鳴橋燒肉料理 (已結業)

踏入2019年，運氣真係ma ma地，所以要同老公食餐燒肉，燒下d衰氣🤣朋友之前推介食鳴橋燒肉，種類多而且食物新鮮，於是去試下，果然冇介紹錯。我地喺門口企左一陣研究下個餐單，燒肉放題，二百零蚊，有刺身，有和食，有炸物，有燒肉，有甜品，飲品，款式多多，唔錯唔錯👌入面唔算大，但都坐得舒適嘅，簡單嘅和式佈置。刺身夠新鮮，每件三文魚刺身厚身肥美，脂肪紋分佈鮮明，色澤呈橙紅色，肉質堅挺。甜蝦、帶子和八爪魚賣相睇起黎都好正，食落都符合外表嘅鮮美，好鮮甜，抵讚👍燒肉部份方面，我地先燒羊架，一邊燒一邊傳出香味。亦推介鹽燒牛舌，切得夠薄身，食落爽口。一口和牛同牛肋肉都係出色之作，肉味濃郁，肉質香嫩，牛肋肉厚薄均勻，入口即溶，混埋牛油嘅香味，維持喺口腔入面但又唔會覺得膩，非常好食。雞翼味道好，唔會太鹹，單骨亦方便燒同食，唔會燒到燶晒。以上都再encore左一次😚另外海鮮點左虎蝦，三文魚骨同多春魚，虎蝦都幾肥美。炸物即叫即炸，又鬆脆又夠熱。三文魚頭湯，好香濃嘅三文魚，如果再熱d就好喇。蟹籽沙律夠晒醬汁，而且帶點微酸，幾開胃。飲品同甜品種類選擇唔算太多，但都有好幾款，抹茶雪糕嘅茶味香濃，唔會偏甜同太重奶味。而

同事生日飯，同一班大胃男食飯當然揀放題著數啦！我地揀左油麻地呢間日式燒肉放題食日式燒肉放題，當然要試勻佢地全部肉食啦！全部肉睇落都好高質素！我最愛一口和牛入口真係嘩嘩聲好重牛味呀！仲勁多肉汁！而有一位好鐘意食羊o既朋友就話佢地o既羊架勁高水準好腍好香咁話我眼見佢食左超過5件刺身都好有水準特別係甜蝦，北寄貝，好鮮甜好新鮮除左肉之外，仲有海鮮燒架！虎蝦同帶子都好好味！蝦好大隻好彈牙而佢地o既熟食就唔多，試左天富羅味道都ok,唔會好出色。所以都係留肚食燒烤抵d甜品我覺得最好味係芝麻雪糕，都幾滑幾重芝麻味總括黎講，呢間放題好有水準，而且價錢都唔太貴，以呢個質素黎講，算幾抵食！

難得星期六不用上班，於是便相約女友人到旺角逛街兼睇戲。由於距離睇戲時間尚早加上是午餐時間，我便向女友人提議一個大膽又創新的建議，便是在午膳時間食燒肉，親切的女友人對我這個近乎瘋狂的建議竟然欣然接受，於是我們便搜尋附近有那些燒肉店。經過搜尋後，發現位於砵蘭街的鳴橋燒肉料理有著不錯的食評，所以我同女友人便決定去這裏吃一頓豐富的燒肉午餐。餐廳位於砵蘭街，地點固然方便，其日式燒肉店的外觀亦令餐廳份外顯眼，所以不難找到。由於時間尚早，可能是剛剛開舖，餐廳內人流未算多，但隨着時間的過去餐廳的客量亦逐漸增多。我們進入餐廳隨便找個位置便進行我們的食肉大計。這間餐廳的食品尚算豐富，飲品種類亦見繁多，還有的是當落單後上菜的時間短，這對於放題來說是很重要，尤其是燒肉放題，須知道除了上菜外，燒肉都需要時間，所以食燒肉放題時間很寶貴的。各式刺身：各種刺身單從顏色便覺得新鮮，尤其以三文魚、帶子更令人垂涎。三文魚色澤呈新鮮橙紅色，厚切的方式加上鮮甜彈牙的肉質，實在不錯；帶子顏色嫩白，同樣是厚切，鮮甜可口。餐廳會為燒烤爐鋪上牛油紙以防止食物黏鍋，非常貼心。各種燒烤：各種食物素材新鮮，其中以牛舌、一口和牛、鹽燒雞翼、三

友人約飯聚，又剛好遇上很想食肉，便選了旺角的「鳴橋」一試。來到帶和風的門口，推門而至，店裡分了兩部分，空間有點點迫，不過燒肉便是要熱鬧，對嗎?原來這裡是任食任飲的，以畫紙仔的形式下單。要食燒肉，當然先來一杯Asahi，清涼一下。再點上了少許刺身，友人倒是甚高興。接著便點上了大蝦、帶子和牛肉類，牛的款式很多，有一口和牛，牛舌，薄切牛肉；另外也點了不可少的雞翼。大蝦來了，相當有睇頭，份量十足。而帶子也不錯。店家很好的會因應人數而出數量，所以點了3份牛肉，便剛好來了3份。不夠食再追加也好。順帶一提，燒肉時十分方便，店家已先加上牛油紙，不但不會黐底，更方便清理，保持清潔。牛肉質素不錯的，鮮味十足。牛舌彈牙，而且雞翼很入味又惹味，追加了兩次。羊架也可別小看，燒至五成食，非常香，又嫩滑，值得一試。也提提大家，這裡有炸物選擇，小紫薯很香甜的，別忘了點啊~

早前晌尖沙咀食咗餐好和味嘅日式烤肉，今晚再續「烤肉」之夜，同個死佬朋友嚟到油麻地嘅鳴橋燒肉料理，貪佢近近哋，而且，全包放題，即喺任飲任食，連加一都唔使兩舊水，仲有可以晌Table Map訂枱儲分，又可以下載優惠券賺多一客特大刺身蝦嚟試試，諗落划算嘛。離油麻地地鐵幾分鐘腳程，好方便，位置屬於黐住旺角，所以，幾旺場，仲越夜越多人，訂咗枱始終穩陣啲，離開時仲見唔少人晌門外等位添。門口大大個餐牌，有咩食一目了然。室內環境唔喺好大，坐滿人之時真喺幾逼，裝修亦都好簡單，反而餐廳尾落幾級嘅用餐區闊落少少。基本收費，$178一位（星期五、六、日、假期及其前夕，另加$10），任飲任食兩個鐘，我哋咁戰鬥格，夠晒啦。當中，已包咗超過60多款嘢食，有肉類、野菜、和食、甜品、炸物、刺身、海鮮及飲品。另外，又可以加$40升級為皇牌放題，有多6款嘢食可以任點，就喺牛肋肉、花虎蝦、帆立貝、刺身帶子、馬刀貝及意大利芝士蛋糕，想享受多啲，定慳番啲，悉隨尊便。此外，仲有一張點菜紙寫住付款項目，有兩款特別食物，同埋啲啤酒、清酒、紅酒、白酒、香檳之類，小心啲剔，咪亂剔剔鬼錯。三文魚頭湯燒烤需時，所以，不如點個湯潤一潤。湯品有味