海灣茶居

营业中

休息中

裝修有別於傳統酒樓嘅海灣茶居位於商場地舖位置~落地大玻璃顯得空間好寬敞，而且檯與檯之間有超過1.5m距離，環境舒適👏🏻更加唔會見到滾水淥腳嘅service👍🏻除咗日頭有點心食…夜晚都有㗎😀晚市仲有小菜套餐添呀💁🏻‍♀️<<金銀蒜蒸斑頭腩>>有八大嚿斑腩~有嗦晒味嘅粉絲墊底，包埋白飯同紅豆沙~都只係$88咋⚠️真係街坊價‼️唔使買，唔使洗，唔使煮，踢拖落樓就食得🫶🏻屋企都未必整到啲斑腩咁肉欣彈牙呀🙃勁欣賞佢嘅晚飯小菜套餐可以無限加購食品💁🏻‍♀️<<大良薑汁雙皮奶>>($10)💁🏻<<營健清灼生菜>>($25)💁🏻‍♂️<<是日燉湯>>($28)個湯真係要讚🤩超足料~~ 有大量蟲草花! 仲有雞件、瘦肉、龍眼肉等等! 滋補又清甜👍🏻以為叫一個小菜份量唔多，所以叫咗兩籠點心過吓口癮🤭🔸<<祖傳秘醬蒸鳳爪>>($25)皮骨鬆開，香腍入味，惹味到食完一隻又一隻😋🔹<<鮑魚北菇燒賣皇(2粒)>>($38)除咗粒鮑魚吸睛

試過呢間點心店嘅lunch，雖然全日都有點心供應但大胃好好奇佢晚市嘅小菜得唔得呢間嘅小菜好抵嗌，一款餸包白飯同綠豆沙而呢煲豬手，足足有六大嚿，嚿嚿入味又煲得勁腍，一條豬毛都冇，勁乾淨，骨膠原感100分諗住呢度唔係川菜館，但又忍唔住想食酸菜魚，估唔到冇後悔嗌呢個餸，魚肉滑到不得了，湯底香口都已經有碗白飯跟，煲裡面仲有寬粉，勁開心食完飯就上綠豆沙，唔似酒樓揸流攤，唔會水汪汪，煲得好香濃，唔講以為要加錢先有嘅quality跟餐加錢仲有啲小食，上次胃民唔俾大胃嗌糖不甩，今次終於食到，質感好綿，薑味好香，花生同椰絲加分另外嗌埋份雙皮奶，薑味相對溫和，唔會辣到搶咗奶香，口感順滑，入秋甜品一定叫佢到咗晚市一樣有得飲茶，鐵觀音茶香幾出，一開頭未浸夠鐘，洗完碗碟之後再斟，茶味就出嚟喇

呢日去大角咀探朋友，俾佢拉咗去一間新開嘅茶居食飯試咗”晚市小菜套餐”、”滋味獨享” 、”香脆點心” ，再追加甜品晚市小菜套餐🔸胡椒豬肚湯（例牌）配白飯及香草綠豆沙原來係胡椒豬肚’雞’湯胡椒味啱啱好，豬肚軟淋，雞件肉味唔錯齋飲同撈飯都好味道😋“香草綠豆沙”好’沙’嘅呢～～～香草味濃郁，又唔太甜，個糖水煲得好有水準，媲美糖水舖👍🏻（有追加嘅衝動）滋味獨享🔸一人籠仔蒜香斑片蒸飯 斑片無骨，啱哂我嗰個怕骨嘅朋友蒜香味恰到好處，惹味之餘食完陣蒜味唔會喺口腔維持太耐🤪仲有個籠仔都幾大，似二人前份量多啲～🔸櫻花蝦蘿蔔絲酥呢個賣相一流，味道亦出色酥皮一層一層好分明，酥脆得嚟口感十足內裡櫻花蝦同蘿蔔絲熱辣辣新鮮處理，影咗陣相先食都仲好夠熱㗎～🔸大良薑汁雙皮奶$10 有交易，幾抵食，質素唔錯呢個甜品係Order ”晚市小菜套餐”或”滋味獨享”以優惠價加購嘅（其他加購選擇有：香草綠豆沙、桂花椰汁糕、花生椰香糖不甩 & 是日燉湯）呢間茶居裝修光猛新淨，顏色配搭亦舒服，碗碟茶壺嘅選擇都落咗心思. Menu 製作幾精美，除咗有點心，仲有小菜、籠仔飯、煲仔飯、原煲砂窩粥、炒粉麵飯…… 食物質素唔錯，飯後無口渴感（讚