武館 (已結業)

朋友生日飯局，今晚一行8人包場，師傅有豐富經驗，對各種食材都十分講究，海鮮全部飛機即日到港：北海道活松葉蟹，網走手釣喜之次，無得輸既大拖羅，北海道原隻海膽，刁鑽的青森縣產海波蘿，三重小濱平政魚，昆布熟成大分縣產比目魚，愛媛縣深海池魚，長崎劍魚腩，福岡產金線魚，皮剝魚，火炙茨城縣太力魚，岩手縣尾崎蠔，山形縣亦肉蜜瓜等等。邊吃邊同師傅交流，有講有笑，完全無留意食左三個幾鐘，友人都十分滿意！相片只限上載12張相，所以不能盡錄！

做左廿幾年人都未去過大角咀，今次專登過嚟朋友極力推薦嘅武館食Omakase。地點好方便，奧運站一出就到。呢餐飯食咗三個鐘，多過廿道菜，時間控制得好好，全程都怎住有驚喜我同朋友都覺得好享受同非常抵食！舖頭係由武師傅兩公婆打理，武師傅好有性格，堅持唔做fusion嘢，只會做傳統日本菜，從食材嘅多元化及鮮度，食得出武師傅非常有誠意。虎河豚白子我喺香港真係未見過，價錢貴過鱈魚白子好多倍同好食一百倍，竟然包埋係$1200嘅Omakase入面拖羅加埋大葉同紫菜原來係咁好味，將拖羅帶咗去另一個層次唔係日日都有得食嘅活馬糞海膽，鮮甜到呢！鮟魚肝又係另一surprise，真正日本島根嚟，非常濃味軟熟，正過鵝肝時令嘢白魚，加入清酒一齊飲，由佢喺口入面游下游下，過癮咁滿足嘅一餐真係好少喺香港食到，一定會再幫襯及推薦比朋友！

今日同老公慶祝紀念日，老公帶左我黎大角咀武館食omakase。朋友食過話好正，所以未黎過大角咀既我都決定試下。鋪頭門口好有神秘感，有暖簾遮住，鋪入面只有一張吧枱，同其他客人都有點close。老闆娘早一日whatsapp我地confirm booking同問我地有冇興趣另外毛蟹或者鮑魚，我地就加左一隻北海道蝦夷鮑。秋刀魚刺身真心好好食，好夠肥，當晚最鍾意呢樣食唔到有筋既大拖羅隻鮑魚仲係活既，有得揀刺身定燒，我地飲酒所以揀左燒，正又係肥野，喜知次同埋個肝，加左赤醋既sushi同入口即溶既感覺，一絕成隻手咁大既日本蠔從來冇試過食omakase食到咁飽，總共食左二十樣野，仲要親民價。食過一次返唔到轉頭，所有野都好鮮。亦冇諗過食高級料理但冇個種區緊既感覺，因為師傅解釋食材時亦不時搞爛gag，全場爆笑。多謝老公揀左間咁有水準既餐廳，又一個難忘既晚上。

第一次寫食評, 因為真心覺得好好食, 好想去支持小店!!話說朋友生日, 曾經同佢喺日本食過間, 邊食邊同師父傾計既壽司鋪, 所以特別去搵番依類型既餐廳。有次喺fb見到武館既資料, 知道佢地只做omakase 廚師發板, 全晚唔番枱, 睇相見到d刺身好唔錯, 而且有原個海膽上( 香港唔多見, 個朋友又鍾意食) 就決定去試下。 首先我要讚一讚老闆娘, 因為我訂左位之後,  就whatsapp又問食材, 又想食牛又同佢講話要自己帶牛黎, 10個煩, 但老闆娘都好好人, 有問必答, 讚!!!!廢話唔講, 睇相好過。仲有多隻魚既壽司, 魚湯烏冬仲有密瓜架仲冇位up相啦😰😰😰😰個魚湯又係必飲唔加野都飽到暈左最正既係我地8位客人係互不相識傾下食下飲下就打成一片師父都邊整野食邊咁我地飲last仲開左私伙whisky n 燒酎!!!( 拿!! 我有理由相信個晚係大家真係超開心所以會咁~ 我地食到2am....!!!! 所以咪入去就叫師父拎私伙出黎😛not a must~)依餐真係好得~~~😋多謝武哥安排🙇

睇報紙講過呢間武館，有成隻既活海膽食，本身又鍾意食日本野，就 book 左位黎試。我地六點半就到左，一入去見到師傅拆緊箱，原來所有食材都係當日六點先由日本運到，勁新鮮。全部都係成條魚即劏，所以每道菜上之前都需時。不過食 Omakase 就係咁先夠風味。一邊等食一邊飲下沖繩 Orion 啤，仲係用凍杯出，好有 heart。當晚食左十幾樣野，有沙律，魚生有金目鯛，池魚，深海池魚，大拖羅，牡丹蝦，原隻海膽，岩蠔，喜知次等等，之後仲有好幾件壽司，拖羅手卷，最後有個魚湯係用晒成晚既魚骨煮出黎，好濃好正。樣樣野都好新鮮好好食，最深刻係個喜知次。師傅燒過個魚既皮，嘩，D 油即刻流晒出黎，勁香勁濃味。仲要連條魚都有出世紙，好堅環境方面就有少少迫，當晚坐滿 10 位，去廁所要其他人讓一讓先得，不過都唔大問題。最有趣係原來呢間鋪好多客都會由唔識變到識，一齊飲酒食野就會傾起計上黎，好有日本小店既感覺。埋單野食一個人一千鬆 D，啤酒四十幾蚊一大杯，我問師傅有冇計少，咁既價錢都可以食到咁多日本魚生仲要即日直送。想唔再黎食都唔得啦。