夏麵館 (新都城中心二期)

营业中

休息中

一直都沒光顧過夏麵館，終於等到它進駐新都城！這晚帶著公公婆婆外出晚飯，食上海菜是個不錯的選擇，可以到夏麵館一試了。餐牌設計的分類清晰，點餐方便，也可透過QR code點餐啊～～夏味燻蛋，蛋黃呈溏心狀態，半熟狀的蛋黃柔軟又香濃，蛋白燻得好香好入味！上海醬鴨，色澤亮麗，醬汁香濃，單吃會稍微鹹一點，配飯吃會比較好。鴨肉帶點羶香，肉質紮實得來又不會太韌。嫩雞煨麵，湯底香滑，麵質爽滑，菜與雞肉的份量適中。翡翠獅子頭，以肥瘦豬肉打成肉丸，再以醬汁炆煮。獅子頭入口軟稔，肉汁豐沛，有肉香，同樣是醬汁略略鹹一點。炸饅頭，即炸饅頭熱焫焫，夠脆又不油膩，蘸煉奶吃是絕配！！蟹粉小籠包，皮薄，肉餡飽滿之餘又充滿湯汁，入口帶淡淡蟹粉香氣。貓山王榴槤高力，將本來高力豆沙的豆沙餡轉為貓山王榴槤肉，外層的蛋白炸得夠鬆化，榴槤肉不少，惟榴槤香味不足。貓山王榴槤鍋餅 (半份)，鍋餅餅皮煎得金黃酥脆，中間夾著榴槤肉，榴槤香味比起榴槤高力來得出色，很好吃！茶錢不算貴，$5/位，而長者則是免茶錢啊！今餐所點的菜式，質素都令我們滿意，只是醬鴨與獅子頭的口味稍重，但個人覺得配飯是可以的。

朋友好喜歡食蟹，佢一人嚟過夏麵館幾次，都係為咗食呢度的蟹粉系列菜式，但一直都試唔到其中一款，因為實在大多蟹粉，一食的話就太瘋狂，所以今晚搵埋我。店舖環境優雅得體，地方好寬敞，有多張四人枱，最鍾意係有啲高背及闊落的卡座，坐得好舒服。可剔餐紙或QR code下單，有多款特選套餐和單點，包括涼菜、湯羹、小菜、飯、麵、甜品、點心等。朋友一直想食係哆唻咪（$118/半份）。嘩！滿滿的蟹粉浸着鮮黃色的蟹油中，仲見到唔少蟹黃和爽口的河蝦，好難抗拒呀！的確要兩個人食。餐單寫住建議配饅頭食，但我地就要了蒸銀絲卷（$28/份）。將蟹粉放在軟熟的蒸銀絲卷上，咬一啖就全口充滿蟹油香，啖啖蟹肉，甘香鮮美留在口中。仲要了兩款三份涼菜，有夏味燻蛋（$14/1隻），雖然流心狀不明顯，只是稍稍流心，但呈蛋黃充滿蛋香，仲黏滑，好食！夏伯伯涼拌茄子（$36）每條都好工整，加咗醬膏，鹹鹹地又甜甜地，爽嫩入味，有風味！熱爆燻魚（$65）睇佢碟細細，但原來都有唔少件。件件都炸到金黃，香脆可口，唔會燻到硬屈屈，但食嗰時就要再點啲醬汁，更有味道。