AnyMomentCafé

营业中

休息中

放工想輕鬆下，同朋友去咗間board game cafe ，餐廳環境整潔，啲game堆滿左兩個櫃勁多款色選擇。餐廳老闆好友善，幽默健談，忙送餐整野食同時，仲會抽空推介同教我地玩game，嗰日同fd學識左玩好多款桌遊🙈-拿破倫肉醬煙鴨胸螺絲粉 $138除咗board game齊全，餐廳食物都好高質，拿破倫肉醬配螺絲粉好香口同入味，甜甜酸酸食落開胃野味，至於煙鴨胸肉質嫩口，味道微甜有啲蜜糖味，螺絲粉仲加左好多菇片。-卡邦尼煙三文魚意粉 $139煙三文魚又多又大片，卡邦尼意粉好creamy，味道唔算濃，食落醬汁似係有薯仔蓉煮，同樣意粉都加左好多杏鮑菇片，令到口感更豐富。-芒果沙冰 +$12老闆推薦~沙冰係新鮮芒果打成，飲落芒果味好濃，口感順滑香甜。-士多啤梨奶昔 +$18奶昔香滑，味道微甜，顏色粉紅好打卡。-🌟我去嗰日見餐廳係滿座嫁，所以記得要”電話預約”!!!

要知道係旺角區做小店真係唔容易係樓上舖開cafe嘅仲有幾多？今次嚟到AnymomentCafe 重拾當年樂趣享受食物之餘 同朋友度過開心嘅晚上😌食物方面 老闆推薦芝士薯條🍟一層濃厚嘅芝士醬 掩蓋左薯條嘅油膩令人食完一條又一條 食唔停口😋主食方面 卡邦尼碎煙三文魚意粉雖然菜式簡單 但勝在味道啱啱好唔太淡唔太濃 適合想食西餐但又要健康嘅你另一個係韓式牛肋條意粉牛肉醬汁配上啖啖肉嘅牛肋條 一試難忘🥰但講到最正嘅就係 老闆親自調製嘅草莓醬配上任何嘅飲品都係飲得出新鮮士多啤梨嘅味道🍓🍓

係旺角揾嗰坐得耐傾偈嘅地方真係好難😂 今日發現新大佬咁😍 呢到可以坐好耐，俾你慢慢傾，慢慢玩唔同遊戲😆 真係好舒服🤩不過地方真係有啲難揾，原來恆威商業中心係要行條行仔入去😅 我都係問樓下地舖啲人先識路🥹 所以認住我影呢張相😂揾路都易啲🫰🏻3個人叫咗兩個晚餐☺️一個芝士薯條🍟同瑞士汁雞翼😋 飽到🤣 韓式牛肋條 - 牛肋條煮得好淋，嗰汁調教得好好，呢個係必叫😍 卡邦尼碎煙肉三文魚 - 好多煙三文魚😽，都好好食😆 芝士薯條 - 佢啲芝士醬好食之餘，最重要係放咗半個鐘之後先食都仲係脆，始終就算飽咗，傾偈都會想揾啲嘢咬下😂 呢個真係就流🥰瑞士汁雞翼 - 家的感覺，又係傾偈食之食嘅最佳選擇😁單叫飲品相對係貴嘅，因為佢預咗你坐好耐😂 不過嗌啲特別啲嘅跟餐都係加$12-18左右，都算抵‼️單叫就50幾蚊一杯左右😋 士多啤梨🍓系列嘅嘢係老闆推介🫰🏻 絕對唔係藥水味😆 可以一試🤓 但我建議你坐得耐就唔好嗌沙冰😂 因為啲冰融左飲法都唔同咗😂由於佢所有嘢都係即叫即整，所以所有嘢都會好熱😌 但當然花嘅時間都會耐啲🧐食飽飽仲可以玩boardgame🤓 一邊傾偈一邊玩hea幾個鐘都無難道😁 夏天熱辣辣，又搵到新景點🫶🏻

去完旅行約fd見面俾手信 約係呢間cafe舖～雖然拎住手機睇住地圖 但都兜咗幾圈搵咗好耐。😅原來係由巷仔入去 都幾隱蔽下。一出lift就可以見到餐廳 都幾有復古嘅feel～>~< 地中海香蒜雞柳意粉🍝 HKD 112朋友order咗呢個 雞柳同 意粉分開炒 雞柳超級嫩滑 意粉加埋香蒜一齊食好正～ >~< 咖喱安格司牛柳粒 HKD 112認真 呢個咖喱意粉真係超正。 齋食都覺得好好味😋 牛柳粒亦唔錯 大概七成熟咁 食落啱啱好。>~< 雜錦拼盤 (咖喱角 雞翼 春卷 四人份)咖喱角同春卷好味 香脆。 雞翼有少少酸 但亦唔錯～>~< 香蕉奶昔 🍌 + HKD 18濃郁嘅香蕉味 但唔會太甜 Encore!!!>~< 士多啤梨🍓奶昔 + HKD 18比香蕉奶昔甜少少 但味道亦唔錯。相片睇落好似冇乜分別😆同fd玩呢個狗仔 真係嚇死了～ 🤣但好歡樂哈哈哈 原來正確玩法係抽牌 牌有顯示要拎幾多骨頭🦴。 店主係個好Nice嘅人 一齊係度吹水都幾開心。 原來間舖開咗12年了～

其實本身唔係諗住來這間Cafe嘅，唔打唔撞呢就嚟咗一架，佢個環境都幾舒服，平日呢就比較少人，我覺得呢就老闆好好人，好細心，好照顧客人嘅需要，佢會主動問我差吾差電，事實上我電話真係冇電，而且食物亦都係好有heart嘅，而且睇到佢這間有宗教背景嘅餐廳啦，咁我覺得都好值得支持嘅。咁多晚呢就叫咗三個set，雖然呢佢嘅選擇唔係特別多，但食落呢系真係唔錯架。如果怕唔夠食嘅話呢，其實可以加9蚊加大個份量佢，而一點樣係非常之體貼。卡邦利煙肉三文魚$89本身我都唔知好唔好食架，都係隨便點，之後見到呢都覺得唔錯，意粉呢個汁好好味，好足料，值得一試嘅。地中海香蒜雞柳$88咁呢個呢系我朋友，咁佢話呢個好特別啊好好食，咁我食又覺得嘅香口，真心係唔錯。煙鴨胸意粉一個都唔錯幾開胃，好香嘅蕃茄味啦。士多啤梨奶昔我覺得真係好好飲，我有叫老闆呢幫我少甜，佢都啊可以，佢係我一個新鮮嘅草莓，所以呢就可能有少少酸，個人喜歡少甜所以正。整體感覺，非常之好嘅，因為老闆實在好體貼啦，好照顧到客人嘅需要，食物質素亦都ok，用心烹調，所以行開旺角嘅朋友都可以上去傾計，食嘢都好舒服架。