丼燃食堂

营业中

休息中

經過見到午餐既丼飯好平，見到d 人評價唔錯，就試下～ Lunch set 茶記價錢食到高質丼飯，真係好抵，又平又飽又好味，絕對會再食呀！！❤️天婦羅丼 炸蝦+炸蠔+炸鰻魚+炸蕃薯，再淋上燒汁，天辣辣脆卜卜，好足料既天婦羅丼🧡鰻魚丼 大大碗日式鰻魚丼，一件件賣相靚仔好肥美既燒鰻魚，玉子碎碎+鰻魚汁撈飯一流💛金龍卷 一上菜職員就會有火槍點火，著晒火好有氣勢又好岩影相～天婦羅鰻魚係面，飯卷包住蕃薯+玉子，好特別既配搭，咬落有唔同質感好有特色，好值得試!!💚小食炸物 日式炸雞外脆內嫩，蟹肉忌廉餅個餡好creamy，吉列炸蠔大大粒，芝士年糕一咬入面芝士流出黎好邪惡好正呀！💙冷泡茶 白桃味淡淡清香茶味好出，桂花味清香回甘但完全唔會澀

朋友想食丼飯，見呢到款式多又唔算貴，決定黎食下。今次叫左 天婦羅丼($58)、一口芝士3件($14)、忌廉蟹肉餅($10)、爆蔥鵝肝多士2件($68)、迷你忌廉泡芺2粒($8)、白桃冷泡茶($10)、茉莉冷泡茶($10)、桂花冷泡茶($10)、同埋自選丼($217)天婦羅丼：裡面有炸蠔、炸蝦、炸鰻魚、炸菜，呢個價錢當然之抵食👍🏻D天婦羅炸得香脆，唔會淋晒，而內裡仍然JUICY唔會太乾😋自選丼：好似車仔麵咁，可以按自己喜好口味選擇食材，DIY夠靈活😉今次就揀左沙律($15)、日本帶子($25)*2、珍寶赤蝦3隻($28)、火炙左口邊3片($28)、丼燃鮑魚($38)、海膽30G($58)😎火炙左口邊入口即溶，帶子厚身鮮嫩，鮑魚同赤蝦彈牙爽口，海膽唔會鮮甜唔苦🤤整個丼都極為豐富🤩一口芝士、忌廉蟹肉餅：香口嘅小食，忌廉蟹肉餅又幾出色，大大件，內裡忌廉味香濃😋爆蔥鵝肝多士：多士底夠脆，鵝肝煎得好香，上面加左D蔥調味令個味道又幾夾😉迷你忌廉泡芺：細細件方便食用，入口軟滑，食落去香甜可口😁白桃冷泡茶、茉莉冷泡茶、桂花冷泡茶：呢到仲有自家製冷泡茶，茶味清新，個人比較喜好白桃冷泡茶😉個杯嘅造型都幾有心