天天海南雞飯 (ELEMENTS圓方)

营业中

休息中

作為海南雞飯愛好者，點可以唔試埋獲米芝蓮推介既新加坡名店既海南雞飯～餐廳既茶壺值得一讚，日式鑄鐵風，美觀又保溫。叫左佢既招牌海南雞，皮薄肉嫩既雞肉，冇過多既油脂同啫喱層，即使一個人食半隻雞都唔會覺得膩。美中不足係雞味略淡，要靠佢既秘製雞汁提味。油飯中上水平，有雞湯味又唔會好油，飯粒分明。睇menu仲見到個龍蝦汁海鮮泡飯好吸引，上菜時侍應會幫你將脆米倒入滾住既龍蝦湯汁即煮。龍蝦肉份量亦好足，原隻龍蝦尾拆肉上，食落啖啖鮮味，以一間海南雞飯專門店黎講呢道菜有驚喜。餐廳整體黎講質素中上，可惜性價比較低，覺得試一次就夠了，類近價位既海南雞飯感覺有更好既選擇🙈

最近無得去旅行，但想食海南雞飯，於是嚟到香港嘅天天海南雞飯。新加坡嘅天天海南雞飯雖然位處喺街市入面，但算係當地中上價錢嘅雞飯。嚟到香港，價錢當然再貴啲，最平嘅set lunch都已經88蚊加一。雞依然係非常鮮嫩，下面放有幾塊青瓜，而油飯亦有淡淡嘅椰香味。比較有趣嘅係，隨餐會附送半熟蛋，同新加坡嘅雞飯唔同。仲有一碗橙色嘅醬送飯，非常辣。餐廳裝修得幾靚，地方闊落而舒適，仲有幾部電視循環播片。整體而言，都做到新加坡雞飯水準，只係份量少、價錢貴。作為一個女仔，我食完都未必飽~

海南雞控出沒😈 天天海南雞飯Rating: 6/10HK$ 80 (lunch)因工作到了圓方，同事說這間海南雞飯在新加坡非常出名，所以就進去嘗一嘗。當天其實很想吃麵,但來到專門食海南雞飯嘅餐廳,怎可以不吃海南雞飯?海南雞係冇骨嘅，肉質尚算嫩滑，雞油飯亦非常香。竟然仲附上我最鍾意食嘅溏心蛋，可是蛋就不及日本餐廳所做嘅糖心蛋入味。飯上面本來已淋上一個醬汁，我自己口味就覺得醬汁有點咸，有點奇怪。唔知道呢個係咪新加坡風味🤔性價比有啲低,$80我expect食到更高質素嘅海南雞飯。

週末下午和男友到elements 行街,原來天天海南雞除了銅鑼灣名店坊外，elements 都有分店，週末下午大約有10多人等位，等了20分鐘便有位。餐廳來自新加坡，當然香港店裝修比較華麗，餐具也是精心訂做的，藍色花紋壓有店舖名稱圓碟，我們叫了一客四小碟，四款也是花雕浸的冷盤（包括雞翼、鳳爪、鴨腎、雞肝），花雕味頗重非常醒胃，然後我們點了半隻海南雞，及一石鍋雞油飯（二人份量），海南雞皮薄肉滑，沒有半點肥膏，還有配製三款特製醬油，雞油飯是由精華煮成的，口感煙靱。希望下次帶同家人一起品賞。

「天天海南雞飯」源自星洲，搭載車軚人讚譽登陸香港，以海南雞飯作鎭店招牌菜。午膳時間食客不少，大家需在門外排隊輪候。首次造訪當然要試試「天天海南雞飯」。海南雞皮薄肥瘦適中，稚嫩感中上，但肉味未算特別出色。海南雞早已預配秘製醬油，個人覺得味道一般，還是喜歡汁醬另上的處理手法。油飯以雞油處理，飯粒外觀窄長，油潤清爽，不談健康的話固然更為滋味。隨飯送上一小碟酸瓜，必要時亦有助減膩。另外，飯餐亦送上一只溫泉蛋，出品富流心效果。平日在其他餐廳吃午餐，大多配上餐飲一杯。在天天吃飯則要預留額外預算喝這杯餐飲。比較特別的是天天有提供星洲經典飲品，這杯「年代奶茶」參考 1950 年代手法製作，類近茶記的「茶走」，味道不俗。整體而言，小編給予這份招牌「天天海南雞飯」中等評價。計及價錢則覺得偏貴，相信部份是給予名氣吧！

新加坡的天天海南雞，一向是遊客旅行必到訪的地點之一。別小看它來自熟食中心，每天均排滿慕名而來的人。進駐香港接近一年，終於在圓方店一嘗香港版本。選址圓方，裝修當然不會失禮，用上藍色格調，感覺舒適。天天海南雞飯($80)自然是必點，另外更有套餐，包括小食和飲品。亦有一些餐點，是另外幾家一同由新加坡引入的飯、麵店提供。餐廳多年穩奪米芝蓮殊榮，一到港當然受各界關注，然而所受的評擊亦不少。親自嘗過以後，決定稍稍為它平反。先說海南雞，去骨雞肉實際上挺嫩滑，口感較紮實，是走地雞。雞肉上淋滿醬汁，不會覺得乾身。雞肉下面一如既往，鋪滿青瓜切件。另奉上辣醬，我覺得辣度還好，但點多了的確容易蓋過其他味道。在新加坡吃過兩次，都是沒有特別提供甜醬油和雞蓉的，對於雞蓉撈飯的朋友，是可以問店員額外要醬油和薑蓉的。至於雞油飯，口感濕潤，每顆米粒被油分充分包裹。味道可以更香口，可是這個程度我也滿意了。名為讓燻蛋飛(套餐價$28)的小食是滑溜、令人滿足的溏心蛋。至於青瓜蜇頭(套餐價$48)，清新爽口，麻油味香。兩個人另外點了個主菜 - 女士精選($168)，石鍋內有牛肝菌、花膠、海參，大大件得花膠、海參，炆得軟腍入味，這

天天PLUS 係新加坡人氣名店天天海南雞飯嘅香港代理，海南雞飯跟足新加坡總店製法，不用油脂過多的黃雞，只用皮下脂肪少的白羽肉雞，所以雞皮爽滑，肉厚零脂肪，卻又口感嫰滑，即使是雞胸亦一D 都唔覺得"鞋"。 而呢度嘅裝潢模仿住新加坡當地熟食中心嘅感覺，但當然就更華麗漂亮，因為始終香港人都係鐘意食環境，所以九龍區分店嘅選址亦都係屬於高上嘅圓方之內。 超好肉骨茶和牛面嘅肉骨茶湯底藥材味唔算濃，岩晒我唔太鐘意食完會成口藥材味而和牛好軟腍，唔錯 我地仲簡2個小食分別就係燻蛋同埋千絲萬縷

圓方新開排隊店，一次過食4間星加坡米芝蓮推介。第一樣要食嘅就係海南雞飯佢個飯好香，真係粒粒分明但又唔油，個海南雞有溫暖嘅汁醬淋在上面，唔單止加Tim 咗味道仲令到件雞口感更滑嫩個豬手拌麵好香醬油蔥蒜味，唔會得個死咸，豬手有咬口得嚟又唔會韌，處理得乾淨冇毛。依個麵條似乎係手工製作，好有咬口又吸收咗湯汁，牛肚牛腩牛𦟌各種位置都處理得當，狀態原整但又夠淋三個朋友都食得満意，價錢雖然唔平，但係有誠意嘅食品真係買少見少，希望佢品質可以keep 到啦