影片
电话号码
63385686
营业时间
今日营业
07:30 - 21:00
星期一至日
07:30 - 21:00
以上资料只供参考，请与餐厅确认详情
買過三次外賣，次次都等超過半小時。如果做唔切就不應該出太多款外賣。噻时间，同埋食物本身唔係特別好味，普通茶記水平。不會再幫襯，啲阿姐催極都係得個講字。不會再幫襯。
继续阅读
雖然明白依家好多人返大陸食嘢，香港餐飲只可以鬥平，但係如果為咗鬥平而將食物質素或者選擇下降和減少，得不償失。呢間茶居由開業到現在，住喺附近經常過嚟幫襯，食物質素中上。但係依家為咗增加競爭力，所有點心變成小點，好食嘅牛點大點和精點全部冇晒。的而且確，買單嘅時候平咗好多，因為只可以食平價點心。但係如果飲茶想食好少少，食吓雞紮，斑蘭糕黃金糕，就全部冇晒啦。以為食一碟蒸排骨，裏面全部都係肥膏排骨，最後成碟都食唔到。唔係唔想幫襯呢間茶居，因為住喺附近好方便，但係咁嘅質素，完全沒有再幫襯嘅意欲。
继续阅读
今天是母親節 。我和家人，到港灣豪庭地下的海灣茶居食晚飯。我們叫了酸菜魚 、金銀蛋莧菜 、蓮藕炒肉餅 、蒸排骨 、滑蛋釀花甲； 一人一碗例湯 及一碗白飯。 各款餸菜都好味 ，價錢亦唔算貴， 每人大約90元。
继续阅读
今天下午 ，我走了過去港灣豪庭廣場地下 的海灣茶居午飯 。 我叫了 一碟豆角炒茄子 和白飯一碗。 在熱騰騰的鍋中，豆角與茄子相遇，綻放出令人難忘的美味。豆角的清脆與茄子的柔軟完美結合，散發出誘人的香氣，勾勒出一道獨特的風味。每一口的咀嚼都是一次享受，散發出一股股讚賞的情感。豆角炒茄子， 加上一碗白飯， 就是一道美食。
继续阅读
海灣茶居並不是傳統大酒樓, 但環境算是舒適寬敞嘅小茶居, 服務員姐姐亦禮貌招呼.我哋叫咗飲茶必食嘅蝦餃, 燒賣和叉燒包. 蝦餃皮薄薄, 蝦肉新鮮彈牙,. 燒賣豬肉, 鬆軟多汁, 蝦肉爽口彈牙, 叉燒包軟熟, 叉燒餡肥瘦適中, 好味！👍我哋亦叫咗碗柴魚花生粥，煎蘿蔔糕， 鮮蝦腸粉，豉汁釀茄子🍆，時菜鯪魚球🐟，馬拉糕和薑汁雞包仔. 柴魚花生粥係非常傳統嘅港式粥, 不多酒樓供應. 粥底綿密鮮甜, 花生軟糯, 柴魚味道鹹香可口.蘿蔔糕 煎得金黃脆皮, 外脆內嫩, 食到絲絲蘿蔔, 口感十足, 蘸少少甜辣醬更惹味.鮮蝦腸粉, 蝦肉彈牙爽口, 腸粉皮嫩滑有好重米味．正！😍豉汁釀茄子🍆, 茄子好腍滑, 鯪魚肉新鮮彈牙, 魚肉飽滿啖啖肉, 食到淡淡嘅蝦米味和果皮味, 加上惹味玻璃豆豉芡汁, 添加層次感和滋味.😌時菜鯪魚肉, 啖啖新鮮鯪魚肉, 加上蝦米和果皮, 口感豐富好味.馬拉糕軟熟, 鬆軟, 富蛋香, 吃下去不黏牙且不太甜. 薑汁雞包仔, 雞包混合薑絲, 薑汁味香濃, 麵包亦軟滑, 味道一流真係值得推薦海灣茶居, 價錢好合理, 依家不收茶錢, 下午茶任選兩款點心, 只收$38。真抵食！👍
继续阅读