燒肉の殿堂

营业中

休息中

The L Square係銅鑼灣另一個美食集中地，最近留意👀新開左一間日式燒肉店，前幾日就同朋友去試下味道如何！餐廳位於The L Square 9樓，兩旁設有好多卡位，座位寬敞鬆動，坐得都幾舒服😌。另外一提，餐廳既抽風做得幾好，食完之後身上衣物都無油煙味👍🏻！食物方面，今次就叫左打卡一流既「大阪城和牛五點盛合」。日式城堡入面有二人份量既和生五花、牛舌、和牛三角、和牛小排、和牛磚。我最鐘意係和牛三角同和牛磚。食落富有油香，而且大大件，放入口非常滿足。總體和牛雪花紋都好靚😍、油脂分布都幾平均，食落有種入口即溶感覺咁❤️！除左和牛，我地仲叫左「岩鹽青檸雞腿肉」，雞脾肉食落滑口，用埋青檸汁醃製，食落都幾清新，可以解一解燒肉既油膩感！當然除左燒肉，呢度都有唔同前食、小食。「山藥水雲髮菜」食落酸酸地，幾醒胃。「大蜆冷麵」份量都唔少，兩個人share都夠食。最後店員推介呢個好特別「辣紅油脆脆雪糕」。喺香濃牛奶雪糕上倒上紅紅辣油😯。麻味、辣味伴隨牛奶香味係口腔徘徊，感覺新奇有趣🤔！總體上，我覺得呢度和牛質素都唔錯👍🏻，豐有油香，食落入口即溶，大家有機會出嚟銅鑼灣要試試～～

𝗻𝗲𝘄 𝘆𝗮𝗸𝗶𝗻𝗸𝘂 𝘀𝗽𝗼𝘁 𝗶𝗻 𝗰𝗮𝘂𝘀𝗲𝘄𝗮𝘆 𝗯𝗮𝘆🥩 𝗺𝘆 𝗳𝗮𝘃𝗼𝗿𝗶𝘁𝗲 𝘄𝗲𝗿𝗲 𝘄𝗮𝗴𝘆𝘂 𝗯𝗲𝗲𝗳 𝘁𝗮𝗿𝘁𝗮𝗿𝗲, 𝗯𝗲𝗲𝗳 𝘁𝗼𝗻𝗴𝘂𝗲 𝗮𝗻𝗱 𝗯𝗲𝗲𝗳 𝗿𝗶𝗯𝘀. 𝗺𝗲𝗮𝘁𝘆, 𝗳𝗹𝗮𝘃𝗼𝗿𝗳𝘂𝗹 𝗮𝗻𝗱 𝗷𝘂𝗶𝗰𝘆! 𝗹𝗼𝗼𝗸𝗶𝗻𝗴 𝗳𝗼𝗿𝘄𝗮𝗿𝗱 𝘁𝗼 𝗴𝗼𝗶𝗻𝗴 𝗯𝗮𝗰𝗸 𝗮𝗹𝗿𝗲𝗮𝗱𝘆🙊.銅鑼灣新開和牛燒肉店推介！一轉季就想食啲熱辣辣嘅嘢，必叫大阪城和牛盛合，有齊和牛肋條、厚切牛舌、和牛磚、肉眼上蓋，配檸檬海鹽同燒肉汁最夾，提香之餘又解膩～ 另一款必點有超震撼嘅殿堂湯，上面蓋住和牛薄片再即場燒至半熟，食完牛肉再飲湯好滿足暖胃😋 和牛他他都推介，整體嚟講幾掂✨

今晚同舊同事飯聚, 帶咗我去銅鑼灣一間樓上舖燒肉餐廳, 呢度面積不大, 有數張卡位算坐得闊落。由舊同事發板, Order咗幾款燒肉、小食、冷麵等share食。【忌廉芝士白魚沙律】HK$58沙律菜配上粒粒忌廉芝士、脆脆, 再加入酸汁, 每啖清新酸尾尾, 脆脆令口感更有層次, 夾集忌廉芝士食, 清新中又帶點奶酪香。 【法式鵝肝多士2件】HK$128鵝肝表面煎至金黃微脆, 放於香脆多士上, 再疊上蘋果肉、魚子醬、香蔥, 整個入口, 食到鵝肝本身香氣, 配搭嘅甜酸蘋果肉同埋多士, 有助平衡鵝肝嘅膩。 【大阪城和牛五點盛合】HK$338賣相岩哂打卡, 用上大阪城造型嘅三層盒奉上和牛, 頂層有和牛金塊磚、中層有和牛肋條、最底層係和牛三角腩, 另有特級厚牛舌同埋牛五花。特級厚牛舌: 牛舌燒至五成熟, 表面焦香金黃, 口感爽彈有肉汁。牛五花: 相比牛舌薄少少, 長形片狀, 肉質嫩林, 唔會有太多牛脂, 冇咁膩。和牛金塊磚: 牛脂比例多, 切成磚狀, 能滿足咬落去嘅豐滿口感, 牛脂在口中稍有陪迴。和牛肋條: 同樣有豐富牛脂分佈, 口感比預期中林, 中心位稍有少少筋絡連帶, 爽得黎唔難咬口, 咀嚼後冇渣。

天氣終於涼返少少, 岩哂燒肉邊爐燒嘢食既季節呢間新開燒肉店係用大阪城既盒去裝住幾款唔同既燒肉部位, 搞到我又好想去旅行🇯🇵唔係淨打卡架, 靚之餘可以好好將唔同肉分開, 盛合入面既4款肉分別係：和牛磚、和牛肋條、和牛上蓋同埋特級厚牛舌。全部都勁肥美 脂肪入口即溶🥩雪花真係好靚和牛上蓋就無咁肥, 肉味濃d盛合仲會包少少蔬菜, 南瓜同大蔥都幾好食牛舌係要特厚先正！簡單落少少檸檬汁可以解解肥膩. 用個檸檬夾整檸檬汁出黎唔哂落手, 完全係日本100YEN商店既好物黑毛豬都好爽口又夠肉味, 鍾意佢燒熟先蘸醬就唔容易燒到焦哂🥓 點燒肉汁/檸檬海鹽/辣味燒肉汁就更惹味剪開一件件就易食d最緊要爐上煙囪抽氣做得好, 加上店內開行吹風, d衫都唔會成陣燒肉味一邊係梳化卡位, 坐得舒服, 私隱度夠高近窗果邊仲有個假火爐, 冬天黎食一定好有feel!前菜同主食都好高質！🥗好多顏色好豐富, 軟殼蟹🦀炸得夠哂脆冷麵條條分明夠爽口, 大蜆仲要勁鮮味熱氣既燒肉配凍冰冰既冷麵條好開胃, 蘸落冷麵鰹魚汁配鮮磨薑蓉同山葵好清新燒飲餐配唔太甜既冰凍梳打一流🍺 可爾必思其實係乳酸, 巨峰口味唔算太甜, 無藥水味想小酎一杯仲可以揀

同區搵餐廳見到新開嘅燒肉店，殿堂の燒肉。見到係單點燒肉，燒肉の鬼馬上去試吓。刺身和牛他他 擺盤好用心，將生蛋穿開，然後配搭自己喜歡嘅材料：蔥花，京蔥，Wasabi，鹽，青檸。溝埋真係好好食最後食塊薑片，清清個味蕾。法式鵝肝多士鵝肝配上蘋果好清新，而且減少油膩感。大阪城和牛4點盛合一上枱已經好誇張，有三款日本和牛，三角腩，和牛肋條等。店員話呢個係殿堂級推介，用日本直送嘅和牛做嘅精選😍另外有我最喜歡嘅厚牛舌，設計好得意可以用個夾夾檸檬汁唔使整污糟隻手。大蜆冷麵呢個又係值得一題嘅佳作，超大隻蜆，已經好打卡，配上掛湯既調味，非常開胃。牛油果軟殼蟹沙律勁大隻軟殼蟹，牛油果裝着醬汁，感覺幾新穎，食完咁多和牛，舒服晒。仲有叫咗小食味淋網燒魚乾，芥末秋葵車厘茄漬，都唔錯呀。