太郎居酒屋

营业中

休息中

星期五收工搵食，第一次試日式居酒屋。位置尚算就腳，尖沙咀站A1出口行5分鐘，大約19:10去到未見多人。由於有訂位，好快可以安排入座唔駛等。出面有5張兩人枱，2張2張拍埋較近牆邊。另外1張獨立擺，空間感較大。入面仲有4人枱同包廂大房。雖然鋪頭細細，但座位唔算好逼。環境裝修都幾靚，寧靜舒服適合傾吓計。點咗個「特盛二人前」$688另+10%份量好夠，味道亦好好😋兩個人都食到飽好滿足😌環境食物質素都好滿意👍🏻👍🏻👍🏻埋單用咗openrice pay, master滿$400有$50節扣優惠。再即時扣埋cash dollar真係好抵😆刺身3點（各2切）三文魚：一般，如改做三文魚腩仲好😌帆立貝：鮮甜得嚟有口感，冇雪味，好食👍🏻油甘魚：略帶魚油香，入口油脂少少溶化。麻醬豆腐櫻花蝦沙律：豆腐滑得嚟夠挺身，唔會一夾就散開。加埋櫻花蝦調味少少鹹啱啱好。串燒5貫白鱔：肉切得夠厚身又肥，燒得香脆好食👍🏻牛柳粒+松阪豬：肉味香濃，夠淋唔韌👍🏻大蔥雞肉串+雞肝：燒得啱啱好唔會太乾身。大蔥惹味，雞肝夠甘香👍🏻清酒煮蜆：上枱已經聞到濃濃清酒香味，蜆算多又嫩。差d想連個清酒湯底都飲埋😛👍🏻黑松露唐揚炸雞：外脆內軟，咬

今日同朋友收工過嚟尖沙咀廣東道呢間特色樓上居酒屋食晚飯，裝修充滿日式風味，店員安排咗我哋坐入邊，雖然舖頭細細，但座位之間有屏風隔住，保持私隱～ 餐牌選擇都幾豐富，除咗基本嘅刺身，壽司，炸物，一品料理之外，仲有多款鍋物同串燒等等⋯壽喜燒鍋 火鍋嘅份量都幾多，材料豐富蔬菜，香菇，豆腐，蒟蒻等等⋯ 仲可以額外加烏冬～ 蔬菜新鮮爽脆，豆腐嫩滑～吸收左壽喜燒湯底嘅醬汁好香濃牛肉有五片，顏色鮮嫩，油花分布平均，切到非常薄，入口牛味香濃，最正嘅食法係吸收左壽喜燒湯底嘅醬汁，之後再沾蛋汁，蛋味同牛味十分配合～ 鰻魚炒飯 上碟熱辣辣，米飯炒到粒粒分明又軟熟，醬汁均勻包住每一粒飯，鰻魚肉，雞蛋，蔥花嘅份量都好平均，食落好香甜～芒果吉列炸蝦卷 裏面嘅吉列炸蝦，炸得幾香脆，粉漿厚度適中，配上芒果感覺幾清新～蒜蓉牛油燒蠔 $58/兩件生蠔好大隻好肥美，肉汁Juicy，加咗蒜蓉辣椒好香好惹味～

朋友話約尖沙嘴食飯，最近又落雨，所以就去咗佢office附近嘅居酒屋食飯。居酒屋必備嘅串燒有超多種可以揀，不過因為淋完雨好凍又肚餓，所以主要都係嗌返啲澱粉質暖下胃。./壽喜燒鍋/果然配烏冬食即刻暖笠笠！配料有牛肉、菇、金菇、豆腐、菜、蛋同烏冬，壽喜燒嘅必要材料都齊晒。個湯比較甜，但配烏冬/其他配料食都中和到個甜味。成個鍋有好多牛肉！一路食到最後都仲有幾塊牛肉，所以啖啖肉咁食都無問題，好滿足！./海膽炒飯/食完個壽喜燒同少少串燒，另外再嗌咗個海膽炒飯。炒飯炒得夠熱，又係暖胃之選。整體啲飯炒到粒粒分明，調味好夠，但海膽味相對比較淡。鋪係飯上面舊海膽唔錯，勁貪心用咗少少撈飯就一啖食晒😆大滿足。以尖沙嘴黎講價錢合理，最重要係環境唔會好嘈，好啱傾計。約尖沙嘴食居酒屋都可以一試。

今晚和朋友吃晚飯。這家餐廳位於尖沙咀海港城附近，位置便利。翻開餐牌，有串燒、刺身、壽司、卷物和鍋物等。⭐️壽喜燒鍋$168點了一個壽喜燒鍋，裡面有菜、芋絲、香菇、金針菇、豆腐和牛肉等，還有一粒雞蛋。牛肉沾上蛋漿入口更美味，加上菜和豆腐等，很豐富呢！⭐️芝士年糕$48芝士年糕炸得外脆內熱，咬一口，外面微脆的，裏面有濃濃的芝士，口感QQ軟軟，很美味。⭐️孜然豬大腸$23豬大腸加上孜然粉，很香，入口煙韌。

一入黎已經俾佢裝修吸引左！好日本風😍六人枱有埋塔塔米，好有特色型格風。同朋友叫左啲串燒同熟食，尖沙咀日本菜黎講覺得都幾抵食🏮壽喜燒鍋🍲$168 烏冬$28 一黎到已經覺得好正🤩出面涼涼地食番個鍋即時暖笠笠，牛肉都幾多，好嫩，色水好靚夠新鮮。個鍋用gas爐烘住，入面有齊冬菇、豆腐、娃娃菜，食完就可以加烏冬落去。烏冬非常滑，有口感，建議加配🙌🏻🏮唐揚魷魚咀🦑$48外皮炸到脆卜卜，魷魚夠彈有嚼勁，佐酒必叫小食🍺🏮蜜糖芝士油揚🧀 $26芝士味都幾濃，油揚燒得好香，唔會太油🏮蜜糖雞翼 🐥$18蜜糖唔算搽得好滿，雞翼都燒得好香脆有膿邊，$18有兩隻我覺得幾抵食🏮安格斯牛小排粒🐮$48牛小排厚厚地，咬落去都好嫩有口感，油脂分布平均🏮梅花豬肉串 🍖$18味道好特別，有一陣獨特嘅味道，甜甜咸咸🏮香辣松阪豬🐷$18松阪豬油脂較多，所以肉嘅比例好正，好似食緊燒肉咁，又軟又滑，夠辣