鱈卵屋 (已結業)

香港少有以明太子做為主題既餐廳，所以決定黎試下。餐廳店内採用簡單整潔既裝潢，比人既感覺都舒服既。牛油果配搭吞拿魚刺身，估唔到呢個配搭艘幾夾，再加上有少少芥末既味道，成碟菜式清新得黎又開胃，係一道不錯既前菜。但係份量真係好細，同Menu都幾大分別，幾啖就食晒。呢碟多士拼盤係由2塊蒜茸多士同2塊明太子多士組成。蒜茸多士聞落好香，但食落味道好淡，無咩蒜茸味。明太子果邊就相對地出色好多，上面仲有d白飯魚帶到d鮮味出黎。有樣要讚既係2種多士都整到好香脆。明太子上湯蛋卷係必叫，d蛋好滑，而且夾落係唔會散，d明太子仲要多到爆晒出黎。呢度既鱈卵碗好貼心，怕你食得太飽所以有Jr比你揀。一開始我地仲猶疑究竟叫唔叫Jr好，到個火灸三文魚&火灸油甘魚鱈卵碗黎到既時候，我地好慶幸無叫到Jr，因爲一如既往，份量係好細，所以我都唔敢想象Jr到底有幾細。有三種食法係幾特別既，但可惜d飯好似隔夜咁，全部痴埋一舊舊，撈既時候已經好大力咁整散d飯，可惜都仲有好多整唔散。呢碟豆腐燒無咩特別，都係一個字 - 細。總括黎講，食物不太差，可惜份量小，性價比不高。

去完日本，對明太子料理念念不忘，竟然比我搵到香港都有明太子料理專門店，仲要係福岡明太子名店 fukuya 既海外分店，御用日本大廚，明太子迷既我一定黎食 店鋪環境簡約，好有日式家庭餐廳既風味，明太子迷和日式愛好者必到！非常有創意同心思 明太子上湯蛋卷仔細會見到多塊薄如紙既蛋層，蛋面上加上小許蔥花，可見大廚非常用心，蛋香味勁濃郁，配合埋醬爆鮮味十足既明太子，口感非常豐富！必食 明太子汁雞翼另一必食推介，雞翼雖然是單骨細細件，但金黃色脆卜卜既皮，雞肉滑嫩多汁，再配合淡淡既明太子汁，微微辣味，非常香口入味！食唔停口 ，必叫！（個人感覺有d似杜如風介紹日本果間雞翼既口味）蜂蜜檸檬乳酸熱飲，蜂蜜味勁重，甜甜的配合小小既乳酸味，感覺好潤好健康 魚乾仔明太和風醬烏冬日式烏冬非常彈牙，混合埋魚乾仔既魚香味同粒粒明太子既咸香味，整體感覺好清新好夾，但如果醬汁濃d會更好味！多士拼盤較為失望既一道小食，明太子多士味道唔夠濃，比較單調！個人認為蒜香多士較為好食，好香蒜香味，但同出面既蒜容包味道差唔多！pancake 雪糕豆沙餅熱辣辣，估唔到銅鑼燒入面有夾心，甜甜地（似焦糖味？唔太肯定 ），加埋香濃奶味

服務唔錯，由入去都走個時都好有禮貌，食物都好好食，鋪仔算細，但唔會坐得好碧，仲有電影睇，但冇聲既😂但都好，可以同個朋友慢慢地傾下計，坐左係入面2-3個中，其他鋪都可能會黑面or收曬d野唸住趕你走，但依到就住坐唔嬲，坐到我都唔好意思，店員小姐sorry吖😂