鄰居 (已結業)

成日見到好多人，想試左好耐今日終於有機會。下午3點幾去到都有人喺外面等位，舖位唔大，所以決定外賣返屋企慢慢食。叫左大啡菇牛肉漢煲，真係即刻整，等左15分鐘。一層一層用料好足，有啡菇，芝士，漢堡扒，洋蔥同生菜。啡菇真係好大，唔乾，漢堡扒又厚又好juicy😍攞到返屋企都仲好好味，食到尾仲有肉汁流出黎，堅好食。不過係太juicy搞到個包有少少淋左，現場食應該更好味。個人覺得蕃茄醬可以多啲就更好👍👍下次想試鄰居漢堡，見到好多人推介。

嗌咗個鄰居漢堡($62)，跟set(+$18)加薯條同嘢飲，再+$12轉咗做鮮果汁，另單嗌咗個大啡菇牛肉漢堡($62)、水牛城雞翼($32)、可樂($8)。薯條係雙色薯條啊(普通薯條x蕃薯條)，其實我唔食蕃薯，之前有得揀轉蕃薯條嘅地方我都揀晒普通薯條。見佢雙色就試吓啦，都ok，冇我想像中嘅好粉好淋嘅感覺，但都係鍾意薯仔整嘅薯條多啲 (不過鍾意食蕃薯條嘅朋友就覺得幾正)個鄰居burger有舊厚厚嘅燒菠蘿，塊包搽牛油烘過，塊牛肉都juicy，呢個價錢呢個質素好抵食 不過開放式廚房就有少少油煙味

好耐冇食漢堡包🍔而且無乜幫襯連續快餐店食漢堡之後好耐發掘香港漢堡小店💛發現好多都好高質好值得支持喔👏🏻-黎到長沙灣嘅鄰居身邊朋友同網上評價都好高今次試完絕對無令我失望😍-首先係大啡菇牛肉漢堡🍔佢個手打牛肉真係好出色 好有牛味牛肉汁亦好多蕃茄同生菜放係牛肉下面 所以肉汁菇汁唔會令到個飽濕晒個包好鬆軟 唔會一食就淋晒仲有個大啡菇 有個包咁大架😆菇味同樣好出 同牛肉擺埋一齊又好夾🤝加18蚊有雙色薯條同汽水 成個套餐食夠晒飽☺️-雙色薯條呢個idea我好中意當然本身中意食薯條🍟而蕃薯條亦少有小店會做之餘帶一點點健康哈哈🍠好抵讚呀！-第二份係雙重芝士牛肉漢堡加配套餐落單時店員有特登提醒雙重芝士係一塊牛肉叫我地唔好同雙層牛肉芝士撈亂👌🏻指示好清晰👏🏻個漢堡真係好多芝士 食落可以拉絲添架🧀包同手打牛肉 頭先講左 真係好正好回味🤤-另一抵讚位係店員上菜時專登附上張紙可以手揸個包食啲料唔會跌黎跌去三角開口位確保唔會漏汁 唔會整污糟手好體貼🥰-超開心滿足嘅一餐💛多多支持啦😉

戒咗金拱門🙅🏻‍♀️之後，開始食多咗呢啲ʙᴜʀɢᴇʀ專門店🍔🤤，發現其實好多都好高汁💫💫 望望地址喺長沙灣🤔🤔，以為好難搵，原來都幾近深水埗🌟，喺黃金商場步行約10分鐘咖咋🤪🤪，門口可泊車🚗·大啡菇牛肉漢堡 $62推薦指數：★ ★ ★ ★ ★ʙᴜʀɢᴇʀ即叫即整，包係有烘烤過，夠挺身，帶少少甜味，幾軟熟😋；大啡菇同牛肉都好ᴊᴜɪᴄʏ，手打牛肉幾厚肉，牛肉唔會實嘟嘟，咬落去個吓超滿足🥰。調味剛好，唔會過鹹。·雙層芝士牛肉漢堡 $52推薦指數：★ ★ ★ ★ ☆雙層芝士雙重邪惡🤤🤤，手打牛肉一樣厚肉，有著濃濃嘅牛肉味·雙色薯條🍟 +$18推薦指數：★ ★ ★ ☆ ☆加$18可跟套餐，有一份雙色薯條🍟同一個野飲🥤 原味+蕃薯味=雙色薯條，係粗薯條嚟咖🤤!! 蕃薯🍠味甜甜地，幾特別·水牛城雞翼 $44/6pcs推薦指數：★ ★ ★ ☆ ☆未算好驚艶，水牛城醬汁酸酸地帶微微辣味，皮脆肉嫩·要讚一讚嘅地方係店員會比張包紙你包住個包～咁就唔怕一路食，D餡一路喺後面跌出嚟💫.·📍 鄰居 (長沙灣)長沙灣元州街162-188號天悅廣場地下A8號舖🚆長沙灣站A2出口步行約4分鐘🚶🏻‍♀️🕋黃金廣場步行約5-1

同男友講開長沙灣多咗好多美食, 於是今晚專登去試其中一間: Neighbor 😜😜😜一入去 staff就好有禮貌咁問我幾位, 叫我隨便坐, 去cashier嗰度點餐, 即時俾埋錢, 再等食~ 個open kitchen 見到幾乾淨企理, 對於衛生情況都幾放心! 👍🏻👍🏻👍🏻我點咗大啡菇牛肉漢堡配雙色薯條, 熱辣辣香噴噴好惹味!! 大啡菇同牛肉都非常juicy!! 生菜同紫洋蔥食落爽脆香甜, 可見用料非常新鮮~😋😋😋雙色薯條原來係薯條同蕃薯條! 又幾特別~ 香口又好味, 都幾唔錯!小食方面, 椰漿脆雞翼完全係令我喜出望外! 意想不到咁好食! 個皮炸得又香又脆, 椰漿味勁濃! 熱辣辣咬開勁juicy! 真正做到皮脆肉嫩!! 😍😍😍男友點咗安格斯西冷牛扒(5成熟)配沙律同薯條, 賣相一流令人口水直流! 🤤🤤🤤 薯條一貫香口, 沙律菜爽脆鮮甜, 但塊牛扒比起個burger 同雞翼實在失色, 雖然調味唔錯, 但有少許筋位而且偏韌, 我諗下次再嚟都係食burger同雞翼算啦~我意思係... 下次一定會再嚟!! 🤗🤗🤗