南대門

营业中

休息中

主打BBQ呢度簡直就係肉食者嘅天堂🤤 選擇多到本menu成本字典咁厚🤣 食燒肉之餘仲可以叫好多款韓式料理💕 見到佢哋嘅lunch Menu好抵食，下次再試吓先⭐️ 牛肉拼盤 （$530）🥩呢個拼盤好抵食，一大盤🐄 肉眼、肋骨肉、肩胛肉、板腱肉，仲包埋大醬湯～大大塊厚肉嘅肉眼扒係主角！剪好後先放肥嘅部份燒會無咁易燶～燒到剛好熟，多汁嫩滑嘅肉眼，用生菜🥬包住、泡菜、醃蘿蔔等前菜食，非常衝擊味蕾，好滋味😍而燒肩胛肉都一樣咁美味。肉質較結實，肥瘦適中。而燒板腱肉，個質地幾緊實，咬落去又有少少嚼勁。燒牛肋骨肉脂含量豐富且嫩滑，肉脂溶解晒後好入味，雖然全部肉但包生菜食好健康✨⭐️ 大醬湯🍲拼盤包埋嘅大醬湯真係幾出色。湯底濃郁，煮到熱滾滾，滿滿嘅韓國大醬嘅味道，夾埋啲蔬菜同海鮮細配，又解膩又開胃。⭐️ 海鮮煎薄餅 （$110）薄餅底煎得香脆金黃，餡料有各款新鮮海鮮，入口軟綿，加埋醬油仲有種鮮味爆發嘅感覺，真係鮮甜多汁，好吸引呀！💰HKD 350 p.p for Dinner📍 南대門 (尖沙咀)尖沙咀金巴利道75號東南大樓地舖

📌 南대門 Namdaemoon Cuisine - 尖沙咀金巴利道75號東南大樓地舖🗓(13/10) 星期五 ⏰ 晚上6:30左右 💈特式：而家天氣開始轉涼，但又未涼到可以戶外BBQ，所以揀間多人攞介嘅韓式燒肉餐廳就最明智了。🥩🍔🌭🌮🥗🥯🥘🍲🍝🍣🥟🍤🍱食物：餐廳主打都係韓式食物，但亦有不少其他韓式傳統野食，例如炸雞/石鍋飯/人蔘雞湯/大醬湯等等，而家等我同大家講下🇰🇷🔥味道先。BBQ豬肉拼盤 $4️⃣3️⃣0️⃣ - 呢個豬肉拼盤入面有五花肉/護心肉/豬頸肉/醬醃薄切五花腩，呢個價錢仲包埋一份大醬湯，所以價錢都幾抵食。個拼盤份量都好大，睇落都唔止夠兩個人食，入面4款豬肉嘅口感/味道都有所不同，燒完嘅肉亦唔會好油膩，而且仲可以包生菜同餐廳3款秘製醬料一齊食，食落就比較清新無咁膩，咁就食多多都唔怕。個大醬湯都同正常散叫個size差唔多，入面配料有蝦/蜆肉/豆腐/翠肉瓜等等，味道香濃得嚟又唔會太咸，仲帶有微微辣，好惹味。牛舌 $1️⃣6️⃣0️⃣ - 另外仲散嗌左一份牛舌，因為唔知份豬肉拼盤會咁大份，如果唔係唔洗特登加野，差d食唔晒。不過都好彩有叫到，因為佢呢個牛舌真係唔錯，牛味香濃，又唔會太薄，性價比唔錯

尖沙咀出名多韓國餐廳 最近同朋友去咗呢間係金巴利道嘅「南大門」🥳 佢係由韓國人主理 仲有幾間分店 呢間分店主打地道韓燒～仲有多款可以refill嘅韓式前菜 開胃又好食🥰✻牛肉拼盤 Set A HKD530呢度主打韓燒，就梗係要試吓佢嘅燒肉😆可以散叫亦有好多唔同嘅拼盤 我哋揀咗牛肉拼盤 可以一次過試幾款唔同嘅肉😚呢款拼盤有：牛肉眼、牛肋骨肉、肩胛肉同埋板腱肉🥩 賣相吸引 牛肉眼好厚身同埋真係好大塊🤣 全部牛肉都肉質嫩滑 又唔會太過肥～仲可以用生菜包住一齊食 中和油膩感～另外呢個餐包咗泡菜湯或者大醬湯我哋揀咗大醬湯 都有幾多海鮮例如蜆肉同埋蝦等等 味道香濃好暖胃幾好飲😋 係好正宗嘅韓式大醬湯🤎✻韓式拌麵 HKD85嚟到韓國餐廳 通常都會試吓佢哋嘅韓式拌麵 呢度嘅韓式拌麵份量都幾多 面嘅質地遍軟淋好掛汁～ 醬汁辣辣地咁好惹味❣️ 配埋啲青瓜絲一齊食，口感好豐富！✻韓國飲品 HKD18我哋另外叫咗個Rice Juice飲😋 好清甜💛

呢幾日真係幾凍🥶， 咁凍嘅天氣一係打邊爐🤔一係食燒烤， 今晚就揀了吃韓燒😋，食韓國料理我第一時間就會想到金巴利道的韓國餐廳， 價錢相宜，食物又有質素， 最重要夠正宗，完全好像置身於韓國一樣。南대門，位於尖沙咀金巴利道75號東南大樓地舖， 店內環境舒適， 服務員招呼周到。 兩個人點了牛肉拼盤$530、 水冷麵$90、汽水$15。 🔸韓國拌菜🥗 ～ 點菜之後見店員為我們送上四款韓國拌菜， 食完可以隨時添加。 🔸牛肉拼盤🥩 ～ 有牛肉眼、 牛肋骨肉、 肩胛肉和板腱肉， 四款肉類質素都好平均， 而我就最喜歡牛肉眼， 粉嫩大理石脂肪紋多，分佈均勻， 口感肉質鮮嫩。 另外可以選擇泡菜湯或大醬湯， 我就揀了大醬湯， 熱辣辣味道香濃，裏面有翠玉瓜、豆腐，加上蜆肉，更添鮮味。🔸水冷麵🍜 ～ 燒肉之後， 都想食番個清涼爽滑的水冷麵， 水冷面極有嚼勁，加入黃芥末和醋， 食落更加醒胃解膩。 🔸汽水 ～ 食燒肉配汽水簡直是最爽搭配，解油又清爽。 南대門的燒肉都不錯， 價錢又唔貴，份量又多。 🏷️溫馨提示～ 整個用餐體驗均屬個人分享意見， 只作參考😊。

呢到既裝潢同韓國燒肉店一樣咁，加上餐廳係韓國人打理，佢地服務都幾好，有禮貌的，識講廣東話同英文。我地兩個人叫左碟牛肉拼盤set A同水冷麵share。牛肉拼盤有牛肉眼、牛肋骨肉、肩胛肉、板腱肉，仲有大醬湯。牛肉整體望落都新鮮，份量足以兩人share， 我自己比較鐘意食牛肋骨肉同肩胛肉，因為切得較薄容易燒，油花分佈平均，肉質較腍而且牛味較重，我會夾埋生菜、泡菜、芽菜一齊食，口感豐富啲。牛肉眼扒好大塊都幾厚切，仲有少少脂肪。而板腱肉既肉質會厚實啲，但燒完食落都幾juicy。拼盤有包蔬菜，食下可以解膩。湯我地揀左大醬湯，清清地又可以暖下胃。除左燒肉汁，仲有沙拉醬、豆瓣醬、辣醬點燒肉食，我同老公都覺得 點辣醬係好食啲。另外前菜有韓式芽菜、醃茄子、泡菜。水冷麵我只係係韓國食過一次，見呢到都有，而且覺得食完燒肉食返碗冷麵會好正，就叫左碗啦，份量都好多，加啲醋同芥末撈黎食，味道酸酸辣辣會開胃啲。Btw呢到既抽油煙功能幾好，燒完都唔覺自己身上有味👍🏼