鱈卵屋 (已結業)

香港少有以明太子做为主题既餐厅，所以决定黎试下。餐厅店内采用简单整洁既装潢，比人既感觉都舒服既。牛油果配搭吞拿鱼刺身，估唔到呢个配搭艘几夹，再加上有少少芥末既味道，成碟菜式清新得黎又开胃，系一道不错既前菜。但系份量真系好细，同Menu都几大分别，几啖就食晒。呢碟多士拼盘系由2块蒜茸多士同2块明太子多士组成。蒜茸多士闻落好香，但食落味道好淡，无咩蒜茸味。明太子果边就相对地出色好多，上面仲有d白饭鱼带到d鲜味出黎。有样要赞既系2种多士都整到好香脆。明太子上汤蛋卷系必叫，d蛋好滑，而且夹落系唔会散，d明太子仲要多到爆晒出黎。呢度既鳕卵碗好贴心，怕你食得太饱所以有Jr比你拣。一开始我地仲犹疑究竟叫唔叫Jr好，到个火灸三文鱼&火灸油甘鱼鳕卵碗黎到既时候，我地好庆幸无叫到Jr，因为一如既往，份量系好细，所以我都唔敢想象Jr到底有几细。有三种食法系几特别既，但可惜d饭好似隔夜咁，全部痴埋一旧旧，捞既时候已经好大力咁整散d饭，可惜都仲有好多整唔散。呢碟豆腐烧无咩特别，都系一个字 - 细。总括黎讲，食物不太差，可惜份量小，性价比不高。