Coti (沙咀道)

营业中

休息中

星期六又喺行山日，其實有少少即興，因為之前睇天文台預測話今日朝早有雷暴，午後間中有陽光，但一朝起身就已經陽光普照，萬里無雲咁款，所以，立即睇吓有無老友有興趣行山，結果，就約好舊同學，簡單行一轉「元荃古道」，由荃灣行到深井。起步前，就不如約埋食番餐晏仔先起步，唔想太普通，就揀咗荃灣「嘉達環球中心」嘅Coti，方便食完行上去起步點。餐廳位處商業中心大堂，鋪仔細細，主力做咖啡，明顯客戶就喺樓上嘅寫字樓客，佢哋消費力高，肯花錢飲啲靚咖啡或特別咖啡。而餐廳嘅環境基本上晌門口都一眼睇得晒，裝修簡約，一派咖啡小店模式。最吸引小弟喺近水吧位前嘅「Coffee Type」海報，一圖睇晒咁多款意式咖啡嘅分別。既然喺主打咖啡，當然先介紹飲品一環，除各種經典嘅意式咖啡之外，仲有多款特色推薦咖啡、花茶、鮮奶、朱古力、果茶……等等。食物方面，店家主力喺做早餐及午餐，各方面都提供多款選擇，並包埋餐牌內任何咖啡或茶類飲品，喺只有轉推薦咖啡先要加錢。啲咖啡、花茶散點一般三、四十蚊杯，所以，咁計落啲早餐、午餐其實唔貴。未來肉醬意粉 $74舊同學喺食肉獸，完全唔知咩喺未來肉，所以，推薦佢試吓，睇吓佢覺得似唔似真肉。睇賣相就

週末喺荃灣嘅鬧市想搵個靜靜地嘅Cafe食個lunch嘆杯咖啡，見到呢度啲咖啡幾吸引就去試下，由愉景新城行過去大概10分鐘，由於呢間Cafe 位於荃灣嘅工廈區，週末嘅中午反而比較少人。午餐$74-$88 一份已包一杯咖啡或茶類飲品，價錢算實惠，見signature coffee 好多款都吸引，決定加$24轉咗焦糖布甸咖啡同天然蜂巢咖啡。兩款特色咖啡都唔錯，焦糖布甸咖啡飲落有雙重嘅口感，甜度適中；蜂巢咖啡賣相靚，打卡一流，飲一啖原味再加蜜糖攪拌可以品嚐到兩種味道嘅咖啡。兩款食物即叫即煮熱辣辣，忌廉汁煙三文魚意粉嘅煙三文魚份量算多，意粉軟硬適中，醬汁濃稠，調味剛好。紅酒燉牛肉甜甜地有D似韓式燘牛仔骨嘅味道，肉質夠曬淋同入味。一邊食見到有好多熟客嚟幫襯，同店員有講有笑，相信呢間Cafe 都係呢頭返工嘅人嘅熱門選擇。