好薄份量都好飽滿比例岩岩好👍🏼鮮肉白菜餃有傳統溫暖家庭嘅味道🏠墨魚餃充滿鮮味口感好豐富🐙⭐️ 炸豬扒雙拼手撕雞菜飯 🥩豬扒大大份好香口好酥脆🍖呢度嘅手撕雞帶獨特嘅香料味道入口好高質🍗⭐️ 山東大拉皮 🫓粉皮配上麻醬入口好滑溜😛加上青瓜紅蘿蔔同洋蔥絲配搭好清爽🥕⭐️ 醉雞 🐔雞肉唔太肥保持了嫩度🤗 酒味香濃融入到雞肉裡面🥂⭐️ 鮮肉韭菜餡餅 🥙呢個真係必食即叫即整熱辣辣🔥一打開滿滿嘅肉汁爆出來🤤 配上韭菜整體口味唔會太重但係火候好正⭐️ 豆沙餡餅 🫘煙煙韌韌甜味適中🍨 作為飯後甜品非常不錯🩷⭐️ 豆漿 🍼⭐️ 桂圓紅棗茶 🌹兩杯嘢飲可以中和返食物既澱粉質🤣 桂圓茶充滿清甜感覺秋冬好滋潤🍂

🙋🏻‍♂️餓底探員今日去咗大角咀調查呢間餃子店，一嚐佢嘅全港首創墨魚荸薺餃，除咗湯餃同煎餃，佢仲有多款湯麵同菜飯供應🥟墨魚荸薺餃 $43📸表示個墨魚餃烏卒卒咁好特別，一碗有7隻，放咗喺個鯊魚骨濃雞湯入面，個湯供應有限，送完即止🙋🏻‍♂️表示個墨魚餃外皮加咗墨魚汁，入面包住墨魚膠，豬肉同馬蹄粒，咬落去充滿墨魚汁鮮味，口感彈牙，加上爽脆嘅馬蹄粒，食落層次感豐富🐓手撕雞 $50📸表示個手撕雞份量多，全部去晒皮，好貼心，配上麻辣醬汁🙋🏻‍♂️表示個手撕雞食落啖啖肉，點埋個麻辣醬汁食落好惹味，如果啲雞肉可以撕得幼細啲就更加好🍜豬扒擔擔麵 $54📸表示個擔擔麵一上枱就香味撲鼻，面頭灑上花生粒同蔥花，配上厚厚嘅炸豬扒，睇見好吸引🙋🏻‍♂️表示個擔擔麵口感爽彈，湯底嘅花生醬味非常濃厚，每啖都好似食梗花生醬咁，豬扒炸得香口，食落好鬆軟，充滿肉汁，呢個豬扒擔擔麵真心推介👍🏻🍛紅燒牛肋肉菜飯 $50📸表示個菜飯啲菜嘅比例都多，牛肋肉份量好多，用個碗分開放，避免個汁淋晒上個菜飯度，方便食客自己落個汁🙋🏻‍♂️表示個飯吸收咗菜嘅味道食落清甜，牛肋肉口感軟腍，牛味香濃，加啲汁落個菜飯一齊食更加惹味📈吃貨指數😋好味度 8/1

餐廳人氣高，環境雖小，大約25個座位，但等位唔算好耐。當日晚市8點左右到，已經滿座。墨魚荸薺餃($58)，為左佢而黎。黑皮餃隻隻飽滿大粒，燙熟後上碟。入面既馬蹄脆身增加口感，d湯汁流出黎。加入醋食調味。豬扒擔擔麵($54)，超香花生味，超好飲，勁濃，湯底仲有dd花生碎粒。豬扒入味焦香，有2塊中型size。最出色係個湯。雞撕粉皮($50)，又係花生醬，尼個‘傑’身d，但唔膩。雞絲嫩夠凍，粉皮彈下彈下，鍾意食花生醬既唔好錯過。整體，食物出菜快手，侍應有禮，小店有心機烹調。見到廚房d職員人手包餃子添。

做左一輪嘅功課，發現十個有八個都會推介呢間餃子店，首推係少見嘅墨魚餃，熱愛餃子嘅我，當然已經心心眼!!🙊墨魚荸薺餃 $55十隻餃子上枱果陣已經聞到墨魚腥味，老實講，氣味唔討好😂，好彩食落無腥味。茡薺原來係馬蹄，所以有爽口感，亦食得到墨魚粒；餃皮係滑口感，而唔係彈牙感，我個人比較中意後者😅，加上熱度唔夠，內餡只係溫暖狀態，確實令我有點失望😐。京蔥羊肉煎餃 $34五隻呢個煎餃熱度比墨魚餃高，食得出係新鮮煎出黎。友人一咬就噴汁😯，表示驚訝，無諗過肉汁如此澎湃；內餡有羊羶味，濃度我可以接受；最中意佢真係煎出黎，而唔係炸，因為坊間好多煎餃其實係炸餃。蔥油餅 $28由於我地4個已經食過正餐，但又唔好意思只點2款野，唯有點埋呢個餅。蔥餅煎到兩面脆，味道同超市買果D分別唔大。

【必試驚喜羊肉餃💛】大角咀多嘢食應該個個都知，呢一間小店有好多款唔同味嘅餃子🥟第一次見黑色嘅餃子，就決定試試佢😚個羊肉餃子完全係驚喜🤣仲要係黃店💛.🍴墨魚荸薺餃(💰: $55）外表黑色墨魚皮已經夠特色🕶餡入邊有有馬蹄、墨魚🦑又勁多汁，食落去好爽，又有口感👍.🍴京蔥羊肉餃(💰: $50）羊肉味重🐑雖然食落去有啲羶味，但個餡好足料，連平時唔點食羊肉餃嘅我都推介呢個🤩‼️.🍴豬扒擔擔麵(💰: $50）雖然湯底睇落去好稀，但食落都幾夠味！豬扒好大塊，係煎炸㗎😬 咬落去都唔韌-🔖仲有好多款唔同餃子，又有午市套餐，夠曬抵食🈹.💡小編去嗰陣喺平日晏晝4點幾5點，所以好多位🕔-💎推介指數: 💎💎💎💎💎💡性價比:✨✨✨✨✨（JENG DIE🤩)🍴ENCORE指數: 💛💛💛💛💛 (好想試埋其他款😍)-

💛山東小城·墨魚荸薺餃$55 l 鮮肉白菜餃$48 (10隻)鮮肉西洋菜煎餃$28 (5隻)呢間我哋第一次黎既時候佢個墨魚荸薺餃已經賣曬 係第二次再黎先終於食到😍😍佢個墨魚皮真係超濃墨魚味 食落超有驚喜🦑不過佢呢個個餡入面既馬蹄就無其他菜食落咁juicy 我自己鍾意白菜同西洋菜餡多啲 因為佢地食落多肉汁好多🥟🤤🤤之後佢既煎餃我自己就無咁鍾意啦 因為佢個皮煎完有啲韌同埋偏油少少 都係水餃好味🤭·鮮肉韭菜餡餅$25 l 京蔥羊肉餡餅 $28之後呢個我地兩次食都好好味🤤佢入面係多湯到不得了 差唔到有一半都係湯 超級juicy😎之後佢兩個餡都調得好出色 鮮肉個個韭菜味好濃 羊肉個個都唔會太騷😌😌·老醋海蜇頭$50我地另外仲嗌左呢個小食 佢係超大碟 海蜇頭份量都好多 而且佢個醬汁調得超惹味 配埋啲蔥絲同青瓜食落超惹味😎😎📍大角咀埃華街101號大衛樓地下A1號舖

今日想食啲清淡美食，唸起之前好多報導介紹過大角咀美食之一黑色嘅墨魚餃又未食過，一於今日去試吓先。我哋當日下午3點幾入舖頭，唔需要等位，座位多坐得舒服，有種溫情小店感覺。我哋叫咗一碗墨魚荸薺餃麵同酸辣墨魚荸薺餃麵。墨魚荸薺餃，係用新鮮墨魚汁去打成，再將墨魚混入馬蹄新鮮打成餡料，食落口感爽口又有層次。酸辣湯麵，酸味適中都幾醒胃，但相對無清湯味道咁好（純個人喜好）📍大角咀埃華街101號大衛樓地下A1號舖

-{黃店💛全港首創墨魚餃子}大角咀嘅黃色地圖真係好多選擇🙆‍♀️今次唔想食飯麵就試左餃喇😙見Kiki and May介紹就po埋佢😍🤤墨魚荸薺餃🤤 ($55)一共有10隻！第一次食墨魚餡餃 墨魚滑加馬碲口感好豐富😍仲有少少汁添☺️有d芫荽味 覺得唔加醋會好味d 醋味少淡 唔太夾墨魚滑👀👖褲評: 8.6/10尚算不錯！餐廳有列埋餃子嘅功效😜但食完都唔太飽 好似食麵會抵食d 不過食左招牌菜先！下次再試🥳性價比: 8.6/10服務: 7.4/10環境: 7.6/10🔔小tips: 不設5粒5粒雙拼架！🚩山東小城🚩地址: 大角咀埃華街101號大衛樓地下A1號舖 #fuudjai #fuudjai黃店 #fuudjai中菜 #fuudjai大角咀

機緣巧合之下， 發現香港10大餃子店中， 「山東小城」（舊名：「山東小館」）榜上有名， 咁岩去開附近食飯， 就打算買個生餃子返屋企聽朝整黎食！😂 雖然發現原來轉左新接手嘅老闆， 不過聽聞承傳舊老闆娘十足嘅手藝， 就試下啦！😜 最出名就係墨魚荸薺餃（$50/12隻），梗係要試下啦！😏 每塊餃子皮厚薄適中和一致， 用墨魚汁手造嘅黑色餃子皮，帶海鮮鹹香， 餃餡裏還有粒粒鮮墨魚粒，嚼勁十足， 加上馬蹄粒，食落爽脆，好有口感！ 還有少許豬肉和芫荽，鮮美無比，值得一試！👍🏾 值得一讚的是， 老闆娘熱心得很， 擔心我買生餃子回家，墨魚皮會容易有腥味， 所以千叮萬囑要即刻放入雪櫃以確保新鮮和原汁原味， 仲驚佢地黐埋一舊俾多啲麵粉我tim， 果然係充滿人情味嘅小店！ 下次一定要再嚟幫襯！☺️

哩個小山東賣既係傳統山東菜式 亦有老闆既創作墨魚餃食物唔錯 價錢亦相宜 我好喜歡.先講酸辣湯酸辣平衡得好 材料多 唔會水汪汪30蚊有咁大碗 分3個人每人有接近兩碗呀!豬扒擔擔麵豬扒 - 好食 好香 肉質好鬆軟湯麵 - 啲麵既軟硬程度岩岩好 有咬口 幾好食 至於湯底個人覺得個花生味可以再濃啲 相信成個湯底會更香芹菜餃 + 西洋菜餃兩款餃既涵都好足料 餃子皮唔會太厚 食落好煙un 食餃子果時點埋醋同豆瓣醬一流!最後係墨魚荸薺餃 係哩間舖頭大推既口味 佢聲稱係全港首創 所以決定試下. 真係有驚喜呀! 係好鮮好香既墨魚味 個涵配埋馬碲口感好豐富!今晚淨係試到咁多 下次黎試埋個京葱羊肉餃先!