濟州燒肉食堂

营业中

休息中

放假食好啲～ 今日試下濟州燒肉食堂，餐廳喺九龍灣德福廣場二期5樓 Food Court 隔離。一入座，侍應就送上前菜：菠菜、芽菜、泡菜、醃蘿蔔同海帶。 侍應話如果前菜想再添食，只需加 $28/set。而爐邊蛋同粟米芝士，就係無限添食。嚐味濟州套餐  $850套餐樣樣都有，啱晒每樣都想食嘅我。牛胸肉、安格斯牛外裙肉、和牛牛五花牛胸肉較少油脂，肉質柔軟。未食過安格斯牛外裙肉，估唔到咁好食。外裙肉原來係牛肋骨下的腹部肌肉，所以有咬口而且牛肉味濃郁。一級五花肉、蘋果梨汁雞肉、濟州黑毛豬梅花肉、鰻魚五花肉唔算好厚，但油花均勻，燒出黎油香十足。燒到外層焦香，再剪開，食落非常香口卜卜脆。蘋果梨汁雞肉用上梨汁醃制，好入味。雞肉味道甜甜地，肉質嫰滑，食得出有水果嘅香甜。大大一塊黑毛豬梅花肉，油脂分佈平均。用生菜連同蒜包住食，都好食。套餐本身係鱈魚，侍應話無返貨，所以用上鰻魚代替。好少燒鰻魚，好彩有侍應姐姐出手幫忙。鰻魚燒到金黃色就食得，鰻魚皮脆肉質柔嫰。主食有大醬湯 / 黑米冷麵，我地揀左大醬湯。湯主要用韓國大醬煮成，加上牛肉粒、蜆、翠玉瓜同豆腐，材料豐富，味道濃郁。生菜籃 $38濟州特飲 $32 ,

經過德福突然想食燒肉，於是就試吓呢間濟洲燒肉食堂～我哋叫咗：-濟州五花肉套餐 $498✿前菜(沙律、泡菜、酸蘿蔔、辣椰菜)除了沙律，其它可以任添。椰菜加辣味道奇怪，其它正常，添了多次泡菜和酸蘿蔔，食燒肉可以解膩。✿燒肉(食堂牛小排、豬排骨肉、濟州五花肉、食堂蘋果梨汁雞肉、醬油梅花肉、八爪魚)份量不算多，大約每樣2-3件，味道還可以，有醬嘅肉都醃得幾入味，較特別是有八爪魚，幾爽口彈牙～不過食韓式燒肉無提供生菜包肉，有點扣分😕爐邊蛋同芝士粟米可以無限添，爐邊蛋個人認為走泡菜更好食，芝士粟米好邪惡，忍唔住添咗好多次😆✿大醬湯幾好飲，有少少🤏辣味，湯料有豆腐、櫛瓜、牛肉、蜆、洋蔥等，不過飲到最後有啲鹹。✿梅子梳打(跟餐)✿青檸梳打(跟餐)-食燒肉飲返杯梳打就最爽啦🤩不過味道較淡，建議要叫少冰。整體食物質素普通，無特別出彩的地方，性價比亦一般。欣賞店員好勤力，經常留意客人需要，主動幫手加前菜、爐邊蛋同芝士粟米。環境開揚，空氣流通，食完都唔會話成身燒肉味，不過旁邊係food court，有種俾人望住食嘢嘅感覺😂

🍭之前試過呢間嘅Lunch，覺得好抵食味道都幾好，今次試下Dinner先😛👆🏻前菜🥗有泡菜，蕃茄仔，蘿蔔，沙律，爐邊泡菜蛋及粟米芝士，除咗沙律，全部都可以無限refill😝係咁食泡菜同埋爐邊蛋，好正🤩🔖 濟州五花肉套餐 $498🔸食堂牛小排（鹽燒）🔸嚴選牛五花🔸濟州五花肉🔸食堂蘋果梨汁雞肉🔸醬油梅花肉🔸墨魚🔸大醬湯🔸飲品兩杯💫呢個套餐份量都幾多，2個人食已經好足夠，牛小排同埋濟洲五花肉最好味😋食韓燒一定要食五花肉，真係好正，特別好味🔥其他肉都ok,唔會太差！墨魚🦑都好彈牙，但要點醬汁先有味，大醬湯相對就比較一般，我覺得呢個餐整體食物都唔錯，價錢唔貴，相當抵食，食完好飽好滿足🥰但個抽風系統好似差左少少，好似有d煙

上次同朋友食過北角嗰間濟州燒肉食堂覺得真係好好食，所以今日諗住約埋老公嚟九龍灣呢間分店再食過，嚟嘅時候真係充滿期待。點知大家都唔記得咗book位，嚟到梗係full晒啦，雖然好失望，不過呢度勝在仲有另一part係食主食套餐嘅，正所謂跌咗落地拿返渣沙，唯有食住個主食套餐止住咳先啦！每人揀一個套餐，然後share食。老公就揀咗大醬湯配白飯。套餐包埋前菜，當然係韓國泡菜啦，我最鍾意酸酸辣辣嘅味道，呢個泡菜係好食嘅！大醬湯睇落紅卜卜，以為會超級辣，其實佢只係充滿甜味嘅辣醬，除咗有五花肉，仲有豆腐同其他蔬菜做配菜，送飯真係一流。而白飯上面都有少量紫菜絲，視覺上做點綴之餘食落仲帶點香。梅子青檸梳打有點點梅香，都幾好味，而且呢種味道出面比較少有，絕對值得推介！而我就揀咗豪快海鮮煎蔥餅。套餐同樣包括一款前菜，而呢個跟餐嘅前菜就係昆布，涼拌咗再加點青瓜，爽口又好味。豪快海鮮煎蔥餅入面有蝦仁同小墨魚，所以口感都幾豐富。煎餅仲有跟埋一個指定醬汁，點咗就更好味！夏日炎炎，我就揀咗要荔枝梳打，入面仲有粒粒椰果，最啱我口味！原來呢度嘅主食套餐都幾好味，但我下個目標當然係要食燒肉啦！